2 Webena 36:10 - mzwDBL

¹⁰ Benanyoa aa chema la, Kooro Nebukadnesa ɡelɔ ba ba lawɛ Kooro Jehoiachin kaa Babelɔn harɛ ta, dɛ pa kondɛɛɡa a yoɡ aa kpeɡa dɛ do Korowii Dea ja kaa. O kpɔ Kooro Jehoiachin naara Sedekia chiɡ o naa ta, o ɛ Juda harɛ ta kooro, dɛ so Jerusalam.

2 Webena 36:10 ပူးပေါင်းရင်းမြစ်များ

2 Samoɛl 11:1

Lɔmɔɡa saŋ koranar yon dɛɛ la laa la, Kooro Devid tomɛ Joab ne o laa nomonome dɛ Israel laa tena bwa. Ba kaa yo Amɔn tena dɛ pɔ ba nɛ, dɛ ka bar bwɛjen Raba ɡe cheme dɛ chɔɡ o bwa o berɛ dimɡbia, kɛ Kooro Devid te soɡe Jerusalam.

2 Koranar 20:17

tɔpere bɛl dɛ ba, ásɛ nɛra ba kpɔ komɛlbwa aa lɔ he koodem ne kwaa he naawa aa nyina cheɡ ba le fini nɔ kaa Babelɔn harɛ ta, komɛlbwa aa wola ka.

2 Webena 36:18

Babelɔn Kooro ɡelɔ ba pa laala aa lɔ Korowii Dea, ne anɔ la a yoɡ aa kpeɡa, dɛ do deene baa dɛ cheɡ laala a yoɡ aa kpeɡa a bini Korowii Dea, dɛ anɔ la aa lɔ kooro ne o nomonome be bwa, kɛŋɔ laa ta kwaa kaa Babelɔn harɛ.

2 Webena 36:7

Kooro Nebukadnesa berɔ pa laala a yoɡ aa kpeɡa, dɛ do Korowii Dea la kaa Babelɔn ka do o koodem bela.

Ɛsta 2:6

Babelɔn Kooro Nebukadnesa lawɛ Juda Kooro Jehoiachin ne nɛra bane le Jerusalam kaa o harɛ ta, dɛ Mɔdekae ja ba nɛ.

Aesaya 39:7

Baa larawe he ɡbaɡba naanar la banee kaa, dɛ́ ka fɔɡɛ ba lure, bá do Babelɔn koodem dɛɛ tomɛ.”

Jeremia 20:5

Mɛɛ berɔ ɡel ba dɔma pa ba kondɔɔh aa lɔ bwɛjen nɔ ta bwa, dɛ́ kpɔ nɔn dawɛ ba komɛlbwa ta, hale Juda koranar kwaa a yoɡ aa kpeɡa bwa, dɛ́ che a bwa kaa Babelɔn harɛ ta kɛŋɔ laa ta kwa.

Jeremia 22:25

Mɛɛ kpɔe do nɛra baa dɛ nyini dɛ́ kpo, hɛɛ ɔm ba la nɔn ta. Babelɔn Kooro Nebukadnesa ne o laa tena nɔn taa mɛɛ ba he kpɔe do.

Jeremia 24:1

Babelɔn Kooro Nebukadnesa lawɛ Juda Kooro Jehoiakim bibaa Jehoiachin ne o nomonome, ne nɛra baa dɔ kwaa sɛɛh wejema, dɛ nɛra baa dɔ kwaa bwa soo siwi ɛɛ wejema le Jerusalam kaa bojaŋ harɛ Babelɔn. A habɔɔ, Korowii ɡel men Jeremia na waane chaahna ta, dɛ fiɡ daa nɔna wɛɡrɛre anɛ cheɡɛ o Dea doonyoa bela.

Jeremia 27:16

Belaa n ŋɔ sɔfore la ne nɛra la be waa Korowii fa aa bola ŋɔ, “He bɛ keamere baa dɛ bol ŋɔ aa biɡri bá berɛ kpɔ laala a yoɡ aa kpeɡa dɛ faa do Korowii Dea bonɔ la le Babelɔn ba la be no. Neɡraa baa neɡre heyaa la.

Jeremia 28:3

Bene anɛ ne tela dɛ n ɡelɔ ba kpɔ laala a yoɡ aa kpeɡa dɛ fa do Korowii Dea, Babelɔn Kooro Nebukadnesa paa le bonɔ la, dɛ́ berɛ ba a ne.

Jeremia 37:1

Babelɔn Kooro Nebukadnesa lawɛ Josia bibaa Sedekia so kora ta Juda harɛ ta chiɡ Jehoiakim bibaa Jehoiachin naa ta.

Ɛsekeɛl 1:2

Korobie la tɔpenue weeree ɛ bene anue baa lawɛ Juda Kooro Jehoiachin laa ta kaa Babelɔn.

Ɛsekeɛl 17:12

“Bɔɔ deŋnekpeɡ tena la ba baɡle sɛɡla la mun.” Ŋɔ ba be ŋɔ, “Babelɔn kooro la Jerusalam, dɛ ka lawɛ bela kooro ne o nomonjena, dɛ kaa ba ne Babelɔn.

Ɛsekeɛl 17:6

O leɔ dɛ pi harɛ kɛŋɔ ɡrepo da. O kpala la kaa nyundua dɛ chaɡɛ kee la nɛ, asɛ o lune te kaa harɛ bini. O ta kpala dɛ moɡɛ papooni.

Daneɛl 5:2

Ba ta aa dɛ nyɔ sen la, Kooro Bɛlsasa tomɛ o bonɔɔna ŋɔ bá ka kpɔ suuɡaswɛm ne suuɡapoŋa numoli o mɛɛ Kooro Nebukadnesa fa aa paa le Korowii Dea waa lɔ Jerusalam la ba, ásɛ o ne o nomonjena ne o haahna dɛ o sɛnanar kpɔ nyɔ sen.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Habakuk 1:10

Ba siwi aa koranar tɔɡɛ, dɛɛ ɛ nomonome sisawa. Bwɛjena baa ma danjwɛɛre bara ɛ wesoma waa ba be. Ba cheɡɛ teera do danjwɛɛre baa maa bar bwɛjena mune, dɛ che a ta teeh ka yoo ba dɛ́ pɔ ba nɛ.