2 Webena 35:8 - mzwDBL

⁸ Kooro nomonome ɡe le ba bambile ta kpɔ kwaa tɛ nɛra la ne sɔfore dɛ Lewi dea tena. Asɛ Sɔfonomoa Hilkia ne Sekaria dɛ Jehiel baa ɛ nomonome, dɛɛ nyiŋi toma aa lɔ Korowii Dea la ɡe le ba bambile ta, dɛ tɛ nɛra la pebiiri ne boohna kaɡboŋa anɛ lafraanumɛl, dɛ nabala lafraatoro ŋɔ bá kpɔ ɛ sarahare Galekaa Tɔpejen la ta.

2 Webena 35:8 ပူးပေါင်းရင်းမြစ်များ

1 Webena 29:17

N jemɔ kɛŋɔ bambile binii hɛɛ nyiŋi, he sie ɛɛ lɛ nɛra ba wa aa toɡra ta. Anɔ bwa, n ta n bambile dɛ kpɔ tɛɛ. N berɔ na silɛɛ he nɛra baa lɔ bonɔ ɡe aa dɔa, dɛ le ba bambile ta, dɛ kpɔ kwaa ba tɛɛ.

1 Webena 9:20

Wubwa la, dɛ Eliasa bibaa Fenehas nɛɛ Korowii ja wɛɛ nyiŋi nɛra baa dɛ daah doonyoo la nɛ.

2 Webena 30:24

Juda Kooro Hɛsɛkea tɛ nɛra baa cheme bela nabala kaɡboŋ, dɛ boohna ne peera kaɡboŋa anuanɛ, asɛ o nomonome la ɡe tɛɛ ba nabala kaɡboŋ, dɛ boohna ne peera kaɡboŋa fi. Asɛ sɔfore baa wara laa doŋa bɛlbwa kpɔ ba nɛ, ba do ɡoroŋ.

2 Webena 31:13

Ba le Lewi dea tena nɛra fi ŋɔ bá do Konania ne o nime Simee lɔɡa dɛɛ ɛ toma bela. Banee, Jehiel ne Asasia ne Nahat, ne Asahɛl ne Jerimot ne Josabad ne Eliel, ne Ismakia ne Mahat dɛ Bɛnaya. Kooro Hɛsɛkea ne Sɔfonomoa Asaria kpeɡri taa a che, ba lee ba.

2 Webena 34:9

Ba la Sɔfonomoa Hilkia be, dɛ kpɔ suuɡa Lewi dea tena baa dɛ daah Korowii Dea doonyoo aa lɛa le Manasɛ ne Efrem deene tena, ne Israel tena baa kaa la be, ne Juda harɛ nɛra bwa, ne Bɛnjamen dea tena, dɛ nɛra baa lɔ Jerusalam tena be la ba tɛo.

2 Webena 35:7

Kooro Josia lawɛ peera ne boohna kaɡboŋa fifraatoro, dɛ nae kaɡboŋa atoro tɛ nɛmpɛɛne la ŋɔ bá kpɔ ɛ Galekaa sarahare.

Ɛsra 1:6

Ba bala la bwa cha ba, dɛ tɛɛ ba suuɡaswɛm ne suuɡapoŋa koŋkwaa, ne laala baa kpɔ ɛ toma ne kondɛɛra, ne koŋkɛɛla a yoɡ aa kpeɡa, dɛ kpɔ ja saraha kwaa bwa aa le ba bambile ta.

Ɛsra 7:16

Berɛ kpɔ suuɡapoŋa ne suuɡaswɛm haa dɔa le Babelɔn harɛ ta, ne deŋnesɔɔhna sarahare Israel tena ne ba sɔfore aa kpɔa tɛ Korowii Israel tena aa dɛ tomɔ Dea waa lɔ Jerusalam la bwa.

Yela 45:12

Bwɛjen Taaya tena ɛɛ ba koŋkɛɛla nee ba tɛɛ, suuɡa tena ɛɛ nyin bá kpɔ ba kwaa ba di he liire.

Nɛra Kura 7:2

Asɛ Israel deene fi dɛ anɛ nomonome la ba fa aa lee ba le ba deene ne lolanar bini ba kure nɛra la ɛ sarahare.

We-ɛɛla 4:1

Pita ne Jɔn aa cheɡa dɛɛ bol waa nɛra la be la, sɔfore bane ne nɛra baa dɛ daah Korowii Dea la nomoa ne Saduki tena bane balɔ. Dɛ Saduki tena la aa yarada kɛŋɔ nɛra bwa ɛɛ ir seo taa tɔpebɛl.

We-ɛɛla 5:26

Asɛ nomoa waa chɔ nɛra baa dɛ nyiŋi Korowii Dea doonyoo nyoa la ne o nɛra la dɛ ka lawɛ Yeesu toroma la ba. Dɛ ba dɛ ɔmɛ kɛŋɔ dɛ ba kpɔ kpeɡri laɡ ba aa, ba bwɛɛ tena la baah ɛɛ diu bá ta bwea foɡ ba. Anomanta, ba laɡ ba kaa jeiih ken.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

2 Kɔrent 9:7

Anomanta, bɛ́lbwa tɛ ɡɛ aa maɡra o bambile ta. Bɛlbwa nao kɛŋɔ o tɛo aa we o nɛɛ yaa, ó ɡel tɛɛ. Bɛl dɛ lii kɛ doe ba doo ŋɔ o tɛ aa, ó ɡel, dɛkalkɛŋɔ nomɛlbwa waa dɛ tɛ kwaa bambile bwa ne la, Korowii sie dɛ lɛ o nɛ.