2 Webena 35:7 - mzwDBL

⁷ Kooro Josia lawɛ peera ne boohna kaɡboŋa fifraatoro, dɛ nae kaɡboŋa atoro tɛ nɛmpɛɛne la ŋɔ bá kpɔ ɛ Galekaa sarahare.

2 Webena 35:7 ပူးပေါင်းရင်းမြစ်များ

1 Koranar 8:63

Kooro Solomɔn kpɔ nae kaɡboŋa fifraanɛ dɛ anɛ, ne peera dɛ boohna kaɡboŋa lafa fifraanɛ ɛ deŋnesɔɔhna sarahare tɛ Korowii. Gɛɛ Kooro Solomɔn ne Israel tena bwa ɛ dɛ kpɔ Dea la do Korowii nɔn ta.

1 Webena 29:3

Anɔ bwa habɔɔ, maa dɛ nyin Korowii Dea la kɛrɛdɛ nomanta, n berɔ kpɔ n ɡbaɡba suuɡaswɛm ne suuɡapoŋa dɛɛ tɛ bá kpɔ ɛ o toma.

2 Webena 30:24

Juda Kooro Hɛsɛkea tɛ nɛra baa cheme bela nabala kaɡboŋ, dɛ boohna ne peera kaɡboŋa anuanɛ, asɛ o nomonome la ɡe tɛɛ ba nabala kaɡboŋ, dɛ boohna ne peera kaɡboŋa fi. Asɛ sɔfore baa wara laa doŋa bɛlbwa kpɔ ba nɛ, ba do ɡoroŋ.

2 Webena 31:3

Kooro Hɛsɛkea lawɛ o ɡbaɡba nae ne boohna ne peera tɛ ŋɔ, bá kpɔ ɛ sarahare baa dɛ fuah chɔɔ ne jɔmɔra, ne Ona Tɔpera ne Korobifala Tɔpejena, dɛ tɔpejena ane baa lea cheɡ ta, ɡɛ baa chwera do Korowii Mmara tɔn bini la.

2 Webena 35:6

Hé kpoo Galekaa Tɔpejen pebiiri la, dɛ́ sɔ he doŋa ta, dɛ́ do ɡoroŋ Korowii be pera, ásɛ dɛ kwaa saraha kwaa la tɛ he bala la, ásɛ ba won dɛɛ teŋɛ waa Korowii aa cheɡɛ Mosis nɛɛ dɛ bol la ta.”

2 Webena 35:8

Kooro nomonome ɡe le ba bambile ta kpɔ kwaa tɛ nɛra la ne sɔfore dɛ Lewi dea tena. Asɛ Sɔfonomoa Hilkia ne Sekaria dɛ Jehiel baa ɛ nomonome, dɛɛ nyiŋi toma aa lɔ Korowii Dea la ɡe le ba bambile ta, dɛ tɛ nɛra la pebiiri ne boohna kaɡboŋa anɛ lafraanumɛl, dɛ nabala lafraatoro ŋɔ bá kpɔ ɛ sarahare Galekaa Tɔpejen la ta.

Aesaya 32:8

Nɛn waa dɔ jirima te, o dɛ maɡle waa aa dɔ jirima dɛ́ ɛ, ásɛ a che a ta wɛɛ do kɛrɛdɛ.

Ɛsekeɛl 36:38

Baa warɔɔ kɛŋɔ peera baa teɡa dɛɛ kaa dɛ́ ka kpoo ɛ saraha Jerusalam tɔpejena dii ta ken. Bwɛjena a fa aa paɡra la, nɛra ɛɛ ba su a binii, ásɛ ba jemɛ kɛŋɔ menee Korowii.”

Ɛsekeɛl 45:17

A ɛ kooro la toma kɛŋɔ ó kpɔ saraha kwaa baa fuah, ne mea sarahare, dɛ sen sarahare tɛ tɔpejena ne Korobifala dɛ Ona Tɔpera dii ta. Wɛɛ kpɔ wechɔɡa kpɔe dɛ kɛ sarahare, ne mea sarahare, ne sarahare baa dɛ fuah, dɛ deŋnesɔɔhna saraharee ba soŋe Israel tena wechɔɡa n be, ń kpɔ kɛ ba.