2 Webena 35:6 - mzwDBL

⁶ Hé kpoo Galekaa Tɔpejen pebiiri la, dɛ́ sɔ he doŋa ta, dɛ́ do ɡoroŋ Korowii be pera, ásɛ dɛ kwaa saraha kwaa la tɛ he bala la, ásɛ ba won dɛɛ teŋɛ waa Korowii aa cheɡɛ Mosis nɛɛ dɛ bol la ta.”

2 Webena 35:6 ပူးပေါင်းရင်းမြစ်များ

Mumpar 35:2

Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala.

1 Webena 15:12

Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.

2 Webena 29:15

Baa yerɛ ba bala Lewi dea tena cheme, dɛ laa doŋa bɛlbwa aa lɔ ba nɛɛ kpɔ dɛ do ɡoroŋ la, ba kaa jo Korowii Dea la ɡe bini, dɛ laa doŋa bɛlbwa kpɔ o ta o do ɡoroŋ, ɡɛ kooro la aa do ba ɡɛ Korowii wa aa dɛ baɡle la.

2 Webena 29:34

Dɛ sɔfore la ta warɛ, dɛ́ won swe ola baa kpoora dɛ́ fuah ɛ saraha la, anomanta, ba bala Lewi dea tena la cha ba dɛ swea tonɛ. Gɛ saŋ dɛ sɔfore baa dɔ bɔr dɛ laa doŋa bɛlbwa kpɔ ba nɛɛ dɛ́ do ɡoroŋ warɔ. Dɛ Lewi dea tena la waa dɔ kasinteŋ doŋa laa dɛ kpɔ ba nɛɛ dɛ do ɡoroŋ dɛ ɡwaa sɔfore la kwara.

2 Webena 29:5

dɛ ŋɔ, “Hé Lewi dea tena hé no! Hé tɔ sie le he te cheɡ tɛ Korowii, dɛ́ laa doŋa bɛlbwa kpɔ he nɛɛ dɛ́ do ɡoroŋ, dɛ́ laa doŋa bɛlbwa kpɔ Korowii ya naawa aa tomɔ Dea nɔ ta. Hé laa komɛlbwa aa ɡela o kah doŋa kpɔ o bini.

2 Webena 30:3

Dɛ baa di tɔpejen la o saŋ ta biɡro, dɛkalkɛ dɛ sɔfore ta warɛ dɛ́ won laa doŋa bɛlbwa kpɔ ba nɛɛ bá do ɡoroŋ, asɛ dɛ nɛra la ɡe bwa aa won Jerusalam cheme.

2 Webena 35:1

Kooro Josia di Galekaa Tɔpejen la Jerusalam Korowii sɔn ta, dɛ kpo pebie waa kpɔa di tɔpejen la korobiloɡle tɔpera fi dɛ anaarɛ ta.

2 Webena 35:11

Baa kpoo pebiiri ne bombiire la tonɛ la, sɔfore la kpɔ a chal merɛ kon baa ɛ saraha o ta dɛɛ tɛ Korowii la ta, asɛ Lewi dea tena la ɡe ɛɛ swea.

2 Webena 35:7

Kooro Josia lawɛ peera ne boohna kaɡboŋa fifraatoro, dɛ nae kaɡboŋa atoro tɛ nɛmpɛɛne la ŋɔ bá kpɔ ɛ Galekaa sarahare.

2 Webena 5:11

Ate, sɔfore la le Boɡoroŋ bela. Sɔfore baa lɔ bela la sɔ ba doŋa bɛlbwa ta Korowii be pera, peɡra toole o dɔŋ ne o dɔŋ baah.

Job Tɔn 1:5

Ba di kondikonjena la dɛ bar chiɡ tonaa, ba mɛɛ Job yon ir chɔɔ, dɛ kpo kon ɛ saraha soŋe ba wechɔɡa Korowii be, bɛlbwa nyu ta. O yon lii ŋɔ, “N bii nɔ ken ɛ wechɔɡa, dɛ jo Korowii nɛɛ ba ta jemɛ.” Dɛ waa Job aa dɛ ɛ saŋ bɛlbwa laanee la.

Yela 51:7

Fee n wechɔɡa, ásɛ doŋa bɛlbwa le n nɛ, laa doŋa kpɔ n bini, ásɛ n bambile to kɛ yabi.

Kaala 12:6

Hé nyiŋa dɛ ka tel korobie nɔ tɔpera fi dɛ anaarɛ ta, a ɡɛ saŋee Israel tena ɛɛ ba a kpoora jɔmɔra.

Kaala 19:10

Anee Korowii ŋɔ Mosis be ŋɔ, “La nɛra la be dɛ́ ka ŋɔ ba le fini ne kere dɛ́ sɔ ba doŋa bwa ta, dɛ́ do ɡoroŋ n be pera. Bá chɛɡɛ ba laala,

Kaala 19:15

Asɛ o ŋɔ nɛra la be ŋɔ, “Hé kpɔ he te dɛɛ kpa tɔpetooro wee la. Bɛlbwa ɛɛ berɛ haah chɔe.”

Joel 2:16

Hé boa nɛra la nyoa, dɛ́ laa ba doŋa kpɔ ba nɛ. Hé boa nomonome nyoa, dɛ́ yerɛ bechale bá ba cheme, hale bechasɔɔhne baa dɛ ɔr. Hanfale ne o jaa le ba dea baa soɡe o bini ba.