2 Webena 35:3 - mzwDBL

³ O ŋɔ Lewi dea tena baa laa doŋa bɛlbwa kpɔ ba nɛɛ, dɛ le ba te cheɡ tɛ Korowii dɛɛ ɛ toma o Dea, dɛɛ baɡle nɛra o Mmarare la be ŋɔ, “Hé kpɔ Korowii Fɔo Daka waa do ɡoroŋ la ka cheɡ Korowii Dea Kooro Devid bibaa Kooro Solomɔn aa doo la bini. He bɛ che dɛɛ ɡaaɡe kpa, dɛɛ tomɛ Korowii ne o nɛra Israel tena.

2 Webena 35:3 ပူးပေါင်းရင်းမြစ်များ

1 Webena 23:26

ɡɛ nomanta, Lewi dea tena la ta chɛ kɛŋɔ bá che Korowii Tɛnte Dea la kɛɛ komɛlbwa baa kpɔa dɛɛ tomɛ Korowii la kpa.”

2 Webena 17:7

Kooro Jehosafat aa di kora bene atoro ta la, o tomɛ o nomonome ŋɔ bá baɡle Korowii waa Juda harɛ bwɛjena ne bwɛjeɡre bwa ta. Banee, Bɛn Hael ne Obadia ne Sekaria ne Nɛtanɛl dɛ Mikaya.

2 Webena 30:22

Kooro Hɛsɛkea jam Lewi dea tena wejema ne kpɛɛra baa dɔa, dɛ kpɔ cha tɔpejen la dii la. Tɔpera anuanɛ bwa la, ba tɛɛ ba saraha kwaa aa ɛ ba dibɔra la ba di, dɛ ɛ deŋnesɔɔhna sarahare, dɛ kpɛɛ Korowii ba naawa aa tomɔ la.

2 Webena 34:14

Baa laa suuɡa la dɛɛ kpɔ Korowii Dea bela baa cheɡa la, sɔfo Hilkia na Korowii Mmara Tɔn waa cheɡɛ Mosis nɛɛ dɛ kpɔ tɛ, o nyoɡre la.

2 Webena 5:7

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ o Dea la bini, Boɡoroŋ Tenten bela, Kerobim la kena lɔɡre.

2 Webena 8:11

Ijipt kooro bihaah Kooro Solomɔn aa moo la, le Jerusalam waa ɛ Kooro Devid Bwɛjen la ta, dɛ ba koodemfale o jaa Kooro Solomɔn aa doa tɛo ta. O ŋɔ o haah ta chɛ kɛ ó so Kooro Devid koodem, dɛkalkɛŋɔ bobɛlbwa baa kpɔ Korowii Ne Nɛwɛnyina Fɔo Daka la jo la do ɡoroŋ.

Kaala 32:29

Mosis ŋɔ ba be ŋɔ, “Gɛ haa yo he bii ne nimanar dɛ dɔɔranar la ɡelɔ he le he te tɛ Korowii fini. Korowii swee heyaa andɛɛɡa taraken.”

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Nɛra Kura 8:19

Israel tena bwa bini la, Lewi dea tenaa n kpɔ do Arɔn ne o bibaala nɔn ta baa cha ba, dɛ́ che Israel tena naa ta dɛɛ ɛ toma n Dea Cheremibɔr bela. Bá soŋe ba wechɔɡa men Korowii be dɛɛ tɛɛ ba, ásɛ dɛ bɛlbwa la Boɡoroŋ la jwɛɛh kwara naa, weechɔɡa bɛlbwa bɛ on pu.”

2 Kɔrent 4:5

Ya ɡbaɡba waa laa yaa baɡle nɛra nɔ. Yeesu Kristo waa yaa baɡle kɛŋɔ onee komɛlbwa Dɔɔ, dɛɛ baɡle kɛŋɔ o nomanta, he bonɔɔnaa yan.

Mmarare 33:10

Báa dɛɛ baɡle he nɛra he Mmara ta teŋa taa, dɛ́ kpoo jam kwaa dɛɛ tɛɛ he saraha kon la ta.