2 Webena 35:25 - mzwDBL

²⁵ Korowii keame Jeremia taa Kooro Josia wiile. Dɛ kpoŋe ba le fini haahna ne baala dɛ́ taa wiile, dɛ kpɔ dɛɛ lii Kooro Josia. Ba chwera do Israel tena Wiile Taara Tɔn bini a ɛ ba nawee wa.

2 Webena 35:25 ပူးပေါင်းရင်းမြစ်များ

2 Samoɛl 1:17

Devid taa ɡɛ wiile aa teŋa nɔ tɛ Kooro Sɔɔl ne o bibaa Jonatan,

2 Samoɛl 3:33

Kooro Devid taa wiile nɔ tɛ Abna ŋɔ, “Ɛrɛɛ a chɛ kɛ Abna sewɛ ɡɛne seo waa do ken nɔɔ?

2 Webena 35:26

Wobɛlbwa Kooro Josia aa ɛa o kora dii saŋ, ne ɡɛ waa kpɔ o te tɛ Korowii ɡɛ aa lɔ Korowii Mmara tɔn bini,

Ɛsra 2:65

Ba bonɔɔna ne toli baa dɛ tomɛ ɡe lɔ kaɡboŋa banuanɛ lafraatoro fifraatoro dɛ banuanɛ. Dɛ ba berɔ dɔ baala ne haahna yelɡoola lafraanɛ.

Job Tɔn 3:8

Gel voɡra taah a ɡɛ tɔpere la, nɛra baa won mpo bini oljen waa dɛ tuuɡi harɛ, waa do kɛŋɔ lɛŋɔ yera la.

Wejereme 12:5

ɡɛ saŋ nɛra aa dɛɛ ɔmɛ bwejaŋa dor laŋa, ne ɔmee aa lɔ fɔɡbaahna, ne ɡɛ saŋ daa bɛl waa dɛ fe fepoŋa. Ásɛ hɔɔhre jah dɛɛ kaa tama tama, pɛlchɔɡa bwa ba a jaɡa, dɛkalkɛŋɔ nɛra boa ba nyoa, dɛɛ ba ba kaa lalabwɛ.

Jeremia 1:1

Baa bɛl sɔne Hilkia, dɛ o ɛ sɔfore baa lɔ Anatɔt la bɛl, dɛ do Bɛnjamen dea harɛ ta. O bibaa sɔne Jeremia, Jeremia waa waa bola laanee teŋa nɔ.

Jeremia 22:10

Juda tena, he bɛ Kooro Josia wi, he bɛ o lwe kwaraa ɛ. Kɛ hé wi tɛ o bibaa Joahas kohona, dɛkalkɛ baa lawɔɔ kaa bojaŋ harɛfale ta waa wola berɛ ba kpa, waa harɛ baa lolɔ o taa na kpa.

Jeremia 22:20

Jerusalam tena, hé ir la ka do lɔŋɔre Lɛbanɔn, dɛ́ la Basan harɛ ne Abarim ɡe ka wi, dɛkalkɛ ba kpoo nɛra baa ja he nɛɛ la bwa.

Wiile 4:20

Ba lawɛ kooro Korowii aa leo tɛ yaa. Ya liiro kɛŋɔ o nɛɛ yá che dɛ́ dɔ mkpa. Onee ya yarada kɛŋɔ wɛɛ lɛ yaa le nomɛlbwa waa ba lɔ tɔ ya nɛɛ la be.

Ɛsekeɛl 32:16

A ɡɛ waa nɔɔ baa ba kpɔe dɛɛ wiu. Harɛre ta haahna bwaa dɛ́ taa ɡɛ wiile la tɛ Ijipt harɛ ne o nɛra bwa. Men Nemenɛ Korowiirii bola.”

Emɔs 5:16

Anomanta, Nemenɛ Korowii Waa Ɛ Koranar Bwa Kooro ŋɔ, “Nɛra ɛɛ wi fɔɡbaahnaa, ásɛ lokua wii do bela nɛra aa dɛ cheme bwa. Baa yerɛ paara bwaa cheme ba wi tɛ nɛra baa serewa, dɛ́ ka kpɔ nɛra bá ba wi.

Matiu 9:23

Belaa Yeesu jo cheremi dea nomoa la dem. Waa na ɡɛ nɛra aa dɛ hoh kalipere ne nɛra baa dɛ ɛ lwe la aa dɛ do ɡbɔɡa la,

Sitɔɔla 11:39

Korobie anɛ la habɔɔ la, o berɔ ba o mɛɛ be, asɛ o kpɔɔ ɛ ɡɛ waa baɡɛ Korowii nyoa la. O ɛ bitolo waa wola baa jemɛ bwa. Gɛ waa nɔ taa Israel tena dɔ ba nawee waa bɛl le.

Sitɔɔla 11:40

Benanyoa bɛlbwaa toli yon le kaa tɔpera anaarɛ dɛ́ kpɔ dɛɛ lii Gelead te Jɛfta bihaah la wa.