2 Webena 35:21 - mzwDBL

²¹ Kɛ Kooro Neko kpɔ kala tɛ Juda Kooro Josia ŋɔ, “Juda kooro, n ne he laa dɛɛ yo laa nɔ, n ne n dɔmaa mɛɛ ba dɛ́ ba yoo ba, asɛ Korowii ŋɔ ń ɛ warane, o cheɡɛ n mun ta, anomanta, bɛ men tɔŋle, ásɛ o ba kpoe.”

2 Webena 35:21 ပူးပေါင်းရင်းမြစ်များ

2 Webena 25:19

O berɔ ŋɔ Kooro Amasea be ŋɔ, “He yo Edom tena dɛ pɔ ba nɛ he nyu bini do he som, ɡel a maɡre he ne dɛ́ so he dem. Ɛrɛɛ hɛɛ nyin waa ba dawɛ ya nɛ, dɛ́ chɔɡ he kora ne Juda tena nɔɔ?”

2 Koranar 18:25

He dɛ lii kɛŋɔ Korowii habɔɔ n le dɛɛ ba dɛ́ ba yo he harɛ nɛra nɔ kɛɛ? Korowii ɡbabirii ŋɔ n be ŋɔ, ń ba dɛ́ ba chɔɡ harɛ nɔ.”

Amanesoma Jɔn Aa Chwera Tɔn 2:4

Anee Yeesu bɔɔ o nya ŋɔ, “N nya, aah ɛrɛ waa he berɛ dɛɛ nyiŋi n te siwi ta nɔɔ? Gɛ saŋ maa dɛ ba n toma ɛɛ la ta tele mɔɔ.”

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

Aesaya 36:10

He dɛ lii kɛŋɔ Korowii habɔɔ n le dɛɛ ba dɛ́ ba yo he harɛ nɛra nɔ kɛɛ? Korowii ɡbabirii ŋɔ n be ŋɔ ń ba dɛ́ ba chɔɡ harɛ nɔ.”

2 Samoɛl 16:10

Ate, kooro ŋɔ, “Abisae ne Joab, bɔkwa waa n ne he dɔ ɛɛ yɔ? Dɛ Korowiirii ŋɔa Abisae taah men Devid aa, umee dɛ́ won bɔɔ ŋɔ ɛrɛ waa wɛɛ ɛ ken ɔ?”

2 Webena 35:22

Ane a bwa, dɛ Kooro Josia ta dɛ nyin ó ka yo. O ta waa Korowii aa cheɡɛ Kooro Neko nɛɛ dɛ bol la ta teŋɛ, anomanta, o beɡre o te dɛ la ka yoo Meɡido harɛ waa chɔa kaa la ta.