2 Webena 35:15 - mzwDBL

¹⁵ Asaf naanar bane baa ɛ yelɡoola, yon ka che ba chebɔra, ɡɛ Kooro Devid ne Asaf ne Heman, dɛ kooro keame Jedutun aa do ba la. Nɛra baa dɛ daah doonyoo la ta chɛ kɛ bɛlbwa le kɛrɛ, dɛkalkɛ ba bala Lewi dea tena la daa Galekaa Tɔpejen kondikwaa la ane baa tɛɛ ba.

2 Webena 35:15 ပူးပေါင်းရင်းမြစ်များ

1 Webena 23:5

Ba bini kaɡboŋa banaarɛ ɛɛ daah doonyoo la, ásɛ kaɡboŋa banaarɛ ɡe kpɔ kwaa baa dɛ hɛlɛ ane ɡo yela dɛɛ kpɛɛ Korowii. N nyin a bwa, bá kpɔ ɛ toma nɔ.”

2 Webena 30:16

Ate, bɛlbwa ka che o chebɔr, ɡɛ Korowii bonɔɔ Mosis Mmarare aa dɛ baɡle la. Asɛ Lewi dea tena la kpɔ kwaa baa kpoora ɛ saraha chale la tɛ sɔfore la, asɛ ba ɛ merɛ saraha kon la ta.

2 Webena 35:14

Anɔ habɔɔ, Lewi dea tena la yon kpɔ ola la ane, dɛ tɛ sɔfore baa ɛ Arɔn naanar sɔfore la ɡe, dɛkalkɛ jwaana bwaa sɔfore la yon so dɛɛ fuh saraha kwaa ne a noorare bɔra la. Gɛɛ Lewi dea tena la yon laa ba dibɔr kpɔ, dɛ laa anɔ la ɡe aa ɛ sɔfore baa le Arɔn luɡe ta dibɔr kpɔ tɛɛ ba.

2 Webena 35:16

Anomanta, awola tɔpere la te, ba dɛ di Galekaa Tɔpejen la Korowii sɔn ta, dɛɛ fuh saraha kwaa kon baa ɛ sarahare dɛɛ tɛ Korowii la ta, ɡɛ Kooro Josia aa do ba la.

2 Webena 8:14

O teŋɛ waa o mɛɛ Kooro Devid aa ɛa la ta. O bɔne toma aa lɔ Korowii Dea bela tɛ sɔfore la ne Lewi dea tena la, asɛ Lewi dea tena la ɛɛ cha sɔfore la baa ɡo yela, dɛɛ ɛ ba toma ɡe. O le nɛra baa dɛ daah doonyoo la, dɛ bɔne ba bini baa nyiŋi doonyoo la ta, dɛkalkɛ dɛ ɡɛɛ Korowii nɛn Kooro Devid do ba.

Ɛsra 3:10

Mamaala la aa pa Korowii Dea la mun la, sɔfore do ba laala dɛ ka che ba chebɔra dɛ kpoŋe bɛle, asɛ Lewi dea tena baa ɛ Asaf bibaala kpoŋe kwaa anɛ ane baa kpɔ ayaawa ɛa dɛɛ hɛlɛ, dɛ ka che ba chebɔra, dɛ lɔ dɛɛ kpɛɛ Korowii, ɡɛ Israel Kooro Devid fa aa do Israel tena la.

Ɛsra 6:20

Sɔfore ne Lewi dea tena la tɔ sie laa doŋa bɛlbwa kpɔ ba nɛ, dɛ do ɡoroŋ. Asɛ Lewi dea tena la kpo Galekaa pebie la tɛ nɛra baa le bojaŋ harɛ ta dɛ ba la bwa, ne ba bala sɔfore dɛ ba ɡbabir.

Yela 77:1

N wio no Korowii ŋɔ, ó cha mɛ, n wio noo asɛ o no n be.

Yela 78:1

N nɛra, hé no waa maa dɛ baɡle heya, hé cheɡ deŋne dɛ́ no waa maa dɛ bol.

Yela 79:1

N Naa Korowii, nɛŋhɔɔhra baa wola hen tomɛ, baa lɛ he harɛ la dɔɔh. Ba kpɔ doŋa kah he Dea waa do ɡoroŋ la, dɛ ɡel Jerusalam berɛ dimɡbia.