2 Webena 35:11 - mzwDBL

¹¹ Baa kpoo pebiiri ne bombiire la tonɛ la, sɔfore la kpɔ a chal merɛ kon baa ɛ saraha o ta dɛɛ tɛ Korowii la ta, asɛ Lewi dea tena la ɡe ɛɛ swea.

2 Webena 35:11 ပူးပေါင်းရင်းမြစ်များ

2 Webena 29:34

Dɛ sɔfore la ta warɛ, dɛ́ won swe ola baa kpoora dɛ́ fuah ɛ saraha la, anomanta, ba bala Lewi dea tena la cha ba dɛ swea tonɛ. Gɛ saŋ dɛ sɔfore baa dɔ bɔr dɛ laa doŋa bɛlbwa kpɔ ba nɛɛ dɛ́ do ɡoroŋ warɔ. Dɛ Lewi dea tena la waa dɔ kasinteŋ doŋa laa dɛ kpɔ ba nɛɛ dɛ do ɡoroŋ dɛ ɡwaa sɔfore la kwara.

2 Webena 30:16

Ate, bɛlbwa ka che o chebɔr, ɡɛ Korowii bonɔɔ Mosis Mmarare aa dɛ baɡle la. Asɛ Lewi dea tena la kpɔ kwaa baa kpoora ɛ saraha chale la tɛ sɔfore la, asɛ ba ɛ merɛ saraha kon la ta.

2 Webena 35:1

Kooro Josia di Galekaa Tɔpejen la Jerusalam Korowii sɔn ta, dɛ kpo pebie waa kpɔa di tɔpejen la korobiloɡle tɔpera fi dɛ anaarɛ ta.

2 Webena 35:12

Ba laa anɔ la baa fuah ɛ sarahare la kpɔ, dɛ bɔna denaa ta tɛ nɛra la, asɛ ba kpɔ ɛ saraha tɛ Korowii ɡɛ aa lɔ Mosis Tɔn bini la. Gɛ tentenee ba ɛ nabali la ɡe.

2 Webena 35:6

Hé kpoo Galekaa Tɔpejen pebiiri la, dɛ́ sɔ he doŋa ta, dɛ́ do ɡoroŋ Korowii be pera, ásɛ dɛ kwaa saraha kwaa la tɛ he bala la, ásɛ ba won dɛɛ teŋɛ waa Korowii aa cheɡɛ Mosis nɛɛ dɛ bol la ta.”

Ɛsra 6:20

Sɔfore ne Lewi dea tena la tɔ sie laa doŋa bɛlbwa kpɔ ba nɛ, dɛ do ɡoroŋ. Asɛ Lewi dea tena la kpo Galekaa pebie la tɛ nɛra baa le bojaŋ harɛ ta dɛ ba la bwa, ne ba bala sɔfore dɛ ba ɡbabir.

Nɛra Kura 18:3

Ba toma ɛɛ bwa lɔ he nɔn ta. Gel ba nyiŋi kɛrɛdɛ dɛɛ ɛ toma bɛlbwa sese aa lɔ n Tɛnte Cheremibɔr dembaah bela la bwa. Kɛ ɡel ba nyiŋi kɛrɛdɛ dɛ bɛ laala baa kpɔa kwaa Boɡoroŋ la bini, kɛɛ kon baa dɛ ɛ saraha o ta la ba leɡe. A ba ɡɛ naa, he ne ba bwa ɛɛ serewoo.

Nɛra Kura 18:7

He ne he bibaala la ɡboo chɛ kɛ hé ɛ sɔfore toma kon baa dɛ ɛ saraha o ta ne pateesan la bini toma. N kpɔ sɔfore toma la dɛɛ kɛ heya. Nɛmpɛɛ bɛlbwa waa ba Boɡoroŋ la jwɛɛh la chɛ kɛ bá kpoo.”