2 Webena 34:9 - mzwDBL

⁹ Ba la Sɔfonomoa Hilkia be, dɛ kpɔ suuɡa Lewi dea tena baa dɛ daah Korowii Dea doonyoo aa lɛa le Manasɛ ne Efrem deene tena, ne Israel tena baa kaa la be, ne Juda harɛ nɛra bwa, ne Bɛnjamen dea tena, dɛ nɛra baa lɔ Jerusalam tena be la ba tɛo.

2 Webena 34:9 ပူးပေါင်းရင်းမြစ်များ

2 Koranar 23:4

Kooro Josia ɡelɔ Sɔfonomoa Hilkia ne sɔfore baa ja o nɛ, ne nɛra baa dɛ che Korowii Dea la doonyoa la laa kwaa baa ɛa tɛ voɡ Baal, ne voɡ Asera ne kwaa aa lɔ nyundua a do Korowii Dea la laa pa le. Kooro la fuah bwɛjen la dahare Kedrɔn fɛlembɔjen jwɛh, dɛ pa a tɔɔ la kaa Bɛtel.

2 Webena 30:10

Toroma la le bela, dɛ la bwɛjen bɛlbwa ta Efrem ne Manasɛ deene harɛre ta, dɛ ka le Sebulon dea harɛ ɡe ta bwa, kɛ nɛra la mam ba dɛɛ muɡli ba baah.

2 Webena 30:18

Nɛra ɡalɡa ba ɡe aa le Efrem ne Manasɛ ne Isaaka, dɛ Sebulon deene dɛ ba la, dɛ ba ta doŋa bɛlbwa laa kpɔ ba nɛ dɛ do ɡoroŋ, anomanta, dɛ ɡɛ bɛlbwa nee baa di Galekaa Tɔpejen la. Asɛ Kooro Hɛsɛkea soŋe Korowii tɛɛ ba dɛ ŋɔ,

2 Webena 31:1

Baa di tɔpejen la tonɛ la, Israel tena baa lɔ bela la jo Juda harɛ bwɛɛre ta, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. Ba chɔɡ bɔra baa dɛ tomɛ voɡare deŋɡarere ta, ne kwaa baa dɛ ɛ sarahare a ta, Juda harɛ ne Bɛnjamen ne Efrem, dɛ Manasɛ harɛre deene ta bwa. Baa chɔɡ a bwa tonɛ la, asɛ ba bwa berɛ kaa ba bwɛɛre.

2 Webena 34:10

Asɛ ba kpɔ do nɛra baa dɛ nyiŋi Korowii Dea kwaara ta la nɔn ta, ásɛ ba kpɔ bɔ tom-ɛɛra baa dɛ kwaa Korowii Dea la kem.

2 Webena 34:18

Ate, Safan waa ɛ karake dɛ chwerɛ waa dɛɛ bil la, berɛ ŋɔ kooro be ŋɔ, “N naa, sɔfo Hilkia kpɔ tɔn bɛl tɛ mɛ.” Asɛ o che kooro sie bela kure tɔn la bini waa baɡlo.

2 Webena 34:20

Buɡ la ta, kooro do sɔfo Hilkia ne Safan bibaa Ahikam, ne Maeka bibaa Abdɔn dɛ Safan waa ɛ karake, dɛ chwerɛ waa dɛɛ bil, dɛ o bonɔɔ Asaya be ŋɔ,

2 Webena 34:22

Anee sɔfo Hilkia ne Ahikam ne Akbɔ ne Safan, dɛ Asaya la Korowii keame bɛl waa ɛ haah baa yerɔ Hulda be, dɛ ka bɔɔ le o be. Dɛ Korowii keame Hulda soɡe Jerusalam bampera bofale. O jaaree Tikva bibaa Salum, asɛ o nabaa sɔne Haahas. Onee dɛɛ nyiŋi Korowii Dea batakaarere ta.

2 Webena 35:8

Kooro nomonome ɡe le ba bambile ta kpɔ kwaa tɛ nɛra la ne sɔfore dɛ Lewi dea tena. Asɛ Sɔfonomoa Hilkia ne Sekaria dɛ Jehiel baa ɛ nomonome, dɛɛ nyiŋi toma aa lɔ Korowii Dea la ɡe le ba bambile ta, dɛ tɛ nɛra la pebiiri ne boohna kaɡboŋa anɛ lafraanumɛl, dɛ nabala lafraatoro ŋɔ bá kpɔ ɛ sarahare Galekaa Tɔpejen la ta.

Felepae 4:8

Too, yabala, anɔ la aa kaa laanee nɔ. Hé ɡel he liire do wedɛɛɡa ta. Wobɛlbwa aa ɛ kasinteŋ, ne anɔ la aa dɔ jirima, ne anɔ la aa toɡra, ne anɔ la aa do kaih, ne waa aa wera, dɛ anɔ la aa dɔ pɛla, wobɛlbwa aa ɛ wedɛɛɡa dɛ chɛ kpɛɛra la, hé ɡel he liire do a ta.