2 Webena 34:7 - mzwDBL

⁷ Kooro Josia ɡelɔ ba paɡre kwaa baa kpoo kwaa a ta, dɛ ɛ sarahare dɛɛ tɛ voɡare la, dɛ chɔɡ voɡ Asera dajaŋa Israel harɛ ta bobɛlbwa. O paɡre voɡare la mohooh ken, dɛ paɡre kwaa baa fuh konsɔɔhsoma a ta dɛɛ tɛ voɡare la ɡe, dɛ berɛ laa berɛ kaa Jerusalam.

2 Webena 34:7 ပူးပေါင်းရင်းမြစ်များ

2 Koranar 10:26

dɛ kpɔ bwe baa pao ɛ voɡ dɛɛ tomɔ la le dea la bini dɛ fuuh.

2 Koranar 23:15

O berɔ ɡel ba paɡre kon baa dɛ ɛ saraha dɛɛ tomɛ voɡa a ta, Nɛbat bie Kooro Jɛroboam aa ɛa Bɛtel la. Kooro Jɛroboam ɡelɔ Israel tena ɛ wechɔɡa dɛ jo Korowii nɛ, hale Kooro Josia paɡre kon baa dɛ ɛ saraha o ta, dɛ fuh bela baa dɛ tomɛ voɡa a ɛ mohooh kɛŋɔ bomboɡ ken, dɛ fuh voɡ Asera dajaŋ ɡe.

2 Koranar 23:19

Gɛ waa ɛ Bɛtel la, Kooro Josia paɡre kwaa baa dɛ ɛ voɡa sarahare a ta aa lɔ Samaria bwɛɛre ta, dɛ kpɔ doŋa kaah, Israel koranar aa maa dɛ kpɔ ir Korowii bandia kohona la.

2 Webena 14:2

Kooro Asa ɛ waa aa wera dɛ toɡre, Korowii waa dɛ tomɔ la be.

2 Webena 14:5

O chɔɡ bela baa dɛ tomɛ voɡa, ne kwaa baa dɛ fuh daawiile a sɔɔh aa soma a ta bwa Juda harɛ bwɛjen bɛlbwa ta, asɛ deŋnesɔɔhna do harɛ la ta o bere saŋ.

2 Webena 31:1

Baa di tɔpejen la tonɛ la, Israel tena baa lɔ bela la jo Juda harɛ bwɛɛre ta, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. Ba chɔɡ bɔra baa dɛ tomɛ voɡare deŋɡarere ta, ne kwaa baa dɛ ɛ sarahare a ta, Juda harɛ ne Bɛnjamen ne Efrem, dɛ Manasɛ harɛre deene ta bwa. Baa chɔɡ a bwa tonɛ la, asɛ ba bwa berɛ kaa ba bwɛɛre.

2 Webena 34:1

Josia aa di kora dɛ o dɔ bene anuatoro. O soɡe Jerusalam dɛ di kora bene fifraatoro dɛ beŋkpoŋ.

Kaala 34:13

Hé paɡre bela baa kpoo kwaa dɛɛ tɛ ba voɡare, ne bwea baa paaɡa dɛɛ duura dɛ voɡhaah Asera dajaŋa la.

Aesaya 17:8

Baa kwaa ba ɡbaɡba aa maa dɛ kpɔ saraha kwaa dɛɛ tɛ voɡa a ta laanee nyiŋi kpa. Baa voɡhaah Asera dajaŋa ba ɡbaɡba aa paaɡa, ne bela baa maa dɛɛ fuh daawiile a sɔɔh aa soma la ta hwɛɡɛ kpa.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Maeka 1:7

Samaria tena voɡa bwa ɛɛ paɡroo burbur ken, ásɛ nii fuh saraha kwaa bwa aa lɔ bela. Mɛɛ chɔɡ ba voɡa bwaa. Baa lɛ kwaa haahna aa bɔ jwamane dɛ dɔ, dɛ boa a nyoa nomanta, ba dɔma ɛɛ paa ka tɛ jwamane tena bane ɡe bobɛl.”

Mmarare 9:21

Asɛ dɛ kpɔ nabale haa ɛo o ɛ wechɔɡa tɛ heyaa la do nii ta, asɛ dɛ paɡro dɛ namɔ o ɛ mohooh ken, dɛ pa ta nee bɛl waa pala le bwejen la ta.