2 Webena 34:31 - mzwDBL

³¹ Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne.

2 Webena 34:31 ပူးပေါင်းရင်းမြစ်များ

2 Koranar 11:14

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle. Belaa haŋkooro Atalia laa o batakaare kɛɛ a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

2 Koranar 11:17

Sɔfo Jehoiada ne Kooro Joas fɔwɛ fɔo, o chɔ Korowii ne kooro ne harɛ la ta nɛra baah ta, kɛŋɔ nɛra la ɛ Korowii nɛra. Sɔfo Jehoiada bɔɔ Kooro Joas ne o nɛra ŋɔ bá baɡɛ nyoa ŋɔ ba wa ɛɛ dɔ kasinteŋii tɛ dɔŋa ne Korowii.

2 Koranar 11:4

Joas lawa ka sɔh bene anuanɛ habɔɔ la, sɔfo Jehoiada ɡelɔ ba yerɛ laa sitɔɔla baa dɛ nyiŋi laa tena baa dɛ daah kooro, ne laa tena baa dɛ daah koodem. Asɛ o ɡel ba ba bane o be Korowii Dea, o ne ba fɔwɛ fɔo ba ŋwɛɛ ntam Korowii Dea bela. O kpɔ Kooro Ahasia bibaa Joas baɡ ba.

2 Koranar 23:3

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne, ɡɛ tɔn la bini fɔo waa la aa dɛ baɡle la. Asɛ nɛra la bwa baɡɛ nyoa kɛŋɔ baa dɛɛ teŋɛ fɔo la taa.

2 Webena 15:12

Juda tena la baɡɛ nyoa ŋɔ, baa tomɛ Korowii ba naawa fa aa tomɔ la ba bambile ne ba liire bwa nee.

2 Webena 15:15

Juda tena la bwa sie lɛo dɛɛ hɛɡre, dɛkalkɛ ba ŋwɛɛ ntam bambile bwa ne. Ba nyin Korowii sibeɡra ne, asɛ dɛ nao. Anomanta, Korowii tɛɛ ba deŋnesɔɔhna le ba dɔma nɔn ta.

2 Webena 23:16

Sɔfo Jehoiada ne Kooro Joas fɔwɛ fɔo o chɔ Korowii ne harɛ la nɛra baah ta kɛŋɔ nɛra la ɛɛ tomɛ Korowii.

2 Webena 29:10

Anomanta, men Kooro Hɛsɛkea kpɔ liire kɛŋɔ n ne Korowii Israel tena aa dɛ tomɔ la fɔwɛ fɔo, ásɛ o baah bɛ ya nɛɛ di kohona.

2 Webena 30:16

Ate, bɛlbwa ka che o chebɔr, ɡɛ Korowii bonɔɔ Mosis Mmarare aa dɛ baɡle la. Asɛ Lewi dea tena la kpɔ kwaa baa kpoora ɛ saraha chale la tɛ sɔfore la, asɛ ba ɛ merɛ saraha kon la ta.

2 Webena 31:21

Wobɛlbwa Kooro Hɛsɛkea aa ɛa Korowii Dea Jerusalam, ne ɡɛ waa teŋɛ Korowii Mmarare, ne waa waa doo a ta bambile bwa ne la ɡelɔ o wobɛlbwa chiɡu kɛrɛdɛ.

2 Webena 34:32

Asɛ o ɡel Jerusalam ne Bɛnjamen dea tena bwa baa lɔ bela ŋwɛɛ ntam ŋɔ, baa dɛɛ teŋɛ Korowii ba naawa aa tomɔ la fɔo la taa.

2 Webena 6:13

Dɛ Kooro Solomɔn ɛ ayaawa ɛ komɛl baa dɛ che o ta Dea la dembaah. O jaŋne lɔ naɡale anuanɛ ne tama, o paɡri ɛ naɡale anuanɛ ne tama, o jaŋne dɛ́ kaa nyundua ɡe ɛ naɡale anaarɛ ne tama. O baa ɡuŋi o ta Israel nɛra la bwa sie dɛ paɡri o nɔɔra nyundua.

Ɛsra 10:3

Hé ɡel ya ne Korowii yaa dɛ tomɔ fɔwɛ fɔo, ásɛ ya doŋi haahna nɔ ne ba bii bwa kaa. Yaa teŋɛ waa he ne nɛra baa dɛ teŋɛ Korowii waa ta aa bola ŋɔ yá ɛ laanee. Yaa ɛa ɡɛ Korowii Mmara aa dɛ baɡle la.

Nehemia 10:29

Ba bwa kpɔ ba te ja ba sitɔɔla nɛɛ dɛ ŋwɛɛ ntam kɛŋɔ, baa teŋɛ Korowii Mmara waa cheɡɛ o bonɔɔ Mosis nɛɛ dɛ kpɔ tɛ la taa, dɛ́ nyiŋi kɛrɛdɛ dɛɛ teŋɛ o waa waa do ba a ta ne o webaɡla bwa ta. Ba ŋɔ, dɛ ba ta a ta teŋaa, Kórowii taah ba.

Nehemia 10:30

Ya baɡɛ nyoa kɛ yaa ya bihaahnaa kpɔ tɛ nɛŋhɔɔhra baa soɡa bar yaa la yal, kɛɛ ba bihaahna ɡe tɛ ya bibaala ba mo ba.

Nehemia 9:38

Anɔ bwa aa chiɡa nomanta, ya Israel tena dɛ baɡɛ nyoa dɛ́ chwera, ásɛ ya nomonome ne Lewi dea tena dɛ sɔfore kpɔ ba nonibala ɛɡre fɔo nɔ lɔɡa.”

Yela 119:106

N ŋwɛɛrɔ kɛrɛdɛ kɛŋɔ mɛɛ teŋɛ he Mmarare aa toɡra la taa.

Yela 31:24

Nɛra haa dɛ hwɛɡɛ Korowii nɛɛ bwa, hé lawɛ bambile, dɛ́ che kiŋkiŋ.

Jeremia 50:5

Baa bɔɔ Saayɔn ŋwɛnɛ waa, dɛ́ kpɔ sie chaɡɛ bela kaa. Baa kpɔ ba tenee ba pɛl men Korowii, ásɛ n ne ba fɔwɛ fɔo waa do le saŋ bɛlbwa dɛɛ la, baa wola o waa soh bwa.

Ɛsekeɛl 46:2

Kooro la chɛ kɛ ó che habɔɔ dembaah bela jo, dɛ kpɔ ŋwɛnɛ baa kpɔ o ta dɛɛ jo, dɛ́ ba che doonyoa ɡbera la jwɛh. Ásɛ sɔfore la kpɔ o saraha kwaa baa fuah, ne deŋnesɔɔhna saraha kwaa ba ɛ saraha tɛ mɛ. Ó tomɛ men Korowii doonyoa bela, dɛ́ berɛ le kaa. A ta chɛ kɛ ba tɔ ɡbera la nemenɛ jɔmɔra.

Mmarare 13:4

Korowii haa dɛ tomɔ nɔ nɛɛ chɛ kɛŋɔ hé teŋɛ, onee chɛ kɛ hé ɔmɛ. Hé teŋɛ o waa ta dɛɛ duuru, hé tomɔ dɛ́ kpɔ he te pɛlo.

Mmarare 13:5

Keame nyosonteŋni kɛɛ nɛn waa won deera mun baɡla la chɛ kpoe, o baɡle heyaa waa a ɡel he ɛ deŋnekpeɡ dɛ le Korowii haa dɛ tomɔ o le he ne somanjiri dii ta Ijipt harɛ ta la habɔɔ, dɛɛ nyin kɛŋɔ he laa he te kpɔ waa haa dɛ teŋɛ a ta la aa, hé kpoo dɛ́ le ɡɛ liichɔɡa la ne he bini.

Mmarare 29:1

Waa aa lɔ fɔo Korowii aa do Mosis ŋɔ o ne Israel tena fɔwɛ Moab harɛ ta, dɛ kpɔ ja Sinai Bwejen kon la ta laanee teŋa nɔ.

Mmarare 6:5

Hé nyin Korowii he bambile bwa, he hweera ne he bokpeɡa bwa ne.

Josua 24:25

Awola tɔpere la, Josua ne Israel tena la fɔwɛ fɔo Sɛkem bela baa chema la, asɛ o berɛ kpɔ mmarare ane báa dɛɛ teŋɛ a ta tɛɛ ba.