2 Webena 34:3 - mzwDBL

³ Kooro Josia aa di kora bene anuatoro la, dɛ o ta ɛ bonɔmbi, asɛ o pa mun dɛɛ tomɛ Korowii o nabaa Kooro Devid aa tomɔ la. Bene fi dɛ anɛ ta la, o pa mun dɛɛ chɔɡ bela Juda harɛ ne Jerusalam tena aa dɛ tomɛ voɡa, ne voɡ Asera dajaŋa ne voɡare baa sɛah ne anɔ la bwa aa jaa.

2 Webena 34:3 ပူးပေါင်းရင်းမြစ်များ

1 Koranar 13:2

Korowii keame la cheɡɛ Korowii waa ta dɛ kpɔ takpeɡ ŋɔ, “Korowii tom mɛ ŋɔ ń ba bol kon baa dɛ ɛ saraha o ta nɔ wa. O ŋɔ, ‘Baa lolɛ bibaalee ó ɛ Kooro Devid naa baa yerɔ Josia. He taa wɛɛ ba ó kpoo kerekpoŋra baa soɡe voɡa baa cheɡa deŋɡarere ta dɛɛ ɛ sarahare, dɛ́ fuh ba hoɡa he ta.’ ”

2 Koranar 10:27

Anomanta, ba paɡre voɡ Baal bwe la, dɛ kuuɡi o dea la dɛ kpɔ bela berɛ bembɔɔ dɛ ba le fini.

2 Koranar 18:4

O chɔɡ bɔra baa dɛ tomɛ voɡare, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. O kuuɡi ayaawa Mosis fa aa kpɔa ɛ harɛkon baa yerɔ Nehustan la. Dɛ ba tel ɡɛ saŋ la, dɛ Israel tena dɛ fuh daawiile dɛɛ tɛ harɛkon la.

2 Koranar 20:5

ó berɛ dɛ́ ka ŋɔ Kooro Hɛsɛkea waa dɛ tɔ o nɛra sie be ŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ chaeh, asɛ tɔpetooro wee la he ir, dɛ́ la men Korowii Dea.

2 Koranar 23:14

Kooro Josia ɡelɔ ba paɡre bwea baa paaɡa dɛɛ duura, dɛ kuuɡi voɡ Asera dajaŋa ta, dɛ pa nɛra hoɡa bil a buɡ ta.

2 Koranar 23:4

Kooro Josia ɡelɔ Sɔfonomoa Hilkia ne sɔfore baa ja o nɛ, ne nɛra baa dɛ che Korowii Dea la doonyoa la laa kwaa baa ɛa tɛ voɡ Baal, ne voɡ Asera ne kwaa aa lɔ nyundua a do Korowii Dea la laa pa le. Kooro la fuah bwɛjen la dahare Kedrɔn fɛlembɔjen jwɛh, dɛ pa a tɔɔ la kaa Bɛtel.

1 Webena 22:5

Belaa o lii ŋɔ, “N bie Solomɔn nɔn ta kao, waa wobɛlbwa jemɛ, Korowii Dea waa dɛ ba doe nɔ ɡe chɛ kɛ ó do wer kohona, dɛ́ lɛ sɔn harɛre bwa ta. Amɔ a chɛ kɛŋɔ ń nyiŋi dɛ́ kpɔ o laa kɛrɛdɛ.” Anomanta, o nyin laala waa kpɔ ma Dea la bil warɛ mɔɔ dɛ sewɛ.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

1 Webena 29:1

Kooro Devid ŋɔ nɛra baa cheme bela la bwa be ŋɔ, “N bie Solomɔn Korowii aa leo la nɔn ta kao, waa wola wobɛlbwa jemɛ mɔɔ. Toma la kan, dɛkalkɛ Dea waa dɛ ba doe la ɛ Korowii kon, o ta nɛwɛnyini kon ɛɛ.

2 Webena 14:6

O bere saŋ, o ma danjwɛkpeɡa bar Juda harɛ bwɛjena, dɛ laa toole harɛ la ta kpa, dɛkalkɛ Korowii tɛo deŋnesɔɔhna.

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

2 Webena 30:14

Ba le kwaa harɛre ane nɛra baa dɛ tomɛ voɡa aa dɛ ɛ saraha a ta ne Jerusalam, dɛ chɔɡ anɔ la baa dɛ fuh daawiile a ta, dɛ pa a bwa ka ta Kedrɔn Fɛlembɔjen bini.

2 Webena 33:15

O berɔ le harɛre ane voɡa, ne voɡ waa sɛah ka cheɡ Korowii Dea, ne kwaa waa ɛa ba kpoo kwaa a ta ɛ sarahare dɛɛ tɛ voɡare, a do Korowii Dea deŋɡare doa Jerusalam la bwa ne, dɛ paa le bwɛjen la bini ka ta.

2 Webena 33:17

A lole kɛŋɔ dɛ bela voɡtoroma aa dɛ tomɛ voɡa laanee nɛra la kaa ɛ sarahare, kɛ dɛ Korowii baa dɛ tomɔ la ɡboo ba yon ɛ dɛɛ tɛ.

2 Webena 33:22

Kooro Amɔn ɛ wechɔɡa, dɛ jo Korowii nɛɛ ɡɛ o mɛɛ Kooro Manasɛ aa ɛa la, dɛ tomɛ voɡa o mɛɛ fa aa toma la, dɛ kpoo kwaa dɛɛ tɛa.

2 Webena 34:33

Kooro Josia ɡelɔ ba le voɡa Korowii aa kia bwa ne Israel harɛ bwa ta, asɛ dɛ ɡel nɛra baa soɡe bela bwa tomɛ Korowii. Waa soɡe le la, o ta ɡelɛ ba vɛh Korowii ba naawa fa aa tomɔ la toma bwa.

Yela 119:9

Ɛrɛɛ bonɔɔ we-ɛɛla ɛɛ ba wona do wer he be nɔ? Nemenɛ wɛɛ teŋɛ he Mmarare ta.

Yela 71:5

Dɛkalkɛ Nemenɛ Korowii, he nɛɛ mɛɛ hwɛɡɛ, n kpɔ n te dawɛ he nɛ, dɛ le n bechale saŋ bwa.

Kaala 34:13

Hé paɡre bela baa kpoo kwaa dɛɛ tɛ ba voɡare, ne bwea baa paaɡa dɛɛ duura dɛ voɡhaah Asera dajaŋa la.

Sɛɡla 20:11

Bechala we-ɛɛla taa ba che dɛɛ jemɛ kɛ o ɛ bechadɛɛɡe.

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Wejereme 12:1

He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Maeka 1:5

Israel tena baa ɛ Jekɔb naanar wechɔɡa baa ɛ Korowii waa a bwa ba ɡɛ. Bamewaa ɡela Israel tena ɛ deŋnekpeɡ ɔ? Samaria koobwɛɛ nɛra laa aa? Bamewaa dɛ́ di bolchɔɡe voɡa baa dɛ tomɛ Juda harɛ ta waɔ? Jerusalam tenaa.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

2 Timoti 3:15

He bechale saŋ bwaa he le jemɛ Korowii Tɔn bini waa aa dɛ ba wona ɡel he dɔ wejema, dɛ che yarada haa dɛ yarada Yeesu Kristo la ta Korowii lɛɛ.