2 Webena 34:25 - mzwDBL

²⁵ dɛkalkɛ ba vɛɛh mɛ dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

2 Webena 34:25 ပူးပေါင်းရင်းမြစ်များ

2 Koranar 22:17

dɛkalkɛ ba vɛɛh mɛ, dɛ ka fuh konsɔɔhsoma voɡa ta, dɛɛ muɡli n baah voɡa ba ɡbaɡba aa ɛa ne. N baah ɛɛ di ba nɛɛ bonɔ kohonaa, aa wola sɔɔh bwa.

2 Webena 12:2

Kooro Rɛhoboam aa di kora bene anue ta la, Ijipt harɛ Kooro Sisak baa yo Jerusalam tena, ba deŋnekpeɡ baa ɛa dɛ vɛh Korowii la wa.

2 Webena 12:7

Korowii aa na ba wechɔɡa baa ɛa la, o ŋɔ o keame Sɛmaya be ja ŋɔ, “Ba sɛh ba chɔɡre nomanta, maa ban chɔɡ kpa. Kɛ dɛ Kooro Sisak baa yoo ba aa, mɛɛ ɡeloo ba le a nyoa. Maa ɡel a che Kooro Sisak nɛɛ Jerusalam tena nyɔ n danana ne.

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

2 Webena 24:18

Juda harɛ nɛra vɛh Korowii ba naawa fa aa dɛ tomɔ la ka toma o Dea bela, dɛ kaa tomɛ voɡhaah Asera dajaŋa ne voɡa. A ɡɛ wechɔɡa nɔ nomanta, Korowii baah di Juda tena ne Jerusalam tena nɛ.

2 Webena 34:26

Hé ŋɔ Juda kooro waa tomɛ heyaa ŋɔ hé ka bɔɔ le Korowii be la be ŋɔ waa Korowii Israel tena aa dɛ tomɔ aa bola, waa waa noa dɛ le tɔn la bini laanee nɔ.

Ɛsra 5:12

Kɛ ya naanar aa ir Korowii Waa Dɛ Di Kora Nyundua bandia nomanta, o kpɔ ba do Kooro Nebukadnesa waa ɛ Babelɔn kooro nɔn ta. Kooro Nebukadnesa chɔɡ o Dea la, dɛ lawɛ nɛra la kaa bojaŋ harɛ Babelɔn.

Aesaya 42:25

A waa o ɡel o bandia waa kana kohona ba ba nɛ, dɛ ɡel ba na waa laa ta. A do kɛ o mar nii bar Israel harɛ ken, kɛ ba ta kpɔe do ba nyu bini. Nii la nyaa ba, kɛ ba ta wobɛlbwa ɡe hwele dɛ le a ta.

Jeremia 22:9

Ásɛ nɛra bane ɡe chaŋe ŋɔ, ‘Baa vɛh fɔo ba ne Korowii baa dɛ tomɔ aa fɔwa, dɛ berɛ kaa tomɛ voɡare ane, dɛɛ duura la waa.’

Jeremia 4:4

Hɛɛ teŋɛ fɔo he ne men Korowii haa dɛ tom mɛ aa fɔwa la ta, dɛ́ kpɔ he te bwa tɛ mɛ, he Juda ne Jerusalam tena bwa. Gɛ laa aa, n baah ɛɛ diu kohona, he wechɔɡa haa ɛa la wa, ásɛ nomɛlbwa aa won sɔɔh o nyoa.

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Wiile 2:3

O cheɡɛ o bandia kohona ta, dɛ sɔɔh Israel nɛŋkpeɡa nyoa. Gɛ saŋ ba dɔma aa ba ba nɛɛ la, o berɛ habɔɔ kpo ba, o ta ban chae. O baah di Israel tena nɛɛ kohona, o chɔɡ ba kɛŋɔ nii yon fuh dɛ chɔɡ komɛlbwa la.

Wiile 2:4

O do kɛŋɔ dɔm waa harɛ o to pa ba nɛ, dɛ kpoo nɛra ba sie aa dɛ lɛ ba nɛ dɛɛ nyin ba kohona. O bandia kohona la ba Jerusalam tena nɛ.

Wiile 4:11

Korowii baah diu kohona, asɛ o choŋi nii dɛ fuh Saayɔn bwa dɛɛboo ken.

Ɛsekeɛl 20:48

Nomɛlbwa ɛɛ nao kɛŋɔ men Korowiirii do nii la, bɛlbwa aa wola won dima bwa.’ ”

Ɛsekeɛl 36:18

Anomanta, n kpɔ n bandia kohona ta ba nɛ, nɛra baa kpoora harɛ la ta, dɛ tomɛ voɡa, dɛ kpɔ doŋa kah harɛ la wa.

Emɔs 5:6

Emɔs ŋɔ, “Hé berɛ ba Korowii be dɛ́ dɔ he nyu, ɡɛ laa aa, wɛɛ ba he Israel tena nɛɛ kɛŋɔ nii, dɛ́ ba fuh heya, dɛ́ fuh Bɛtel tena ɡe, nomɛlbwa aa wola won dima.

Neehum 1:6

O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.