2 Webena 34:1 - mzwDBL

¹ Josia aa di kora dɛ o dɔ bene anuatoro. O soɡe Jerusalam dɛ di kora bene fifraatoro dɛ beŋkpoŋ.

2 Webena 34:1 ပူးပေါင်းရင်းမြစ်များ

1 Koranar 13:2

Korowii keame la cheɡɛ Korowii waa ta dɛ kpɔ takpeɡ ŋɔ, “Korowii tom mɛ ŋɔ ń ba bol kon baa dɛ ɛ saraha o ta nɔ wa. O ŋɔ, ‘Baa lolɛ bibaalee ó ɛ Kooro Devid naa baa yerɔ Josia. He taa wɛɛ ba ó kpoo kerekpoŋra baa soɡe voɡa baa cheɡa deŋɡarere ta dɛɛ ɛ sarahare, dɛ́ fuh ba hoɡa he ta.’ ”

2 Koranar 23:1

Asɛ Kooro Josia yerɛ Juda ne Jerusalam nomonome bwa cheme.

2 Webena 24:1

Kooro Joas aa di kora Juda harɛ dɛ o dɔ bene anuanɛ. O soɡe Jerusalam di kora bene fifraanaarɛ. O nya sɔne Sebea, dɛ le bwɛjen Beɛseeba.

2 Webena 26:1

Kooro Amasea aa sewa la, Juda tena bwa lawɛ o bibaa Ussia baa chiɡ o mɛɛ naa ta o di kora. Dɛ o di bene fi dɛ anumɛl.

2 Webena 33:1

Kooro Manasɛ aa baa di kora Juda harɛ ta la, dɛ o di bene fi dɛ anɛ. O soɡe Jerusalam di kora bene fifraanue dɛ anue.

2 Webena 33:25

Asɛ Juda harɛ nɛra kpoo nɛra baa vɔrɔwe Kooro Amɔn vɔrɔwa dɛ kpoo la. Dɛ kpɔ o bibaa Josia chiɡ o naa ta, o di kora.

Wejereme 4:13

Bonɔɔ waa nyaa dɛ jemɛ waa la, ɡwaa kooro waa hwɛɛhra, dɛ ɡɛn waa wola jae no.

Jeremia 1:2

Korowii bol waa Jeremia be ɡɛ saŋ Amɔn bibaa Kooro Josia aa di kora Juda harɛ ta bene fi dɛ atoro ta,

Jeremia 25:3

“Le bene fifraanɛ dɛ atoro, ɡɛ saŋ Juda Kooro Amɔn bibaa Josia aa di kora bene fi dɛ atoro la, dɛ Korowii dɛ bol waa n be, asɛ n bol he be keraŋwɛnɛ bwa, kɛ he ta n be noɛ.

Jeremia 3:6

Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Sefania 1:1

Waa Korowii aa kpɔa baɡle Sefania, ɡɛ saŋ Amɔn bibaa Josia aa di kora Juda harɛ ta laanee nɔ. Sefania mɛɛ sɔne Kusi, asɛ Kusi mɛɛ sɔne Gedalia, Gedalia mɛɛ sɔne Amaria, asɛ Amaria ɡe mɛɛ sɔne Hɛsɛkea.

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

1 Samoɛl 2:26

Samoɛl nao dɛ ɡee kpeɡ, o waa do wer Korowii ne nɛwɛnyini bwa be.