2 Webena 33:9 - mzwDBL

⁹ Kooro Manasɛ ɡelɔ Juda harɛ ta nɛra nyoɡre, dɛ ɛ wechɔɡa ɡwaa harɛre nɛra Korowii fa aa doŋ ba le o nɛra Israel tena sie la.

2 Webena 33:9 ပူးပေါင်းရင်းမြစ်များ

1 Koranar 14:16

Kooro Jɛroboam wechɔɡa waa ɛa dɛ ɡel Israel tena ɡe ɛa nomanta, Korowii ɛɛ vɛɛh baa.”

1 Koranar 15:26

Gɛ o mɛɛ aa ɛa laanee o ɡe ɛ, o ɛ wechɔɡa dɛ jo Korowii nɛ, dɛ ɡel Israel tena bwa ɛ wechɔɡa.

2 Koranar 21:16

Kooro Manasɛ kpoo nɛra baa wola wechɔɡa bɛlbwa ɛɛ dɛ warɛ taeh, asɛ ba chale ɛɛ palɛ Jerusalam fɔɡbaahna bwa. O berɔ ɡel Juda harɛ tena jo voɡa toma ta, dɛ ɛ wechɔɡa jo Korowii nɛ.

2 Koranar 23:26

Kɛ ane a bwa, Korowii bandichɔɡe waa lɔ Juda harɛ ta tena nɛɛ la, dɛ o ta sɔɔhnɛ, Kooro Manasɛ waa waa ɛa dɛ kpɔ ir o bandia la wa.

2 Webena 28:19

Juda Kooro Ahas wechɔɡa waa ba a ne Juda harɛ ta, ne kasinteŋ waa wola dii tɛ Korowii la nomanta, Korowii kpɔ wahala ba ta Juda tena nɛ.

2 Webena 33:10

Korowii kah Kooro Manasɛ ne o nɛra, kɛ ba vɛh o be noe.

2 Webena 33:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

2 Webena 33:8

Dɛ Israel tena ɛɛ teŋɛ waa maa do ba a ta, ne mmarare la bwa n fa aa cheɡɛ n bonɔɔ Mosis nɛɛ dɛ kpɔ tɛɛ ba la ta tenaa, maa ɡel ba doŋ ba le harɛ maa kpɔa tɛ ba naawa la ta.”

Sɛɡla 29:12

Kooro waa dɛ do deŋna nyosone waa ta la, o nomonome bwa dɛ ɛ wechɔɡa.

Ɛsekeɛl 5:7

Anomanta, men Nemenɛ Korowii bolɔ ŋɔ he Jerusalam tena wechɔɡa ɡwaa nɛra baa bar heyaa cheme la. He ta me Mmarare ta teŋɛ, dɛɛ ɛ waa aa chɛ kɛŋɔ ń pa heyaa bolchɔɡe. He teŋɛ nɛra baa bar heyaa cheme la we-ɛɛla ta.

Lewi Dea Tena 18:24

He bɛ he te kpɔ do ɡɛ waa nɔ bɛlbwa ta dɛ́ kah doŋa. Gɛɛ nɛra baa soɡe harɛ maa dɛ ba kpɔe tɛ heyaa nɔ ta ɛ, asɛ dɛ kah doŋa mɛɛ ba ba doŋa le o ta la.

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”

Mmarare 2:21

Dɛ ɡɛ Refa tena nɔ warɔ ba bwara do kpeɡri, dɛ kpeɡ kohona kɛŋɔ Anak tena ken. Kɛ Korowii kpoo ba Amɔn tena bwa siwi ta, dɛ ɡel ba so ba buɡ ta.

Josua 24:8

N ba he ne Amɔre tena harɛ waa lɔ Jɔɔdan Moo wee leebɔr la ta. He ne ba yoo, asɛ n che he mun ta he pɔ ba nɛ, asɛ he ka kpɔ ba harɛ la ɛ he kapɛrɛ kon.