2 Webena 33:7 - mzwDBL

⁷ Kooro Manasɛ sɛh voɡ dɛ kpɔ ka cheɡ Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.

2 Webena 33:7 ပူးပေါင်းရင်းမြစ်များ

1 Koranar 11:13

Kɛ mɛɛ koh n bonɔɔ Kooro Devid ne bwɛjen Jerusalam maa kpɔa ɛ n bwɛɛ la waa, maa kora la bwaa lɛ. Mɛɛ ɡel dea beŋkpoŋ nɛraa tɛ he bie.”

1 Koranar 11:32

N bonɔɔ Kooro Devid ne bwɛjen Jerusalam maa lea le Israel deene bwa bini la nomanta, dea beŋkpoŋ nɛraa dɛ́ ɛ o nɛra.

1 Koranar 12:28

O ja o te, dɛ kpɔ suuɡaswɛm ɛ nabali anɛ. Dɛ ŋɔ Israel tena la be ŋɔ, “He bɛ he te koh dɛɛ la Jerusalam kpa. He voɡa aa cha heyaa he won le Ijipt harɛ ta he naawa bere saŋ ba laanee la.”

1 Koranar 8:29

Dɛɛ daah Dea nɔ chɔɔ ne jwaana, bonɔɔ he le cheɡ ŋɔ baa tomɛ. Dɛ n kpɔ sie chaɡɛ Dea nɔ ta dɛɛ soŋe naa, no n be.

1 Koranar 8:44

Kooro Solomɔn berɔ ŋɔ, “Dɛ he do he nɛra bobɛlbwa ŋɔ bá ka yo ba dɔma, asɛ ba berɛ sie chaɡɛ he bwɛjen ne he Dea maa doa he sɔn ta dɛ soŋe naa,

1 Koranar 8:48

Dɛ ba berɔ ba he be ba bambile ne ba liire bwa ne dɛ kpɔ sie chaɡɛ harɛ haa kpɔa tɛ ba naawa bwɛjen haa lea cheɡ, asɛ n do he Dea tɛɛ he sɔn ta nɔ naa,

1 Koranar 9:3

Korowii ŋɔ o be ŋɔ, “N no he wesoŋa ne waa haa kpɔa bil n sie la. N le Dea haa doa tɛ mɛ cheɡ dɛ ɡel o do ɡoroŋ tɛ mɛ ŋɔ baa tom mɛ o ta saŋ bɛlbwa dɛɛ la. Mɛɛ ɡeloo n sie ne n bambile do bela mɛɛ daahno saŋ bɛlbwa.

2 Koranar 23:6

Dɛ fuɡri voɡ Asera dajaŋa le Korowii Dea, dɛ kpɔ le Jerusalam dahare, dɛ ka fuah Kedrɔn Fɛlembɔjen ta o ɛ mohooh ken, dɛ pa ka ta nɛra ŋwama ta.

2 Webena 33:15

O berɔ le harɛre ane voɡa, ne voɡ waa sɛah ka cheɡ Korowii Dea, ne kwaa waa ɛa ba kpoo kwaa a ta ɛ sarahare dɛɛ tɛ voɡare, a do Korowii Dea deŋɡare doa Jerusalam la bwa ne, dɛ paa le bwɛjen la bini ka ta.

2 Webena 33:4

O ɛ kwaa voɡtoroma aa dɛ ɛ saraha a ta Korowii Dea, bela Korowii aa ŋɔa belaa a chɛ kɛ baa tomɔ saŋ bɛlbwa la.

2 Webena 6:5

‘Le awola tɔpere maa kpɔ n nɛra Israel tena le Ijipt harɛ ta la, n ta ŋɔe bá do Dea n sɔn ta Israel harɛ bwɛjen bɛlbwa ta dɛɛ tom mɛ bela. N ta nomɛlbwa ɡe leɛ ŋɔ wɛɛ nyiŋi n nɛra Israel tena nɛ.

2 Webena 6:6

Kɛ taraken te, n ŋɔ baa tom mɛ Jerusalam, ásɛ hen Kooro Devid ɡe ɛ ba nomoa dɛɛ nyiŋi ba nɛ.’ ”

2 Webena 7:16

dɛkalkɛ n le Dea nɔ cheɡ dɛ ɡel o do ɡoroŋ, ásɛ baa tom mɛ o bini saŋ bɛlbwa dɛɛ la. Mɛɛ dɛɛ daahno n sie do o ta.

Yela 78:68

Kɛ Juda dea nɛraa o le, ne Saayɔn Bwejen waa dɛ nyin bela kohona la.

Kaala 20:4

He bɛ komɛlbwa waa lɔ nyundua kɛɛ harɛ ta hale nee bini bɛlbwa chaa ɛ.

Jeremia 7:30

Juda tena ɛ wechɔɡa ane. Ba kpɔ ba voɡare maa kia la cheɡ n Dea maa lea cheɡ ŋɔ baa tom mɛ o bini la, dɛ kpɔ doŋa kaoh.

Sitɔɔla 17:3

Waa kpɔa tɛ o nya la, o nya ŋɔ, “N kpɔɔ do Korowii nɔn ta, ásɛ n bie Maeka kpɔ ɛ voɡ dɛ́ kpɔ suuɡapoŋa la maɡre o ta. Anomanta, n bie, n kpɔɔ tɛɛ.”