2 Webena 33:13 - mzwDBL

¹³ Korowii no o wesoŋa, a che a ta o ɡel ba berɛ kpɔɔ ba Jerusalam o ba di kora ja. Anɔɔ ɡela Kooro Manasɛ jemɛ kɛŋɔ Korowii ɛ kasinteŋ Korowii.

2 Webena 33:13 ပူးပေါင်းရင်းမြစ်များ

Mumpar 25:21

Dɛ hambaraa. Asɛ Aesek soŋe Korowii o haah Rebɛka kpoŋe tea.

1 Koranar 18:39

Nɛra la aa na ɡɛ la, ba cholo dɛ kpɔ sie piiɡi harɛ, dɛɛ dooɡe lɔŋɔre ŋɔ, “Korowiirii ya Dɔɔ! O ɡbosoroo chɛ toma!”

1 Koranar 8:50

Kpɔ he nɛra wechɔɡa baa ɛa bwa ne deŋnekpeɡ kɛ ba, dɛ́ ɡel ba dɔma nyiŋi ba nɛɛ kɛrɛdɛ.

2 Koranar 13:4

Kooro Jehoahas soŋe Korowii a wa, asɛ o no. Dɛ Korowii na fiiɡa Siiria kooro aa dɛ fiiɡi Israel tena kohona.

1 Webena 5:20

Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

2 Webena 12:7

Korowii aa na ba wechɔɡa baa ɛa la, o ŋɔ o keame Sɛmaya be ja ŋɔ, “Ba sɛh ba chɔɡre nomanta, maa ban chɔɡ kpa. Kɛ dɛ Kooro Sisak baa yoo ba aa, mɛɛ ɡeloo ba le a nyoa. Maa ɡel a che Kooro Sisak nɛɛ Jerusalam tena nyɔ n danana ne.

2 Webena 33:18

Kooro Manasɛ waa waa ɛa bwa, ne soŋa waa soŋe Korowii o naawa aa tomɔ, ne waa Korowii keamere aa bol o be Korowii Israel tena aa dɛ tomɔ sɔn ta la, ba chwera do Israel Koranar Waa Tɔne Bini.

2 Webena 33:19

Gɛ waa soŋe Korowii asɛ o no o be, ne o wechɔɡa waa ɛa mɔɔ dɛ charɛ o liire, ne bɔra waa ɛa tɛ voɡtoroma baa tomɛ voɡare, ne voɡ Asera dajaŋa waa paaɡa, dɛ voɡa waa toma la, ba chwera do Korowii Keamere Waa Tɔne bini.

2 Webena 34:27

Haa kure tɔn la dɛ no Jerusalam nɛra deŋnetɛra, he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Ɛsra 8:23

Anomanta, ya vɔwɛ nyoa dɛ soŋe Korowii ŋɔ o lɛ yaa le ɡɛ waa nɔ ta. Asɛ o no ya wesoŋa, dɛ lɛ yaa.

Job Tɔn 22:22

No waa waa dɛ doe a ta, dɛ́ kpɔa do he nyu bini.

Job Tɔn 22:23

Dɛ he berɔ ba Korowii Waa Ɛ Kpeɡri Bwa Dɔɔ la be naa, wɛɛ lɛɛ. Dɛ he laa wechɔɡa kpɔ bela haa soɡa,

Job Tɔn 22:27

Hɛɛ wiu noo ásɛ o no he be, hɛɛ baɡɔɔ nyoa dɛ́ won teŋɛ a ta.

Job Tɔn 36:11

Dɛ ba no Korowii baa dɛ tomɔ wa aa, ba sie ɛɛ lɛ tɔpera aa ka ba sie taa, ásɛ dɛ so bosɔɔhna ta.

Job Tɔn 36:9

Korowii dɛ́ baɡle ba bá wechɔɡa ne ba mbarafo we-ɛɛla.

Yela 107:13

Asɛ ba wahala nae bini la, ba wi no Korowii, asɛ o lɛɛ ba le suna baa dɛ di ta.

Yela 46:10

Korowii ŋɔ, “Hé ɡel yoi, dɛ́ jemɛ kɛ menee Korowii, menee kana harɛre nɛra bwa bini, n dɔŋ toole harɛ nɔ bwa ta.”

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

Sɛɡla 16:7

Dɛ nɛn waa dɛ su Korowii siwi aa, o ɡelɔ deŋnesɔɔhna ɛɛ ba o ne o dɔma kwaraa baah ta.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Jeremia 36:7

Ba ken ɛɛ soŋe Korowii, ásɛ dɛ charɛ ba liire le ba wechɔɡa ta, dɛkalkɛ Korowii kpɔ o bandia waa do ɔma kohona la dɛɛ ba ba ta ba nɛ.”

Wiile 3:56

He no n waa maa kpɔa bil he sie. Bɛ deŋna tɔɔɡe, no n wii, dɛ́ ba cha mɛ.

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Daneɛl 4:32

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.”

Daneɛl 4:36

Gɛ saŋ n sie aa chole harɛ la. Korowii berɔ tɛ mɛ duure ne jirima n kora kan waa doa la wa. Nɛra baa dɛ ja mɛ ne n nomonome nyin n bɔr, dɛ berɛ kpɔ mɛ cheɡ kora ta, asɛ n berɛ dɔ kpeɡri waa ɡwaa wubwa kon la.

Matiu 6:33

Anomanta, hé ɡel he sie beɡre Korowii Kora la ne wedɛɛɡa aa dɛ su o siwi la ta, dɛ bɛ an mun dɛɛ ta, ásɛ o kpɔ anɔ haa dɛ nyin nɔ bwa tɛ heya.

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 4:10

Anee Yeesu ŋɔ o be ŋɔ, “Dɛ he fe jemɛ kon Korowii aa dɛ nyin he tɛɛ nɔ, dɛ jemɛ naate waa dɛ soŋe nee nɔ naa, he fe ɛɛ soŋoo ásɛ o fee tɛɛ nee aa won tɛɛ mkpa.”

Mmarare 29:6

He ta kondikwaa kɛɛ sen bɛlbwa dɔe nyɔ. O ɛ ɡɛ ásɛ he jemɛ kɛŋɔ onee Korowii haa dɛ tomɛ la.

Hibru 8:11

Aa berɛ hiah kɛŋɔ nomɛlbwa baɡle o dɔŋ kɛɛ o nime ŋɔ, ‘A wer kɛŋɔ he jemɛ Korowii’ kpa, dɛkalkɛŋɔ ba bechale ne nomonome bwa ɛɛ jem mɛɛ.