2 Webena 32:8 - mzwDBL

⁸ Nɛwɛnyini kpeɡrii ba dɔ, kɛ ya te, Korowii yaa dɛ tomɔ laanee dɛ́ cha yaa, dɛ́ yo tɛ yaa.” Ate, nɛra la dɔ hwɛɡa dɛ le waa Juda Kooro Hɛsɛkea aa bola la ta.

2 Webena 32:8 ပူးပေါင်းရင်းမြစ်များ

2 Koranar 18:5

Dɛ Korowii Israel tena aa dɛ tomɛ la nɛɛ Kooro Hɛsɛkea kpɔ o te dawɛ. Juda harɛ ta koranar la bwa bini, banɔ la baa di kora mɔɔ Kooro Hɛsɛkea ba di, ne banɔ la waa dia mɔɔ ba ba di la, dɛ o dɔŋ toole.

2 Koranar 6:16

O chaŋe ŋɔ, “Dɛɛ berɛ ɔma, ya dɔ laa tena ba warɛ ɡwaa ba kwa.”

1 Webena 5:22

asɛ dɛ kpoo nɛra baa wara keri ne, dɛkalkɛ dɛ Korowiirii yoa dɛɛ tɛɛ ba. Ate, ba so harɛ la ta ka tel kɛŋɔ baa laɡ ba kaa harɛfale ta.

2 Webena 13:12

Korowii ja ya nɛ, onee ya sitɔɔ. O sɔfore ɛɛ hoh laa bɛlee yerɛ yaa yá ba yo heya. Israel tena, he bɛ Korowii he naawa aa tomɔ yo, haa won pɔ o nɛ.”

2 Webena 14:10

Ate, Kooro Asa le, dɛ ka puu yo, bɛlbwa ne o laa tena cheɡɛ ba chebɔra Sɛfata Fɛlembɔjen bini, o bɛne Maresa.

2 Webena 14:11

Asɛ Kooro Asa yerɛ Korowii waa dɛ tomɔ dɛ ŋɔ, “N Naa Korowii, nomɛlbwa toole dɛ́ won cha nɛra baa wola kpeɡri bɛlbwa dɔe, bá won ka yo nɛra baa kpeɡa kɛ hen. N Naa Korowii yaa dɛ tomɛ, cha yaa, he nɛɛ ya kpɔ ya te dawɛ. He sɔn taa ya ba, dɛɛ ba ba yo laa tena baa wara nɔ la. Bɛ ɡel nɛwɛnyini pɔ he nɛ.”

2 Webena 16:7

A ɡɛ saŋ la, Korowii keame Hanani ba Kooro Asa be dɛ ŋɔ, “Haa kpɔ he te dawɛ Siiria kooro nɛɛ dɛ vɛh he te kpɔe dɛ dawɛ Korowii haa dɛ tomɔ nɛɛ nomanta, Siiria kooro laa tena la le he habɔɔ.

2 Webena 20:15

Anee Jahaseɛl ŋɔ, “N naa kooro, ne nɛra haa lɔ Juda ne Jerusalam bwa, hé no. Waa Korowii aa dɛ bol he be laanee nɔ, ‘He bɛ ɔmɛ, he bɛ ɡel he bwara yɔr laa tena baa wara nɔ wa. Korowiirii dɛ́ yo tɛ heya.

2 Webena 20:17

He laa dɛɛ ba laa nɔ yoi. Hé te ka che he chebɔra dɛɛ kpa. Hé che kiŋkiŋ, ásɛ dɛ na ɡɛ Korowii aa yo tɛ heya, dɛ́ ɡel he pɔ ba nɛ. Juda ne Jerusalam tena, he bɛ ɔmɛ, he bɛ ɡel he bwara yɔr, hé te le ka puu ba kere, dɛ́ na ɡɛ Korowii aa ja he nɛ.’ ”

2 Webena 20:20

Tɔ aa pera chɔɔ la, ba leɔ kaa Tekoa pua hɛŋle ɡbo harɛ ta bela. Baa dɛ ba kaala la, Kooro Jehosafat iro che dɛ ŋɔ, “Hé no, Juda ne Jerusalam tena. Hé yarada Korowii haa dɛ tomɔ la, dɛ́ yarada waa o keamere ɡe aa bola la, aa chiɡ heyaa kɛrɛdɛɛ.”

2 Webena 32:15

He bɛ ɡel Kooro Hɛsɛkea lɔ nepor ta he sie ta, dɛɛ neɡre heyaa ɡɛ. Harɛ bɛlbwa voɡ ta wone lɛ o harɛ le Asiiria koojen bɛlbwa nɔn ta bwa. He voɡ haa dɛ tomɔ nɔ laa dɛ́ won lɛ heya!”

Job Tɔn 40:9

He kpeɡri tel men Korowii aa? He nyɛɡa ɡe ɛɛ won do kan kɛŋɔ n nyɛɡa, kɛŋɔ bwaala aa kɔra aa?

Yela 118:8

A wer kohona kɛ nɛn kpɔ o te do Korowii lɔɡa, ɡwaa kɛŋɔ waa kpɔ o te dawɛ nɛwɛnyini nɛ.

Yela 20:7

Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Kaala 4:31

asɛ ba yaradao. Baa noa kɛŋɔ Korowii na ɡɛ baa dɛ ɛɛ ba hɔhɔrɔwa asɛ ba waa hiaoh kohona la, ba ɡuŋo dɛ duuru.

Sɛɡla 12:25

Waa liira kohona do kɛŋɔ bone ken, asɛ wobodɛɛɡa ɡe ɛɛ sɔɔh baah.

Aesaya 30:32

Korowii aa ir o daŋɡbala dɛ́ kpɔ dɛɛ tɛr ba deŋne la, lɔe bɛlbwa waa lɔ ba la, dɛ Israel tena ɡe dɛ yiiɡi kwaa kɛŋɔ loŋa ken, dɛɛ lɔ janjela dɛɛ ɡo yela. Korowii ɡbaɡbaa dɛɛ ba ba yoi.

Aesaya 31:3

Nɛraa Ijipt tena, Korowii laa ban, asɛ ba jaɡre ɡe ɛ ola, a ta kwaa aa bea yaa wola an na ɛɛ. Dɛ Korowii baa ir o nɔn dɛ́ tɛr nɛra deŋne aa, nomɛlbwa waa dɛ cha nɛra ɛɛ keeruu, ásɛ nɛra baa dɛ cha ba la ɡe choɡli, ásɛ ba nɛmbele banɛ la bwa pɛ dɛ́ chɔɡ.

Aesaya 36:18

He bɛ ɡel Kooro Hɛsɛkea neɡre heyaa ŋɔ Korowii ɛɛ lɛ heyaa. Harɛ bɛl voɡ wono lɛ harɛ la nɛra le Asiiria koojen nɔn ta ka aa?

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 8:10

He vɔrɔwe vɔrɔwa bɛlbwa kwaraa naa, aa ɛ pɛɛpɛɛ. He bol wobɛlbwa ɡɛ haa dɛ nyin kwaraa noo, aa ɛ wepuu, dɛkalkɛŋɔ Korowii ne ya lole.

Jeremia 17:5

Waa Korowii aa dɛ bol laanee. “Nomɛlbwa waa kpɔ o te dawɛ nɛwɛnyini nɛ, dɛɛ hwɛɡɛ o bokpeɡa ta dɛ berɛ habɔɔ kpo men Korowii la, o bwɛɛlɛ.

Jeremia 42:11

He bɛ Babelɔn kooro haa dɛ ɔmɔ taraken nɔ ɔmɛ. Men Korowii ŋɔ he bɛ on ɔmɛ, dɛkalkɛ n ja he nɛɛ dɛ́ won lɛ heyaa le o nɔn ta.

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

We-ɛɛla 18:10

dɛkalkɛŋɔ n cheɡɛ he habɔɔ. N nɛra warɛ bwɛjen nɔ ta. Anomanta, mɛɛ che he mun taa, ásɛ nomɛlbwa bɛ won ɛɛ wobɛlbwa.”

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 20:3

‘Israel tena, fini he ne he dɔma dɛ ba yoi, anomanta, he bɛ ɡel he bwara yɔr, he bɛ ɡel he bwara ɛɛ sa, he bɛ ban ɔmɛ.

Mmarare 20:4

Dɛkalkɛŋɔ he ne Korowii haa dɛ tomɔ nɔɔ dɛɛ kaa dɛ́ ka yoo ba, hɛɛ yoo le.’

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

2 Timoti 4:22

Yá Dɔɔ ja he nɛ. Ń Naa Korowii sune he nɛ dɛ́ cha he bwa sekwaraa.

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.

1 Jɔn 4:4

N bidɛɛɡa, Korowii nɛraa heya. He pɔ keamere baa ɛ nyosonteŋna la nɛ, dɛkalkɛ Korowii Domadɛɛɡe waa lɔ he nɛɛ la, o kpeɡri ɡwaa kon waa lɔ nɛra baa dɔ harɛ nɔ ta ɡbo liire la kpeɡri.

1 Samoɛl 17:45

Anee Devid ŋɔ Goliat be ŋɔ, “Kere ne lampeaa he kpoŋe dɛɛ ba ba yoo mɛ, kɛ n te Korowii Waa Ɛ Koranar Bwa Kooro wɛɛ teŋɛ Israel laa tena nɛɛ he nyiŋu dɛɛ vah la sɔn nee mɛɛ ba dɛ́ ba yoi.