2 Webena 32:7 - mzwDBL

⁷ “Hé che kiŋkiŋ, hé dɔ bambile. He bɛ ɔmɛ, he bɛ ɡel he bwara yɔr Asiiria koojen ne o laa tena baa wara kohona nɔ wa. Kpeɡri waa ja ya nɛɛ la ɡwaa kpeɡri waa ja ba nɛ.

2 Webena 32:7 ပူးပေါင်းရင်းမြစ်များ

2 Koranar 18:30

He bɛ o nɛɛ teŋɛ, dɛ́ ɡel hé kpɔ he te dawɛ Korowii nɛɛ ŋɔ, wɛɛ lɛ heyaa, waa bwɛjen nɔɔ kpɔ do Asiiria koojen nɔn ta.

2 Koranar 18:5

Dɛ Korowii Israel tena aa dɛ tomɛ la nɛɛ Kooro Hɛsɛkea kpɔ o te dawɛ. Juda harɛ ta koranar la bwa bini, banɔ la baa di kora mɔɔ Kooro Hɛsɛkea ba di, ne banɔ la waa dia mɔɔ ba ba di la, dɛ o dɔŋ toole.

2 Koranar 6:16

O chaŋe ŋɔ, “Dɛɛ berɛ ɔma, ya dɔ laa tena ba warɛ ɡwaa ba kwa.”

1 Webena 22:13

He do sie dɛɛ teŋɛ mmarare Korowii aa cheɡɛ Mosis nɛɛ, dɛ kpɔ tɛ Israel tena la ta naa, anee dɛ́ ɡel he wobɛlbwa do wer. Bɛ ɔmɛ, dɛ́ ɡel he sie beɡre waa maa doe nɔ ta kɛrɛdɛ.

1 Webena 28:10

Jemɛ kɛŋɔ henee Korowii le ŋɔ he do o Dea tɛo. Gel he siwi beɡre dɛ́ ɛ ɡɛ waa doe la bwa.”

1 Webena 28:20

Kooro Devid berɔ ŋɔ o bie Solomɔn be ŋɔ, “Dɔ bambile dɛ́ che kiŋkiŋ, dɛ́ ɛ toma la. Dɛɛ berɛ ɔma, Korowii maa dɛ tomɛ la ja he nɛ. Waa he habɔɔ le bwa ka tel kɛŋɔ Dea la toma bɛlbwa aa tona.

2 Webena 15:7

Kɛ he Juda tena te, hé che kiŋkiŋ, dɛ bɛ ɡel he bwara hwah, hɛɛ dɔ he kembɔree le teŋa haa dɛ teŋɛ Korowii nɛɛ la ta.”

2 Webena 16:7

A ɡɛ saŋ la, Korowii keame Hanani ba Kooro Asa be dɛ ŋɔ, “Haa kpɔ he te dawɛ Siiria kooro nɛɛ dɛ vɛh he te kpɔe dɛ dawɛ Korowii haa dɛ tomɔ nɛɛ nomanta, Siiria kooro laa tena la le he habɔɔ.

2 Webena 20:15

Anee Jahaseɛl ŋɔ, “N naa kooro, ne nɛra haa lɔ Juda ne Jerusalam bwa, hé no. Waa Korowii aa dɛ bol he be laanee nɔ, ‘He bɛ ɔmɛ, he bɛ ɡel he bwara yɔr laa tena baa wara nɔ wa. Korowiirii dɛ́ yo tɛ heya.

2 Webena 20:17

He laa dɛɛ ba laa nɔ yoi. Hé te ka che he chebɔra dɛɛ kpa. Hé che kiŋkiŋ, ásɛ dɛ na ɡɛ Korowii aa yo tɛ heya, dɛ́ ɡel he pɔ ba nɛ. Juda ne Jerusalam tena, he bɛ ɔmɛ, he bɛ ɡel he bwara yɔr, hé te le ka puu ba kere, dɛ́ na ɡɛ Korowii aa ja he nɛ.’ ”

Nehemia 4:8

Asɛ ba bwa pɛ, dɛ vɔrɔwe kɛŋɔ, bá ba yo Jerusalam, dɛ́ kpɔ sibeɡra ba ta nɛra baa lɔ bela nɛ.

Yela 118:8

A wer kohona kɛ nɛn kpɔ o te do Korowii lɔɡa, ɡwaa kɛŋɔ waa kpɔ o te dawɛ nɛwɛnyini nɛ.

Aesaya 35:4

Hé ŋɔ banɔ la ba bambile aa chɔɡa la be ŋɔ, “Hé che kiŋkiŋ, he bɛ ɔmɛ. Korowii haa dɛ tomɔ la dɛ ba, dɛ́ ba cha heya. Wɛɛ ba lɛ heyaa le he dɔma nɔn taa, dɛ́ tɛr ba deŋne kohona bɔ kem.”

Jeremia 42:11

He bɛ Babelɔn kooro haa dɛ ɔmɔ taraken nɔ ɔmɛ. Men Korowii ŋɔ he bɛ on ɔmɛ, dɛkalkɛ n ja he nɛɛ dɛ́ won lɛ heyaa le o nɔn ta.

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Sekaria 8:23

A ɡɛ saŋ la, baala fi ɛɛ le harɛre wobol bɛlbwa binii, dɛ́ ba lawɛ Juu te beŋkpoŋ batakaare nyoa dɛ́ ŋɔ, ‘Gel ya ne he kaa, ya noɔ kɛ Korowii ja he nɛ.’ ”

Sekaria 8:9

He banɔ haa lole taraken nɔ, waa haa dɛ no nɔ ɛ waa n keamere fa aa bola ɡɛ saŋ baa pa n Dea la mun la, he do ɡbemba, ásɛ dɛ ma n Dea la.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Mmarare 20:1

Mosis berɔ ŋɔ, “Dɛ he kaa cheme he dɔma laa ta, asɛ dɛ na kɛŋɔ dɔma la torɔɡore baa vɔwɛ jaɡre pɛla la warɔ ɡwaa heya aa, he bɛ ban ɔmɛ. Dɛkalkɛŋɔ Korowii haa dɛ tomɔ o le he ne Ijipt harɛ ta la ɛɛ che he mun taa.

Mmarare 31:23

Josua mɛɛ sɔne Nun. Korowii ŋɔ, “Josua, che kiŋkiŋ, bɛ ɔmɛ. Mɛɛ ja he nɛɛ dɛ́ ɡel he tɔ Israel tena sie, dɛ́ kpɔ ba kaa harɛ maa baɡ ba nyoa la ta.”

2 Timoti 2:1

N bie Timoti, che kiŋkiŋ kpeɡri ya Dɔɔ Yeesu Kristo aa chae he dɔ le pɛɛ he ne waa pɛa la ta.

1 Jɔn 4:4

N bidɛɛɡa, Korowii nɛraa heya. He pɔ keamere baa ɛ nyosonteŋna la nɛ, dɛkalkɛ Korowii Domadɛɛɡe waa lɔ he nɛɛ la, o kpeɡri ɡwaa kon waa lɔ nɛra baa dɔ harɛ nɔ ta ɡbo liire la kpeɡri.