2 Webena 32:26 - mzwDBL

²⁶ Ate, Kooro Hɛsɛkea ne Jerusalam tena charɛ ba liire le mbarafo we-ɛɛla la ta, anomanta, Korowii bandia ta ba nɛɛ balɛ Kooro Hɛsɛkea bere saŋ waa di kora.

2 Webena 32:26 ပူးပေါင်းရင်းမြစ်များ

1 Koranar 21:19

Ŋɔ o be ŋɔ men Korowii ŋɔ, ‘Ahab, he kpo nɛn dɛ berɛ kpɔ o kwaa di aa? Bela nyootena aa kpɛle Nabɔt chal la, bela tentenee aa ba he ɡe chal kpɛla.’ ”

1 Koranar 21:29

“He na ɡɛ Kooro Ahab aa pwɛr o te tɛ mɛ kenɛ? A ɡɛ nomanta, maa ɡɛ wenaale laanee kpɔ ba o nɛɛ o saŋ nɔ ta. Mɛɛ kpɔɔ ba o dem tena nɛɛ o bibaa saŋ ta.”

2 Koranar 22:19

‘Haa kure tɔn la, dɛ no Jerusalam nɛra deŋnetɛra, ne ba taahna waa he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

2 Webena 12:7

Korowii aa na ba wechɔɡa baa ɛa la, o ŋɔ o keame Sɛmaya be ja ŋɔ, “Ba sɛh ba chɔɡre nomanta, maa ban chɔɡ kpa. Kɛ dɛ Kooro Sisak baa yoo ba aa, mɛɛ ɡeloo ba le a nyoa. Maa ɡel a che Kooro Sisak nɛɛ Jerusalam tena nyɔ n danana ne.

2 Webena 32:27

Kooro Hɛsɛkea dɔ kondɔɔh ne jirima taeh, asɛ dɛ ma deene dɛɛ cheɡ suuɡapoŋa ne suuɡaswɛm, ne bwedɛɛɡa a yoɡ aa kpeɡa ne konsɔɔhsoma, ne kwaa baa kpɔa dɛɛ tɔ ba te ɡbemɡbe laa ta, dɛ kondɛɛɡa bwa soo siwi a bini.

2 Webena 33:12

O bwara aa ba dɛ nyɛɡo la, o soŋe Korowii o naawa aa tomɔ la, dɛ pwɛr o te tɛo.

2 Webena 33:19

Gɛ waa soŋe Korowii asɛ o no o be, ne o wechɔɡa waa ɛa mɔɔ dɛ charɛ o liire, ne bɔra waa ɛa tɛ voɡtoroma baa tomɛ voɡare, ne voɡ Asera dajaŋa waa paaɡa, dɛ voɡa waa toma la, ba chwera do Korowii Keamere Waa Tɔne bini.

2 Webena 33:23

Kooro Amɔn ta o te pwɛrɛ tɛ Korowii kɛ o mɛɛ, dɛ o wechɔɡa ɡwaa o mɛɛ kwaa kohona.

Jems 4:10

Hé pwɛr he te tɛ Korowii. Wɛɛ ɡɔɔ heyaa.