2 Webena 32:23 - mzwDBL

²³ Nɛra warɔ kpɔ saraha kwaa ba tɛ Korowii Jerusalam pirim, ne koŋkɛɛla a yoɡ aa kpeɡa ba tɛ Juda Kooro Hɛsɛkea. Le bela dɛɛ kaa la, harɛre nɛra bwa kpɔ jirima tɛo kohona.

2 Webena 32:23 ပူးပေါင်းရင်းမြစ်များ

1 Koranar 10:10

O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

1 Koranar 10:25

Benanyoa bɛlbwa ba dɛ ba o be naa, koŋkɛɛla aa ɛ kwaa baa kpɔ suuɡapoŋa ne suuɡaswɛm ɛa, ne batakaani ne dɔmkwa ne konsɔɔhsoma ne jaɡre, dɛ keeɡoree ba kpɔ baa tɛo.

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

2 Koranar 19:30

Nɛra baa ka, dɛ́ le Juda dea la ɛɛ doo kɛŋɔ, daa waa ta lune kaa bini, dɛ won nɔna la ken.

1 Webena 29:25

Korowii ɡɔɔ Kooro Solomɔn Israel tena bwa sie, dɛ tɛo jirima kohona Israel harɛ ta kooro bɛlbwa aa wola a dɔŋ dɔe.

2 Webena 1:1

Kooro Devid bibaa Solomɔn soɡo kiŋkiŋ o kora ta Israel harɛ ta bwa, asɛ Korowii waa dɛ tomɔ che o mun ta, dɛ ɛo nɛnjen kohona.

2 Webena 17:11

Filisti tena bane kpɔ harɛ la ta kwaa ne suuɡapoŋa ba kɛo, Arab tena ɡe ba tɛo peera kaɡboŋa anuanɛ lafraanuanɛ, dɛ boohna kaɡboŋa anuanɛ lafraanuanɛ.

2 Webena 17:5

Korowii ɡelɔ o kora che kiŋkiŋ Juda harɛ, asɛ nɛra la bwa kpɔ koŋkɛɛla baa tɛo, a che a ta o dɔ kondɔɔh ne duure kohona.

2 Webena 9:24

Benanyoa bɛlbwa ba dɛ ba o be naa, koŋkɛɛla aa ɛ kwaa baa kpɔ suuɡapoŋa ne suuɡaswɛm ɛa, ne batakaani ne dɔmkwa ne konsɔɔhsoma ne jaɡre, dɛ keeɡoree ba kpɔ baa tɛo.

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Yela 68:29

He Dea waa lɔ Jerusalam nomanta, koranar ɛɛ kpɔ koŋkɛɛlaa ba tɛɛ.

Yela 72:10

Taases harɛ koranar, ne nɛra baa soɡe mpo nyoa bojaŋa ɛɛ kpɔ ba harɛre kwaa ba tɛo. Seeba ne Seba koranar ɡee kpɔ koŋkɛɛlaa ba tɛo.

Yela 76:11

Hé kpɔ kwaa haa baɡɛ Korowii haa dɛ tomɔ nyoa la ba tɛo. Harɛre nɛra haa bɛna bwa, hé kpɔ koŋkɛɛla ba tɛo, onee chɛ kɛ nɛra bwa ɛɛ ɔmɛ.

Matiu 2:11

Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.