2 Webena 32:12 - mzwDBL

¹² Kooro Hɛsɛkea laa paɡre kwaa baa ɛ saraha a ta dɛɛ tɛ Korowii ne bela baa dɛ tomɔ, dɛ ŋɔ Juda ne Jerusalam tena be ŋɔ, báa tomɛ dɛɛ fuh daawiile saraha kombeŋkpoŋ ɡbo ta la aa?

2 Webena 32:12 ပူးပေါင်းရင်းမြစ်များ

2 Webena 31:1

Baa di tɔpejen la tonɛ la, Israel tena baa lɔ bela la jo Juda harɛ bwɛɛre ta, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. Ba chɔɡ bɔra baa dɛ tomɛ voɡare deŋɡarere ta, ne kwaa baa dɛ ɛ sarahare a ta, Juda harɛ ne Bɛnjamen ne Efrem, dɛ Manasɛ harɛre deene ta bwa. Baa chɔɡ a bwa tonɛ la, asɛ ba bwa berɛ kaa ba bwɛɛre.

Aesaya 36:7

Kooro Hɛsɛkea ta ɡelɛ he chɔɡ kwaa haa dɛ toma bwea dor dɛ ŋɔ Juda harɛ ta ne Jerusalam tena bwa be ŋɔ báa tomɛ kombeŋkpoŋ ta Jerusalam aa?

2 Webena 4:1

Kooro Solomɔn ɡelɔ ba kpɔ ayaawa ɛ saraha kon. O jaŋne lɔ naɡale fifraatoro, o paɡri naɡale fifraatoro, asɛ o jaŋne dɛ́ kaa nyundua ɡe naɡale fi dɛ anue.

2 Koranar 18:22

Asiiria nomoa la berɛ ŋɔ, “Kɛ, hɛɛ ŋɔɔ Korowii haa dɛ tomɔ la nɛɛ hɛɛ hwɛɡɛ aa? Saraha kwaa baa kpoo kwaa a ta dɛɛ tɛ Korowii la laa on Kooro Hɛsɛkea chɔɡ, dɛ ŋɔ Juda ne Jerusalam tena bwa be ŋɔ, báa tomɛ Jerusalam bonɔ ɡbo la aa?

2 Koranar 18:4

O chɔɡ bɔra baa dɛ tomɛ voɡare, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. O kuuɡi ayaawa Mosis fa aa kpɔa ɛ harɛkon baa yerɔ Nehustan la. Dɛ ba tel ɡɛ saŋ la, dɛ Israel tena dɛ fuh daawiile dɛɛ tɛ harɛkon la.

1 Koranar 7:48

Kooro Solomɔn berɔ kpɔ suuɡaswɛm ɛ Korowii Dea la bini laala. Anee, suuɡaswɛm kon baa dɛ ɛ saraha o ta, ne teeburre baa kpɔ paanoo baa bil o ta Korowii sie,

2 Webena 32:11

Kooro Hɛsɛkea ŋɔ, ‘Korowii haa dɛ tomɔ la ɛɛ lɛ heyaa le n nɔn taa,’ yaa, neɡraa wɛɛ neɡre heya, ásɛ nyɔɡre ne lɔr kpo heyaa he serewe.

2 Webena 33:17

A lole kɛŋɔ dɛ bela voɡtoroma aa dɛ tomɛ voɡa laanee nɛra la kaa ɛ sarahare, kɛ dɛ Korowii baa dɛ tomɔ la ɡboo ba yon ɛ dɛɛ tɛ.

2 Webena 30:14

Ba le kwaa harɛre ane nɛra baa dɛ tomɛ voɡa aa dɛ ɛ saraha a ta ne Jerusalam, dɛ chɔɡ anɔ la baa dɛ fuh daawiile a ta, dɛ pa a bwa ka ta Kedrɔn Fɛlembɔjen bini.