2 Webena 31:5 - mzwDBL

⁵ Baa no waa kooro aa bola la, Israel tena la le ba bambile ta, dɛ kpɔ ba kooni kondikonloɡla kɛŋɔ mea ne senfala, ne ɔleve noo ne tooh dɛ kondikwa bɛlbwa baa dɔa dɛ le kooni ta, ba tɛ Korowii toma. Kwaa baa ba a ne warɔ kɛrɛdɛ. Nomɛlbwa bɔne komɛlbwa waa dɔa bini bɔre fi, dɛ́ kpɔ bɔrbeŋkpoŋ ba.

2 Webena 31:5 ပူးပေါင်းရင်းမြစ်များ

Nehemia 12:44

Gɛ saŋ la, ba le baala bane baa nyiŋi deene baa lɛ kwaa dɛ kpɔ baa cheɡ a bini Korowii Dea la ta. Kondikonloɡla ne kwaa baa bɔne a bini bɔre fi, dɛ kpɔ a bini bɔrbeŋkpoŋa dɛɛ ba ne. Ba lɛa le kooni aa bar bwɛɛre ta ba cheɡ deene la bini, ɡɛ Mmara aa chaɡla kɛŋɔ, anee chɛ sɔfore ne Lewi dea tena la. Dɛkalkɛ, dɛ Juda tena bwa sie lɛ ba ne Lewi dea tena la nɛ.

Nehemia 13:12

Asɛ Juda tena la bwa berɛ pa mun dɛɛ ba ba kwaa baa bɔne a bini bɔre fi bɔrbeŋkpoŋa kɛŋɔ, mea ne senfala dɛ ɔleve noo ne, dɛ kpɔ baa cheɡ deene aa lɔ Korowii Dea la bini ja.

Nehemia 13:31

N baɡle saŋ aa chɛ kɛŋɔ bá kpɔ daa baa kpɔ dɛɛ fuh saraha kwaa ne ba koo kondikonloɡla dɛɛ ba. N Naa Korowii maa dɛ tomɛ, lii n wa, dɛ́ sune n nɛ.

Kaala 22:29

Hé kpɔ he mea ne sen kɛɛ ɔleve noo ba ɛ saraha tɛ mɛ saŋ aa chɛa ta. Hé lawɛ he bibanloɡla ba tɛ mɛ.

Kaala 23:19

Hé kpɔ he koo kondikonloɡla ba men Korowii haa dɛ tom mɛ la Dea. He bɛ bombie daa o nya elnee ne.

Kaala 34:22

Hé di Koo Kondikwaa Koma Tɔpejen la he meloɡla ne, dɛ́ di Koo Kondikwaa Nyoa Boara Tɔpejen benanyoa la aa baa kaa o jaɡa la.

Kaala 34:26

Hé kpɔ he koo kondikonloɡla aa wera kohona ba tɛ men Korowii haa dɛ tom mɛ la Dea. He bɛ bombie daa o nya elnee ne.”

Kaala 35:5

Komɛlbwa haa dɔa la, hé kpɔ a bini ane ba ɛ saraha tɛ Korowii. Gɛ aa le bɛlbwa bambile bini la ó kpɔ ba tɛ Korowii. Koŋkwaa kɛŋɔ suuɡaswɛm ne suuɡapoŋ dɛ ayaawa,

Sɛɡla 3:9

Kpɔ he kondɔɔh, ne he koo kondikonloɡla tɛ Korowii, dɛ́ kpɔ duuru.

Lewi Dea Tena 27:30

Kondikwaa bɛlbwa aa le harɛ la ta dɛ ɛ mea kɛɛ daa nɔna la, a chɛ kɛ he bɔne a bɛlbwa bini bɔre fi, dɛ́ kpɔ bɔrbeŋkpoŋa ba tɛ men Korowii. A ɛ kwaa aa do ɡoroŋ dɛ tɛ mɛ.

Nɛra Kura 18:12

Kondikonloɡla ane kɛŋɔ ɔleve noo aa wera ne senfala aa wera dɛ meloɡla baa kpɔa baa tɛ men Korowii laanee n kpɔ tɛ heya.

Nɛra Kura 18:13

Konloɡla ane bɛlbwa aa le harɛ la ta ba kpɔ ba tɛ men Korowii la bwa ɛ he kwa. He dem nɛn bɛlbwa waa wola doŋa kaeh won a dii.

Nɛra Kura 18:8

Korowii berɔ ŋɔ Arɔn be ŋɔ, “N ɡbabirii kpɔe chɔ sarahare baa kpɔa baa tɛ mɛ la nyoa. Saraha kwaa aa do ɡoroŋ Israel tena kpɔ baa tɛ mɛ la bwa, he ne he bibaalaa n kpɔa dɛɛ tɛ, á ɛ he dibɔr saŋ bɛlbwa dɛɛ la.

Tɔn Pɔɔl Aa Chwerɛ Rom Tena 8:23

Maa dɛ ŋɔ nɔ, Korowii kontaala ɡbo bwara laa dɛɛ nyɛɡ. Ya nɛra yaa dɔ Korowii Domadɛɛɡe kɛŋɔ kwaa Korowii aa ba tɛ yaa la bini konloɡle la, ya ɡba bwara dɛ nyɛɡ. Ya dɛ nyiŋi Korowii ŋwɛnɛ kɛŋɔ wɛɛ ba ɛ yaa o biirii, dɛ́ lɛ ya bwadabii le wechɔɡa ne seo nɔn ta.

1 Kɔrent 15:20

Kɛ ɡɛ laa a do. Korowiirii ir Yeesu Kristo seo ta. Onee tɔ sie ir seo ta nɛra baa serewa la nɛɛ mɔɔ ba ɡe baa ir.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.