2 Webena 31:15 - mzwDBL

¹⁵ Dɛ Kore dɔ o bala Lewi dea tena baa chao bwɛɛre ane sɔfore aa soɡe a ta. Banee, Eden ne Miniamin ne Jesua ne Sɛmaya ne Amaria dɛ Sɛkania. Ba ɡe dɛ lɛ koŋkɛɛla la dɛ bɔna kasinteŋ ne tɛ Lewi dea tena baa lɔ bela ɡɛ bɛlbwa toma aa doa, bechala kɛɛ nomoa toole.

2 Webena 31:15 ပူးပေါင်းရင်းမြစ်များ

1 Webena 24:31

Ba ɡe bil daa kɛŋɔ ba dɔɔranar Arɔn naanar aa ɛa la, Kooro Devid ne Sadɔk ne Ahemɛlɛk dɛ sɔfore nomonnyuune ne Lewi dea nomonnyuune la bwa sie. Ba nyiŋi dea bɛlbwa binomoa, dɛ nyiŋi bechale bwa kɛrɛdɛ, bɛl ta bɛl ɡwaalɛ.

1 Webena 25:8

Ba ne ba nomonome ne bechale bwa, chichare ne nɛra ba ta aa dɛ hweli, ba bil daa mɔɔ bɛlbwa jemɛ o toma waa ɛ.

1 Webena 9:22

Nɛra baa lee ba baa daah doonyoo aa lɔ bela la bwa lɔ nɛra lafraanɛ dɛ fi dɛ banɛ. Ba chwerɛ ba sɔna teŋɛ dɔŋa nɛɛ dɛ le ba bwɛɛre ta. Kooro Devid ne Samoɛl waa dɛ na chaahna laanee lee ba, dɛ kpɔ ba chɔ ba tomare nyoo, dɛ ŋɔ ba ɛa kasinteŋ ne.

2 Webena 29:12

Lewi dea tena baa lɔ bela dɛ pa mun dɛɛ ɛ toma laanee teŋa nɔ. Le Kohat dea tena bini, Amasae bibaa Mahat ne Asaria bibaa Joel. Le Merari dea tena bini, Abdi bibaa Kes ne Jehalelɛl bibaa Asaria. Le Gɛsɔn dea tena bini, Sima bibaa Joa ne Joa bibaa Eden.

2 Webena 31:13

Ba le Lewi dea tena nɛra fi ŋɔ bá do Konania ne o nime Simee lɔɡa dɛɛ ɛ toma bela. Banee, Jehiel ne Asasia ne Nahat, ne Asahɛl ne Jerimot ne Josabad ne Eliel, ne Ismakia ne Mahat dɛ Bɛnaya. Kooro Hɛsɛkea ne Sɔfonomoa Asaria kpeɡri taa a che, ba lee ba.

2 Webena 31:14

Lewi dea te Imna bibaa Koree ba le wɛɛ nyiŋi Korowii Dea wee leebɔr doonyoa la ta, dɛ chɔ sarahare koŋkɛɛla aa le nɛra bambile ta ba kpɔ baa tɛ Korowii ne a bɔna nyoa.