2 Webena 30:8 - mzwDBL

⁸ He bɛ lwɛmkpeɡ ɛ kɛ ban, dɛ́ kpɔ he te do Korowii haa dɛ tomɔ la lɔɡa. Hé ba o Dea waa ɡela o do ɡoroŋ saŋ bɛlbwa la bini Jerusalam, dɛɛ tomɔ ásɛ o bandia le he nɛ.

2 Webena 30:8 ပူးပေါင်းရင်းမြစ်များ

2 Koranar 23:26

Kɛ ane a bwa, Korowii bandichɔɡe waa lɔ Juda harɛ ta tena nɛɛ la, dɛ o ta sɔɔhnɛ, Kooro Manasɛ waa waa ɛa dɛ kpɔ ir o bandia la wa.

1 Webena 29:24

Nomonome la bwa ne banyoola, dɛ Kooro Devid bibaala bwa sɛoh, dɛ kpɔ ba te do Kooro Solomɔn lɔɡa dɛɛ tomɔ.

2 Webena 28:11

Hé no n be! Hé ɡel he lolanar haa laɡ ba yoma nɔ berɛ kaa, dɛkalkɛ Korowii baah di he nɛɛ kohona.”

2 Webena 28:13

Ba ŋɔ ba be ŋɔ, “He bɛ nɛra haa laɡ ba la kpɔ ba bonɔ, ɡɛ laa aa, yaa di bolchɔɡe Korowii siee. He bɛ ɡel ya kpɔ wechɔɡa ja bolchɔɡe dii ta, a kan ya nɛɛ wubwa, ásɛ Korowii baah di ya nɛɛ kohona.”

2 Webena 29:10

Anomanta, men Kooro Hɛsɛkea kpɔ liire kɛŋɔ n ne Korowii Israel tena aa dɛ tomɔ la fɔwɛ fɔo, ásɛ o baah bɛ ya nɛɛ di kohona.

2 Webena 36:13

Kooro Sedekia berɔ ɛ Kooro Nebukadnesa waa ɡela o ŋwɛɛ Korowii sɔn ta ŋɔ, wɛɛ kpɔ o tenee do o lɔɡa la deŋnekpeɡ. O taŋ deŋne, o ta o liire charɛ dɛ ba Korowii Israel tena aa dɛ tomɔ la be.

2 Webena 6:5

‘Le awola tɔpere maa kpɔ n nɛra Israel tena le Ijipt harɛ ta la, n ta ŋɔe bá do Dea n sɔn ta Israel harɛ bwɛjen bɛlbwa ta dɛɛ tom mɛ bela. N ta nomɛlbwa ɡe leɛ ŋɔ wɛɛ nyiŋi n nɛra Israel tena nɛ.

2 Webena 6:6

Kɛ taraken te, n ŋɔ baa tom mɛ Jerusalam, ásɛ hen Kooro Devid ɡe ɛ ba nomoa dɛɛ nyiŋi ba nɛ.’ ”

2 Webena 7:16

dɛkalkɛ n le Dea nɔ cheɡ dɛ ɡel o do ɡoroŋ, ásɛ baa tom mɛ o bini saŋ bɛlbwa dɛɛ la. Mɛɛ dɛɛ daahno n sie do o ta.

Ɛsra 10:14

Hé ɡel ya nomonome so dɛ́ nyiŋi a ta tɛ ya bwɛɛla bwa, ásɛ nomɛlbwa waa mo a ɡɛ haahna nɔ bɛl la, bá yerɔ ó ba tɔpere baa doo ta, dɛ́ kpɔ nomonome ne nɛra baa bol waa dɛɛ pa bole harɛ waa soɡe o ta ja ba. Kenii dɛ́ ɡel waa nɔ Korowii baah aa di ya nɛɛ a waa nɔ le ya nɛ.”

Ɛsra 10:19

Ba bwa baɡɛ Korowii nyoa ŋɔ baa vɛh ba haahna laanee, asɛ bɛlbwa lawɛ pebal ba ɛ wechɔɡa kpɔe dɛ́ kɛ saraha, bolchɔɡe baa dia la wa.

Yela 63:2

N na ɡɛ he kpeɡri ne he jirima aa doa, he Dea bela.

Yela 68:24

N Naa Korowii, nɛra bwa nae he valɛ baa kaa, Korowii maa dɛ tomɔ o ɛ n kooro la baa jo o Dea bini.

Yela 68:31

Nomonome ɛɛ che Ijipt tena naa taa ba, ásɛ Itiopia tena ɡe kpɔ ba te ba do Korowii lɔɡa.

Yela 73:17

nemenɛ maa jo hen Korowii Dea mɔɔ, dɛ jemɛ waa aa pu nyubinikpeɡ tena la.

Yela 78:49

O kpɔ o bandia kohona ba ta ba nɛ, dɛ ɡel ba waa do sum kohona, a do kɛŋɔ baa tomɛ toroma ŋɔ, bá ba kpoo ba ken.

Kaala 32:9

Korowii ŋɔ Mosis be ŋɔ, “N na ɡɛ baa ɛa bwa. Ba ɛ deŋnekpeɡ nɛra.

Jeremia 50:15

Hé pa mun ka yo bwɛjen Babelɔn tena dɛɛ do laa lɔŋɔre, Babelɔn tena sɛoh dɛ ba ba te ne harɛ, ba dekpeɡa ne danjwɛɛre bwa kuuɡo. A ɛ kembɔr men Korowii aa kpɔa dɛɛ tɛr ba deŋne, bɛlbwa ɡe tɛr ba deŋne bɔ kem. Hé ɛɛ ba ɡɛ tenten baa ɛ ba bala la.

Matiu 4:10

Anee Yeesu kɔro ŋɔ, “Le n jwɛɛh kaa, Bɔnsam! Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Tɔn Pɔɔl Aa Chwerɛ Rom Tena 10:21

Kenii o baɡle ɡɛ Korowii aa bol Israel tena ɡe wa, “Saŋ bɛlbwaa n paɡri n nɔɔra kɛŋɔ ń lɛ n nɛra kɛ baa men yarada. Ba deŋne kpeɡri, baa waa ɡe no.”

Tɔn Pɔɔl Aa Chwerɛ Rom Tena 6:22

Kɛ taraken nɔ, Korowii le heyaa wechɔɡa ta. On dɔ heya. He tɔnɔ haa dɔa laanee kɛŋɔ he soɡa bini aa toɡra Korowii be. A taa aa ba cheɡa ásɛ he dɔ mkpa aa wola jaɡa dɔe.

Mmarare 10:16

Anomanta, hé ɡel he tea to ásɛ dɛ bɛ deŋnekpeɡ ɛ kpa.

Mmarare 6:13

Hɛ́ɛ duu Korowii dɛ́ɛ tomɛ o ɡbo, dɛɛ baɡɛ nyoa o sɔn ta.

Mmarare 6:17

Hé nyiŋi kɛrɛdɛ dɛ́ɛ teŋɛ mmarare waa kpɔa tɛ heyaa la bwa ta.

Josua 24:15

Dɛ a ta maɡrɛ he be kɛŋɔ hé tomɛ Korowii aa, amɔ te hé le fini nyin kon haa tomɛ. Dɛ he naawa voɡare baa toma moo la baŋ le kɛɛ Amɔre tena haa soɡe ba harɛ ta taraken nɔ voɡaree yoo. N te ne n dem tena te, yaa tomɛ Korowiirii.”

Wepila 7:15

Anomanta, ba lɔ Korowii kookara la sie dɛɛ tomɔ chɔɔ ne jwaana kɛŋɔ o Dea sɔfore, asɛ o ɡbaɡba waa soɡe kookara la ta la ɛɛ tɔ ba nɛ.