2 Webena 30:3 - mzwDBL

³ Dɛ baa di tɔpejen la o saŋ ta biɡro, dɛkalkɛ dɛ sɔfore ta warɛ dɛ́ won laa doŋa bɛlbwa kpɔ ba nɛɛ bá do ɡoroŋ, asɛ dɛ nɛra la ɡe bwa aa won Jerusalam cheme.

2 Webena 30:3 ပူးပေါင်းရင်းမြစ်များ

2 Webena 29:17

Ba pa ɡɛ waa nɔ mun korobie waa tɔ sie la tɔpeloɡle ta, asɛ tɔpenuatoro wee la, ba tel Korowii Dea pato la ta. Tɔpera anuatoro ja, dɛ ba tonɛ Korowii Dea la bini tenten toma. Ba tonɛ toma la bwa, korobie waa tɔ sie, o tɔpera fi dɛ anumɛl la ta.

2 Webena 29:34

Dɛ sɔfore la ta warɛ, dɛ́ won swe ola baa kpoora dɛ́ fuah ɛ saraha la, anomanta, ba bala Lewi dea tena la cha ba dɛ swea tonɛ. Gɛ saŋ dɛ sɔfore baa dɔ bɔr dɛ laa doŋa bɛlbwa kpɔ ba nɛɛ dɛ́ do ɡoroŋ warɔ. Dɛ Lewi dea tena la waa dɔ kasinteŋ doŋa laa dɛ kpɔ ba nɛɛ dɛ do ɡoroŋ dɛ ɡwaa sɔfore la kwara.

2 Webena 30:15

Korobinɛɛte tɔpera fi dɛ anaarɛ ta la, ba kpo Galekaa Tɔpejen pebie la. Sɔfore ne Lewi dea tena laa doŋa bɛlbwa kpɔ ba nɛɛ dɛ do ɡoroŋ, dɛ kpɔ saraha kwaa baa fuah la ba Korowii Dea.

2 Webena 30:24

Juda Kooro Hɛsɛkea tɛ nɛra baa cheme bela nabala kaɡboŋ, dɛ boohna ne peera kaɡboŋa anuanɛ, asɛ o nomonome la ɡe tɛɛ ba nabala kaɡboŋ, dɛ boohna ne peera kaɡboŋa fi. Asɛ sɔfore baa wara laa doŋa bɛlbwa kpɔ ba nɛ, ba do ɡoroŋ.

2 Webena 30:4

Dɛ waa nɔ maɡrɔ tɛ kooro ne nɛra baa cheme bela la bwa.

2 Webena 35:6

Hé kpoo Galekaa Tɔpejen pebiiri la, dɛ́ sɔ he doŋa ta, dɛ́ do ɡoroŋ Korowii be pera, ásɛ dɛ kwaa saraha kwaa la tɛ he bala la, ásɛ ba won dɛɛ teŋɛ waa Korowii aa cheɡɛ Mosis nɛɛ dɛ bol la ta.”

Kaala 12:18

Korobie waa tɔ sie la, tɔpera fi dɛ anaarɛ ta jɔmɔra, hé pa mun di paanoo iisi aa wola toole a ta ka tel korobie la tɔpera fifraanɛ dɛ beŋkpoŋ la ɡe jɔmɔra.

Kaala 12:6

Hé nyiŋa dɛ ka tel korobie nɔ tɔpera fi dɛ anaarɛ ta, a ɡɛ saŋee Israel tena ɛɛ ba a kpoora jɔmɔra.