2 Webena 30:18 - mzwDBL

¹⁸ Nɛra ɡalɡa ba ɡe aa le Efrem ne Manasɛ ne Isaaka, dɛ Sebulon deene dɛ ba la, dɛ ba ta doŋa bɛlbwa laa kpɔ ba nɛ dɛ do ɡoroŋ, anomanta, dɛ ɡɛ bɛlbwa nee baa di Galekaa Tɔpejen la. Asɛ Kooro Hɛsɛkea soŋe Korowii tɛɛ ba dɛ ŋɔ,

2 Webena 30:18 ပူးပေါင်းရင်းမြစ်များ

Mumpar 20:17

Asɛ Abraham soŋe Korowii tɛ Abemɛlɛk ne o haah dɛ o yomhaahna la bwa kɛ ó pili ba lol, asɛ o pili ba lol ba won loɡle,

Mumpar 20:7

Anomanta, berɛ ɡel haah la kaa o jaa be, dɛkalkɛ n keamee o jaa la. Wɛɛ soŋ mɛɛ, ásɛ he dɔ he nyu. Kɛ dɛ he ta o haah la berɛ ka tɛo te naa, hee he ne kwaa haa dɔa bwa ɛɛ ba hee.”

2 Koranar 5:18

Kɛ kombeŋkpoŋ maa dɛ soŋe Korowii kɛŋɔ, dɛ n ne n dɔɔ kooro kaa jo Siiria harɛ voɡ Remɔn dea dɛ ɡuŋu harɛ naa, ó kpɔ kɛ mɛ.”

2 Webena 30:11

Kɛ dɛ ba bini bane le Aasa ne Manasɛ, dɛ Sebulon deene ta, dɛ sɛh kɛŋɔ baa ba Jerusalamee.

2 Webena 30:25

Anomanta, Juda tena baa cheme bela sie lɛo kohona, ba ne sɔfore ne Lewi dea tena, dɛ Israel tena baa ba bela bwa, ne hɔɔhra baa le Israel ne Juda harɛre ta bwa.

2 Webena 34:9

Ba la Sɔfonomoa Hilkia be, dɛ kpɔ suuɡa Lewi dea tena baa dɛ daah Korowii Dea doonyoo aa lɛa le Manasɛ ne Efrem deene tena, ne Israel tena baa kaa la be, ne Juda harɛ nɛra bwa, ne Bɛnjamen dea tena, dɛ nɛra baa lɔ Jerusalam tena be la ba tɛo.

2 Webena 6:21

No men maa ɛ he bonɔɔ wesoŋa, ne he nɛra Israel tena wesoŋa, ɡɛ saŋ báa kpɔ sie chaɡɛ Dea nɔ ta dɛɛ soŋe. Che nyundua bela haa lole dɛ́ no, ásɛ dɛ kpɔ ya wechɔɡa kɛ yaa.

Yela 119:68

He waa wer, he wobɛlbwa ɡe wer, chaɡ mɛ he waa la.

Yela 25:8

Korowii wer, o waa toɡre, o dɛ baɡle wechɔɡ-ɛɛra ŋwɛnɛdɛɛɡe baa kpɔ o ta.

Yela 36:5

N Naa Korowii, he nyina aa wola jaɡa dɔe ɡwaa komɛlbwa, he kasinteŋ waa ɡe ta jaɡa dɔe.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Daneɛl 9:19

N Naa Korowii no. N Naa Korowii kpɔ kɛ yaa. N Naa Korowii, cheɡ deŋne dɛ́ ɛ waane. Bɛ ɡel a biɡri, ɡɛ aa ɛ nomɛlbwa jemɛ kɛŋɔ he cheɡɛ he nɛra ne bwɛjen nɔ nɛɛ dɛ lɛ sɔn tɛ he te.”

Lewi Dea Tena 10:20

Mosis aa no ɡɛ la, o baah sɔɔhnɔ.

Nɛra Kura 19:20

Dɛ nomɛl kah doŋa dɛ vɛh a sɔe dɛ ta aa, a chɛ kɛŋɔ bá sɔɔ lola, dɛkalkɛŋɔ o kpɔ doŋa kah n Tɛnte Dea la. Ba ta doŋa laa kpɔ o nɛ, o ta kah doŋa.

Nɛra Kura 9:7

dɛ ka ŋɔ, “Ya ta wone di tɔpere la doŋa yaa kaah dɛ le nomɛl aa sewa ya leɡo la wa. Kɛ bɔkwaa dɛɛ tɔ yaa ŋwɛnɛ, ya ne yabala Israel tena la bwa aa wola won pɛ kpɔ ya saraha kwaa saŋ nɔ ta ba tɛ Korowii ɔ?”

1 Kɔrent 11:28

Nomɛlbwa chɛ kɛŋɔ ó nyiŋi o waa bini kɛrɛdɛ mɔɔ dɛ́ di a ɡɛ kwaa nɔ.

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.