2 Webena 30:11 - mzwDBL

¹¹ Kɛ dɛ ba bini bane le Aasa ne Manasɛ, dɛ Sebulon deene ta, dɛ sɛh kɛŋɔ baa ba Jerusalamee.

2 Webena 30:11 ပူးပေါင်းရင်းမြစ်များ

1 Webena 9:3

Banɔ la baa le Juda ne Bɛnjamen ne Efrem dɛ Manasɛ deene ta dɛ ba so Jerusalam laanee nɔ.

2 Webena 11:16

Nɛra baa le Israel deene bwa bini dɛ le ba bambile bini ŋɔ, baa tomɛ Korowii Israel tena aa dɛ tomɛ la teŋɛ Lewi dea tena nɛɛ ba Jerusalam, dɛ ba kpoo kwaa ɛ sarahare tɛ Korowii ba naawa aa toma.

2 Webena 12:12

Kooro Rɛhoboam aa pwɛr o te tɛ Korowii nomanta, Korowii bandia le o nɛ, o ta on chɔɡɛ kwaraa kpa. Kasinteŋ, dɛ wobɛlbwa pa mun dɛɛ do wer Juda harɛ ta tama tama.

2 Webena 30:18

Nɛra ɡalɡa ba ɡe aa le Efrem ne Manasɛ ne Isaaka, dɛ Sebulon deene dɛ ba la, dɛ ba ta doŋa bɛlbwa laa kpɔ ba nɛ dɛ do ɡoroŋ, anomanta, dɛ ɡɛ bɛlbwa nee baa di Galekaa Tɔpejen la. Asɛ Kooro Hɛsɛkea soŋe Korowii tɛɛ ba dɛ ŋɔ,

2 Webena 30:21

Israel tena aa baa cheme Jerusalam la, ba di Paanoo Iisi Aa Wola Toole a ta Tɔpejen la silɛɛ kohona ne, tɔpera anuanɛ. Asɛ Lewi dea tena ne sɔfore ɡe kpɔ kwaa bwa soo siwi baa kpɔa dɛɛ hɛlɛ lɔ yela, dɛɛ kpɛɛ Korowii kohona tɔpere bɛlbwa, bokpeɡa bwa ne.

2 Webena 30:25

Anomanta, Juda tena baa cheme bela sie lɛo kohona, ba ne sɔfore ne Lewi dea tena, dɛ Israel tena baa ba bela bwa, ne hɔɔhra baa le Israel ne Juda harɛre ta bwa.

2 Webena 33:12

O bwara aa ba dɛ nyɛɡo la, o soŋe Korowii o naawa aa tomɔ la, dɛ pwɛr o te tɛo.

2 Webena 33:19

Gɛ waa soŋe Korowii asɛ o no o be, ne o wechɔɡa waa ɛa mɔɔ dɛ charɛ o liire, ne bɔra waa ɛa tɛ voɡtoroma baa tomɛ voɡare, ne voɡ Asera dajaŋa waa paaɡa, dɛ voɡa waa toma la, ba chwera do Korowii Keamere Waa Tɔne bini.

2 Webena 33:23

Kooro Amɔn ta o te pwɛrɛ tɛ Korowii kɛ o mɛɛ, dɛ o wechɔɡa ɡwaa o mɛɛ kwaa kohona.

2 Webena 34:27

Haa kure tɔn la dɛ no Jerusalam nɛra deŋnetɛra, he loo ku he kɛɛ he batakaare haa doa, dɛ ba he te ne harɛ dɛɛ wi nomanta, n no he wii haa wia la bwa.

Kaala 10:3

Anomanta, Mosis ne Arɔn la Ijipt kooro be dɛ ka ŋɔ kenii Korowii Hibru tena aa dɛ tomɔ la ŋɔ, “Saŋ besoo hɛɛ ba he liire ne harɛ bala dɛ́ ɡel he deŋnekpeɡ nɔɔ? Gel n nɛra kaa dɛ́ kaa tom mɛ.

Daneɛl 5:22

Kɛ hen, n naa Kooro Bɛlsasa, haa ɛ n naa Kooro Nebukadnesa bibaa la, he jemɛ ɡɛ waa nɔ bwa, kɛ he ta he te pwɛrɛ.

Lewi Dea Tena 26:41

dɛ ɡel n baah di ba nɛ, dɛ kpɔ ba ka ta ba dɔma harɛ ta ŋɔ ba ka bela. Ba baa charɛ ba liire dɛ jemɛ kɛŋɔ ba ɛ deŋnekpeɡ aa,

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Amanesoma Luk Aa Chwera Tɔn 18:14

Anee Yeesu ŋɔ, “N dɛ ŋɔ he be ŋɔ, toɔ lɛɛ la bee Korowii no dɛ kpɔ o wechɔɡa kɛo dɛ doo nɛndɛɛɡa bini, asɛ o kaa o dem. Farisii te la te, o ta o be noɛ. Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa pwɛr o te la, Korowii ɛɛ ɛo nɛnjenii.”

We-ɛɛla 17:34

Nɛra la bane te yarada Yeesu waa la, dɛ ba ja o nɛ. Nɛra baa yaradaa la bini bɛl sɔne Daneseɔs. Dɛ Areɔpaɡos nomonome la bɛlee on. Haah bɛl baa dɛ yerɔ Damaris ne nɛra bane yarada Yeesu waa la.

Jems 4:10

Hé pwɛr he te tɛ Korowii. Wɛɛ ɡɔɔ heyaa.

1 Pita 5:6

Anomanta, hé pwɛr he te dɛɛ no Korowii waa dɔ kpeɡri bwa la wa, ásɛ o ɡɔɔ heyaa ir tɔpere waa wera o be ta.