2 Webena 30:1 - mzwDBL

¹ Kooro Hɛsɛkea tomɛ nɛra Israel ne Juda harɛ ta, dɛ chwerɛ tɔn ta nɔn yerɛ Efrem ne Manasɛ deene tena ŋɔ, bá cheme Korowii Dea Jerusalam, dɛ́ di Korowii Israel tena aa dɛ tomɔ Galekaa Tɔpejen la.

2 Webena 30:1 ပူးပေါင်းရင်းမြစ်များ

2 Koranar 23:22

Dɛ Israel koranar kɛɛ Juda koranar bɛlbwa ta Galekaa Tɔpejen bɛlbwa waa do ken dii bwa, le ɡɛ saŋ koranar aa wola toole, asɛ sitɔɔla yon tɔ Israel tena sie dɛɛ nyiŋi ba waa bini la.

2 Webena 11:13

Sɔfore ne Lewi dea tena baa lɔ Israel harɛ weekaŋle nyundua bwa ta balɔ, dɛ ba teŋɛ Kooro Rɛhoboam nɛ.

2 Webena 11:16

Nɛra baa le Israel deene bwa bini dɛ le ba bambile bini ŋɔ, baa tomɛ Korowii Israel tena aa dɛ tomɛ la teŋɛ Lewi dea tena nɛɛ ba Jerusalam, dɛ ba kpoo kwaa ɛ sarahare tɛ Korowii ba naawa aa toma.

2 Webena 25:7

Anee Korowii keame bɛl la kooro be ka ŋɔ o be ŋɔ, “N naa kooro, bɛ ɡel Israel laa tena teŋɛ he nɛ. Korowii ta Israel tena baa le weekaŋle nyundua harɛ la nɛɛ teŋɛ.

2 Webena 29:24

Asɛ sɔfore la kpoo boohna la, dɛ ɛ a chal ba merɛ kon baa ɛ saraha dɛɛ tɛ Korowii o ta la ta, dɛ kpɔ soŋe Israel tena bwa wechɔɡa Korowii be, dɛkalkɛŋɔ kooro laanee do ba ŋɔ bá fuh kwaa ɛ saraha ne wechɔɡa kpɔe dɛ kɛ sarahare la tɛ Israel tena bwa.

2 Webena 29:36

Kooro Hɛsɛkea ne nɛra la bwa sie lɛo, Korowii chae waa cha ba ba ɛ a ɡɛ waa la bwa warane la.

2 Webena 30:2

Kooro Hɛsɛkea ne o nomonome, dɛ nɛra baa cheme Jerusalam la bwa sɛoh kɛŋɔ bá di Galekaa Tɔpejen la, korobinɛɛte ta.

2 Webena 35:6

Hé kpoo Galekaa Tɔpejen pebiiri la, dɛ́ sɔ he doŋa ta, dɛ́ do ɡoroŋ Korowii be pera, ásɛ dɛ kwaa saraha kwaa la tɛ he bala la, ásɛ ba won dɛɛ teŋɛ waa Korowii aa cheɡɛ Mosis nɛɛ dɛ bol la ta.”

Jeremia 29:1

Kenii tɔn men Korowii keame Jeremia aa chwera le Jerusalam, ka tɛ nomonome baa kaa dɛ ja nɛra baa laɡ ba kaa la, ne sɔfore ne Korowii keamere, dɛ nɛra baa jaa Kooro Nebukadnesa aa laɡ ba le Jerusalam dɛ kaa ba ne Babelɔn la bini waa do.

Hosia 11:8

Israel tena, ɛrɛɛ mɛɛ ba wona ɡel heya ɔ? Ɛrɛɛ mɛɛ ba wona le heyaa tɛɔ? Mɛɛ won chɔɡ heyaa kɛŋɔ Adma tena aa? Ɛrɛɛ mɛɛ ba wona chɔɡ heyaa kɛŋɔ Seboiim tena ɔ? N liire aa men ɡɛ baɡle, nyina maa dɛ nyin heyaa la kan taeh.

Hosia 5:4

Ba we-ɛɛla ɡelɔ baa won berɛ ba men Korowii baa dɛ tom mɛ be. Jwaman we-ɛɛla ɡboo su ba liire ta. Baa men Korowii jemɛ.

Josua 14:4

Josef dea tena lɔ bele banɛ, Manasɛ ne Efrem deene tena. Lewi dea tena ta harɛ la bɛlbwa dɔe, nemenɛ bwɛɛre waa ɡela ba so a ta ne bela waa tɛɛ ba ŋɔ ba nae ne peera ɛɛ di la ɡbo.