2 Webena 29:5 - mzwDBL

⁵ dɛ ŋɔ, “Hé Lewi dea tena hé no! Hé tɔ sie le he te cheɡ tɛ Korowii, dɛ́ laa doŋa bɛlbwa kpɔ he nɛɛ dɛ́ do ɡoroŋ, dɛ́ laa doŋa bɛlbwa kpɔ Korowii ya naawa aa tomɔ Dea nɔ ta. Hé laa komɛlbwa aa ɡela o kah doŋa kpɔ o bini.

2 Webena 29:5 ပူးပေါင်းရင်းမြစ်များ

1 Webena 15:12

Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.

2 Webena 29:34

Dɛ sɔfore la ta warɛ, dɛ́ won swe ola baa kpoora dɛ́ fuah ɛ saraha la, anomanta, ba bala Lewi dea tena la cha ba dɛ swea tonɛ. Gɛ saŋ dɛ sɔfore baa dɔ bɔr dɛ laa doŋa bɛlbwa kpɔ ba nɛɛ dɛ́ do ɡoroŋ warɔ. Dɛ Lewi dea tena la waa dɔ kasinteŋ doŋa laa dɛ kpɔ ba nɛɛ dɛ do ɡoroŋ dɛ ɡwaa sɔfore la kwara.

2 Webena 29:4

Asɛ o ɡel sɔfore ne Lewi dea tena ba cheme Korowii Dea dembaah wee leebɔr pera,

2 Webena 35:6

Hé kpoo Galekaa Tɔpejen pebiiri la, dɛ́ sɔ he doŋa ta, dɛ́ do ɡoroŋ Korowii be pera, ásɛ dɛ kwaa saraha kwaa la tɛ he bala la, ásɛ ba won dɛɛ teŋɛ waa Korowii aa cheɡɛ Mosis nɛɛ dɛ bol la ta.”

Nehemia 12:30

Sɔfore la ne Lewi dea tena la ɛ we-ɛɛla, dɛ laa doŋa bɛlbwa kpɔ ba nɛɛ Korowii be pera, ne nɛra la ne doonyoo, dɛ danjwɛɛ waa bar bwɛjen la bwa ta.

Nehemia 13:9

Ate, n ɡel ba ɛ we-ɛɛla a ɡel deene la do ɡoroŋ, asɛ n berɛ kpɔ Korowii Dea laala la bwa ne mea sarahare, dɛ daawiile a sɔɔh aa soma la ka cheɡ o bini.

Yela 93:5

He mmarare cheɡɔ kiŋkiŋ saŋ bɛlbwa dɛɛ la. He Dea do ɡoroŋ kohona, saŋ bɛlbwa dɛɛ la.

Kaala 19:10

Anee Korowii ŋɔ Mosis be ŋɔ, “La nɛra la be dɛ́ ka ŋɔ ba le fini ne kere dɛ́ sɔ ba doŋa bwa ta, dɛ́ do ɡoroŋ n be pera. Bá chɛɡɛ ba laala,

Kaala 19:15

Asɛ o ŋɔ nɛra la be ŋɔ, “Hé kpɔ he te dɛɛ kpa tɔpetooro wee la. Bɛlbwa ɛɛ berɛ haah chɔe.”

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Ɛsekeɛl 8:3

O tɛr komɛl kɛŋɔ nɛn nɔn dɛ lawɛ n nyumpona, asɛ Korowii Doma ɡɔɔ mɛ n do harɛ ne nyundua baah ta. A ɡɛ wepila nɔ ta la, Korowii kpɔ mɛ kaa Jerusalam o Dea la dembaah doonyoa waa lɔ weekaŋle nyundua pera, dɛ voɡ Korowii aa kiu kɔkɔkɔkɔ lɔ bela.

Ɛsekeɛl 8:6

Korowii ŋɔ n be ŋɔ, “Nɛwɛnyini bie, he na waa maa kia Israel tena ɛa bonɔ kenɛ? Waa aa doŋ mɛ le n Dea kaa bojaŋee ba ɛ la. Hɛɛ na anɔ la maa kia kohonaa á ɡwaa anɔ kwara.”

Joel 2:16

Hé boa nɛra la nyoa, dɛ́ laa ba doŋa kpɔ ba nɛ. Hé boa nomonome nyoa, dɛ́ yerɛ bechale bá ba cheme, hale bechasɔɔhne baa dɛ ɔr. Hanfale ne o jaa le ba dea baa soɡe o bini ba.

2 Kɔrent 6:16

Voɡa ɛɛ wonoo che Korowii Dea a maɡre aa? Ya bwadabii nɔɔ Korowii waa lole saŋ bɛlbwa la dea. Anee Korowii ɡbabir bol la. O bolɔ ŋɔ, “Mɛɛ ba so n nɛra bee, dɛ́ do ba baah, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.