2 Webena 29:31 - mzwDBL

³¹ Anee Kooro Hɛsɛkea ŋɔ ba be ŋɔ, “Taraken te, he bwa kpɔ he te do Korowii nɔn ta, doŋa bɛlbwa toole he nɛɛ kpa. Hé kpo kwaa ɛ sarahare, dɛ́ kpɔ jam kwaa ba Korowii Dea.” Anomanta, ba ba sarahare ne jam sarahare ne, asɛ bane le ba bambile bini, dɛ kpɔ saraha kwaa baa dɛ fuah ba.

2 Webena 29:31 ပူးပေါင်းရင်းမြစ်များ

2 Webena 13:9

He laa doŋi Korowii sɔfore baa ɛ Arɔn naanar ne Lewi dea tena, dɛ berɛ le nɛra bane so ba buɡ ta, ɡɛ harɛre ane nɛra aa ɛa la aa? Nomɛlbwa ɛɛ won kpɔ nabale kɛɛ peera anuanɛ ba ŋɔ bá sɔ o doŋa ta, dɛ́ ɛo kerekpoŋri kwaa haa dɛ yera he voɡa la ta.

Kaala 35:22

Baala ne haahna bwa le ba bambile ta kpɔ suuɡaswɛm kwaa kɛŋɔ deŋna kwa, noniseɡa ne jɔɡrɔre bwa soo siwi ba. Ba bwa ɡɔɔra nyundua dɛ viiɡa men Korowii sie.

Ɛsra 1:4

Hé bala bane baa kaa dɛ ta so bojaŋ harɛre ta la, hé tɛɛ ba suuɡapoŋa ne suuɡaswɛm, ne laala baa kpɔ ɛ toma ne kondɛɛra, dɛ saraha kwaa aa le ba bambile ta, bá kpɔ ba Korowii Dea waa lɔ Jerusalam la bini.’ ”

Lewi Dea Tena 23:38

Gɛ saraha kwaa nɔ ja Ona Tɔpere saraha kwaa ne koŋkɛɛla, ne nyobaɡa chuɡra sarahare dɛ sarahare aa le he bambile ta haa kpɔ baa tɛ men Korowii bwa ta.

Lewi Dea Tena 7:12

Dɛ jam sarahaa yaa, naate kpɔ men baa kpɔ noo koo a ta iisi aa wola toole a ta dɛ́ wɔɔra. Dɛ biskeeti ɡee yaa, bɛ iisi a ta do dɛ́ kpɔ noo fɔɡa, dɛ́ kpɔ men baa nama a kper kɛrɛdɛ noo koo a ta, dɛ́ charama kɛrɛdɛ dɛ́ kpɔ a bwa ba jam saraha kon la ta.

Kaala 35:5

Komɛlbwa haa dɔa la, hé kpɔ a bini ane ba ɛ saraha tɛ Korowii. Gɛ aa le bɛlbwa bambile bini la ó kpɔ ba tɛ Korowii. Koŋkwaa kɛŋɔ suuɡaswɛm ne suuɡapoŋ dɛ ayaawa,

2 Webena 29:32

Ba kpɔ nabala fifraanuanɛ ne pebala lafa, dɛ pebiiri lafraanɛ ba fuh ɛ sarahare tɛ Korowii.

Ɛsekeɛl 46:12

Kooro la dɛ ba ba ɛ saraha aa le o bambile ta, dɛ saraha kwaa baa fuah kɛɛ dɛ deŋnesɔɔhna sarahare dɛ kpoa tɛ mɛ naa, bá pili doonyoa o sie aa chaɡɛ wee leebɔr la tɛo ó jo. A chɛ kɛ ó ɛ saraha kwaa baa fuah kɛɛ deŋnesɔɔhna saraha kwaa la ɡɛ waa dɛ ɛ Ona Tɔpere ta la. Ásɛ dɛ o baa le kaa laa, ba laa ɡbera la tɔ.

Lewi Dea Tena 7:11

Ŋwɛnɛre aa chɔ le tɛ deŋnesɔɔhna saraha aa chɛ kɛ ba kpɔ tɛ mɛ laanee nɔ.