2 Webena 29:27 - mzwDBL

²⁷ Kooro Hɛsɛkea ŋɔ ba kpɔ saraha kwaa baa fuah la ba kon baa ɛ saraha dɛɛ tɛ Korowii o ta la ta. Saraha ɛɛ la aa pa mun la, ba pa mun ɡo yela dɛɛ kpɛɛ Korowii, asɛ bɛle ne kwaa Israel Kooro Devid aa kpɔa dɛɛ lɔ yela ɡe ja.

2 Webena 29:27 ပူးပေါင်းရင်းမြစ်များ

2 Webena 23:18

Ate, Sɔfo Jehoiada kpɔ Korowii Dea bela toma do sɔfore ne Lewi dea tena nɔn ta. Banee Kooro Devid kpɔ do ba nɔn ta ŋɔ, báa fuh saraha kwaa baa kpɔa baa tɛ Korowii la, ɡɛ aa lɔ Mosis Mmara Tɔn bini. Dɛ banee chɔ yela ɡoe ne wobɛlbwa aa dɛ ba silɛɛ ne nyoa.

Yela 136:1

Hé kpɔ jam tɛ Korowii o wer. O nyina lole saŋ bɛlbwa dɛɛ la.

2 Webena 20:21

Kooro ne nɛra la bane bol wa, asɛ o le yelɡoola bane ŋɔ bá ɡo yela kpɛɛ Korowii, o ɡoroŋ waa doa dɛ do kan kohona la wa, asɛ ba tɔ laa tena la sie dɛɛ ɡo yela ŋɔ, “Hé kpɛɛ Korowii o nyina waa dɛ nyin yaa lole saŋ bɛlbwa dɛɛ la.”

2 Webena 7:3

Israel tena la bwa aa na nii la ne Korowii jirima la, ba ɡuŋo, dɛ kpɔ sie pi harɛ bobɛl baa mao bwea ne o ir nyundua, dɛɛ kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.”

1 Webena 16:42

Heman ne Jedutun chɔ bɛle hoeh ne kwaa anɛ ane baa kpɔ ayaawa ɛa dɛɛ hɛlɛ, dɛ anɔ la aa jaa ba kpɔ ɡo yela dɛɛ kpɛɛ Korowii la nyoa. Jedutun bibaala la te, doonyoa belaa ba ɡel ba so dɛɛ daah bela.

2 Webena 29:28

Nɛra baa cheme bela bwa pɛo dɛ ɡuŋi harɛ kpɛɛ Korowii, asɛ yelɡoola ɛɛ ɡo yela bɛlhoohla ɡee hoh ba bɛle. Gɛ waa nɔ bwa ɛo ka tel kɛŋɔ baa fuh saraha kwaa la tonɛ.

2 Webena 7:6

Baa taa kpɔ Dea la dɛɛ do Korowii nɔn ta la, sɔfore kaa che ba chebɔr, Lewi dea tena ka che ba chebɔr, dɛ kpɔ kwaa baa kpɔa dɛɛ hɛlɛ Kooro Devid aa kpɔa tɛ la, dɛ ɡo kpɛɛra yela dɛɛ kpɛɛ Korowii ŋɔ, “O nyina waa dɛ nyin yaa lole saŋ bɛlbwa dɛɛ la.” Gɛ Kooro Devid aa do ba la. Sɔfore la sie chaɡɛ Lewi dea tena dɛɛ hoh bɛle, asɛ nɛra la kabora ɡe che.

2 Webena 30:21

Israel tena aa baa cheme Jerusalam la, ba di Paanoo Iisi Aa Wola Toole a ta Tɔpejen la silɛɛ kohona ne, tɔpera anuanɛ. Asɛ Lewi dea tena ne sɔfore ɡe kpɔ kwaa bwa soo siwi baa kpɔa dɛɛ hɛlɛ lɔ yela, dɛɛ kpɛɛ Korowii kohona tɔpere bɛlbwa, bokpeɡa bwa ne.