2 Webena 29:24 - mzwDBL

²⁴ Asɛ sɔfore la kpoo boohna la, dɛ ɛ a chal ba merɛ kon baa ɛ saraha dɛɛ tɛ Korowii o ta la ta, dɛ kpɔ soŋe Israel tena bwa wechɔɡa Korowii be, dɛkalkɛŋɔ kooro laanee do ba ŋɔ bá fuh kwaa ɛ saraha ne wechɔɡa kpɔe dɛ kɛ sarahare la tɛ Israel tena bwa.

2 Webena 29:24 ပူးပေါင်းရင်းမြစ်များ

2 Webena 30:1

Kooro Hɛsɛkea tomɛ nɛra Israel ne Juda harɛ ta, dɛ chwerɛ tɔn ta nɔn yerɛ Efrem ne Manasɛ deene tena ŋɔ, bá cheme Korowii Dea Jerusalam, dɛ́ di Korowii Israel tena aa dɛ tomɔ Galekaa Tɔpejen la.

Ɛsra 6:17

Dea la kpɔe dɛ do Korowii nɔn ta la, ba kpɔ nabala lafa ne pebala lafraanɛ, dɛ pebali lafraanaarɛ ɛ sarahare, dɛ berɛ kpɔ bombala fi dɛ anɛ, bɛlbwa che tɛ Israel deene fi dɛ anɛ la, dɛ kpɔ ɛ wechɔɡa kpɔe dɛ kɛ saraha tɛ Israel tena bwa.

Ɛsekeɛl 45:15

Pee beŋkpoŋii chɛ kɛ hé lawɛ le kondɛɛre lafraanɛ bɛlbwa aa dɔ dibɔrdɛɛɡe Israel harɛ ta dɛɛ di ba tɛ mɛ. A ɡɛ peera laanee baa ba kpɔe ja mea sarahare ne saraha kwaa baa fuah, dɛ deŋnesɔɔhna sarahare ta, dɛ́ kpɔ soŋe nɛra la wechɔɡa n be n kpɔ kɛ ba. Men Nemenɛ Korowiirii bola.

Ɛsekeɛl 45:17

A ɛ kooro la toma kɛŋɔ ó kpɔ saraha kwaa baa fuah, ne mea sarahare, dɛ sen sarahare tɛ tɔpejena ne Korobifala dɛ Ona Tɔpera dii ta. Wɛɛ kpɔ wechɔɡa kpɔe dɛ kɛ sarahare, ne mea sarahare, ne sarahare baa dɛ fuah, dɛ deŋnesɔɔhna saraharee ba soŋe Israel tena wechɔɡa n be, ń kpɔ kɛ ba.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Lewi Dea Tena 1:4

Náate kpɔ nɔn dawɛ saraha kon baa fuuh la nyu ta, ásɛ kon la che o naa ta lɛ o wechɔɡa waa dɛ soŋ mɛ tɛo.

Lewi Dea Tena 14:20

Dɛ́ kpɔ o ne mea saraha la pɛ ka fuah saraha kon la ta, dɛ́ kpɔ soŋe o wechɔɡa n be. Gɛɛ sɔfo la ɛɛ ba ɛɛ ásɛ o doŋa le o nɛ.

Lewi Dea Tena 6:30

Kɛ wechɔɡa kpɔe dɛ kɛ saraha komɛlbwa baa kpɔ o chal jo n Dea Cheremibɔr, dɛ́ kpɔ soŋe wechɔɡa n be Boɡoroŋ bela la te ta chɛ kɛ ba dia. Fuih chɛ kɛ ba fuah.”

Lewi Dea Tena 8:15

Asɛ Mosis teŋe o baŋa dɛ kpɔ nonii ɛ o chal la ane merɛ kwaa aa paaɡe saraha kon la loŋkoni ta, dɛ leo cheɡ o do ɡoroŋ. Asɛ dɛ berɛ fuɡe chal la kar do saraha kon la mun ta. O ɛ ɡɛ dɛ laa doŋa kpɔ saraha kon la ta o do ɡoroŋ.

Lewi Dea Tena 9:15

Belaa Arɔn kpɔ saraha aa ɛ nɛra la ɡe kwaa ba. O lawɛ booh waa ɛ wechɔɡa kpɔe dɛ kɛ saraha kon la, dɛ teŋe o baŋa ɛ saraha ɡɛ waa ɛ loɡla kon la.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.