2 Webena 29:21 - mzwDBL

²¹ Ba kpɔ nabala anuanɛ ne pebala anuanɛ, ne pebiiri anuanɛ dɛ bombala anuanɛ, dɛ ka ɛ wechɔɡa kpɔe dɛ́ kɛ saraha tɛ harɛ la nɛra bwa, ne Korowii Dea la, dɛ Juda harɛ nɛra ɡe bwa. Kooro do Arɔn naanar baa ɛ sɔfore la ŋɔ, bá kpoo kwaa la kon baa kpoo kwaa ɛ saraha dɛɛ tɛ Korowii la ta.

2 Webena 29:21 ပူးပေါင်းရင်းမြစ်များ

1 Webena 15:26

Gɛ aa ɛ ásɛ Korowii cha Lewi dea tena, ásɛ ba won che Korowii Ne Nɛwɛnyina Fɔo Daka la nomanta, ba kpoo nabala anuanɛ ne pebala anuanɛ ɛ saraha tɛ Korowii.

2 Webena 29:20

Tɔ aa pera chɔmbibi la, Kooro Hɛsɛkea yerɛ Jerusalam nomonome bwa cheme, asɛ ba la Korowii Dea bela.

Ɛsra 8:35

Nɛra baa laɡ ba kaa bojaŋ harɛ ta aa le bela ba la, ba kpɔ saraha kwaa ba ba fuh tɛ Korowii Israel tena aa dɛ tomɔ. Ba kpɔ nabala fi dɛ anɛ tɛ Israel harɛ tena bwa, pebala fifraanuanaarɛ dɛ anumɛl ne pebali fifraanuanɛ dɛ anuanɛ, asɛ dɛ kpɔ bombala fi dɛ anɛ ɡe ɛ wechɔɡa kpɔe dɛ kɛ saraha soŋe ba wechɔɡa. Ba fuh ɡɛ kwaa nɔ bwa ɛ saraha tɛ Korowii.

Job Tɔn 42:8

Anomanta, lawɛ nabala anuanɛ ne pebala anuanɛ ka tɛ n bonɔɔ Job ó kpɔ ɛ saraha baa dɛ fuah tɛ heya. Wɛɛ soŋoo tɛ heya, ásɛ n no dɛ bɛ he deŋne tɛr he ɡɛna waa kpa. He ta n waa kasinteŋ bolɛ kɛ n bonɔɔ Job.”

Ɛsekeɛl 45:23

Tɔpejen la dii tɔpera anuanɛ ta la, tɔpere bɛlbwa a chɛ kɛ o lawɛ nabali anuanɛ, ne pebala anuanɛ bɛlbwa aa wola kirihiah dii, dɛ́ ba ɛ saraha baa fuah tɛ mɛ. Tɔpere bɛlbwa, ó berɛ lawɛ bombal ba ɛ wechɔɡa kpɔe dɛ kɛ saraha.

Lewi Dea Tena 16:5

Israel tena la chɛ kɛŋɔ bá tɛ Arɔn bombala anɛ ó kpɔ ɛ wechɔɡa kpɔe dɛ kɛ saraha, dɛ pebal waa kpɔ ɛ saraha baa fuah la.

Nɛra Kura 23:1

Balam ŋɔ Kooro Balak be ŋɔ, “Ma kwaa baa dɛ ɛ saraha a ta anuanɛ, ásɛ dɛ nyin nabala anuanɛ ne pebala anuanɛ ba tɛ mɛ.”

Nɛra Kura 23:14

Dɛ kpɔɔ kaa kpɔɡ baah bobɛl baa dɛ yerɛ bela Sofim, Pesɡa Bwejen doa. O ma kwaa baa dɛ ɛ saraha a ta anuanɛ, dɛ kpɔ nabal ne pebal ɛ saraha bɛlbwa ta.

Nɛra Kura 23:29

Asɛ Balam ŋɔ o be ŋɔ, “Ma kwaa baa dɛ ɛ saraha a ta anuanɛ, dɛ́ kpɔ nabala anuanɛ ne pebala anuanɛ ba tɛ mɛ.”

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.