2 Webena 29:16 - mzwDBL

¹⁶ Sɔfore la ɡe jo Korowii Dea la bini, dɛ laa doŋa bɛlbwa aa lɔ o ta kpɔ, o do ɡoroŋ ɡɛ tenten. Ba pa komɛlbwa aa lɔ o bini dɛ kah doŋa le ba Korowii Dea dembaah bela. Asɛ Lewi dea tena la chea le bela ka ta Kedrɔn Fɛlembɔjen bini.

2 Webena 29:16 ပူးပေါင်းရင်းမြစ်များ

2 Samoɛl 15:23

Nɛra la bwa aa teŋa baa kaa ɡɛ la, bwɛɛ la tena bwa wio kɛrɛdɛ. Kooro ɡe ɛɡɛ Kedrɔn Fɛlembɔjen la le, asɛ o nɛra la bwa kpɔ sie pa pua hɛŋle ɡbo harɛ ta dɛ kaa.

2 Webena 15:16

Kooro Asa ir o naa Maaka haŋkora ta, dɛkalkɛŋɔ o ɛ voɡ Asera daa aa ɛ kii kwaa la. Kooro Asa teŋni daa la, dɛ fuah Kedrɔn Fɛlembɔjen ta.

2 Webena 3:8

Boɡoroŋ Tenten bela la, dea waa lɔ Korowii Dea bini la, o kpɔ suuɡaswɛm tenten a tɔɡre aa ɛ kilore kaɡboŋa fifraanɛ lafraanaarɛ ɛ bela bwa. O jaŋne ne Korowii Dea la paɡri bwa kɛrɛdɛ, bɛlbwa lɔ naɡale fifraatoro.

2 Webena 30:14

Ba le kwaa harɛre ane nɛra baa dɛ tomɛ voɡa aa dɛ ɛ saraha a ta ne Jerusalam, dɛ chɔɡ anɔ la baa dɛ fuh daawiile a ta, dɛ pa a bwa ka ta Kedrɔn Fɛlembɔjen bini.

2 Webena 5:7

Asɛ sɔfore la kpɔ Korowii Ne Nɛwɛnyina Fɔo Daka la ka cheɡ o Dea la bini, Boɡoroŋ Tenten bela, Kerobim la kena lɔɡre.

Nehemia 13:9

Ate, n ɡel ba ɛ we-ɛɛla a ɡel deene la do ɡoroŋ, asɛ n berɛ kpɔ Korowii Dea laala la bwa ne mea sarahare, dɛ daawiile a sɔɔh aa soma la ka cheɡ o bini.

Ɛsekeɛl 36:29

Mɛɛ lɛ heyaa le waa aa ɡela hɛɛ kah doŋa la ta, dɛ́ ɡel mea bu, dɛ́ doŋi lɔr le harɛ la ta, ásɛ he bɛ lɔr na.

Matiu 23:27

Hé bwɛɛlɛ, Tɔnjerema ne Farisii tena, nɛra haa dɛ nyiŋi nɛra sie mɔɔ dɛɛ ɛ wa! He do kɛŋɔ ŋwam baa teɡɔ wɛɛ nyɛɡle. O nyundua la ɡboo wera, kɛ o bini te, hoɡa ne kompɔɔhla ɡboo.

Amanesoma Jɔn Aa Chwera Tɔn 18:1

Yeesu aa soŋe Korowii tonɛ la, o ne o habɔteŋra la leɔ, dɛ ka le nenabɔɔ Kedrɔn. Dɛ ba ɛ bodɛɛɡe bɛl dɛ du daa ane bela, asɛ ba ka jo a baah.