2 Webena 28:6 - mzwDBL

⁶ Tɔpebeŋkpoŋ ɡbo ta, Remalia bibaa Kooro Pɛka ne o laa tena iro ka kpoo Juda laa tena kaɡboŋa lafa fifraanɛ, dɛkalkɛ ba vɛh Korowii ba naawa aa tomɔ la.

2 Webena 28:6 ပူးပေါင်းရင်းမြစ်များ

2 Koranar 15:27

Kooro Ussia aa di kora Juda harɛ ta bene fifraanue dɛ anɛ taa Remalia bibaa Kooro Pɛka di kora Israel harɛ ta. O soɡe Samaria di kora bene fifraanɛ.

2 Koranar 15:37

Kooro Jotam kora dii saŋ taa Korowii ɡel Siiria Kooro Resin, ne Remalia bibaa Israel Kooro Pɛka pa mun ka yo Juda tena.

2 Koranar 16:5

Asɛ Siiria Kooro Resin ne Israel Kooro Pɛka kpɔ laa tena dɛ ba yo Jerusalam tena dɛ tɔ Kooro Ahas do, kɛ ba ta wone pɔ o nɛ.

2 Webena 13:17

Kooro Abija ne o laa tena kpoo Israel laa tena baa jemɛ yoi taeh, laa tena dɛ ɛ kaɡboŋa lafraanue.

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

2 Webena 21:10

Ba le fini, Edom harɛ tena pere ba te le Juda tena lɔɡa. Gɛɛ bwɛjen Lebna tena ɡe pere ba te ɡɛ saŋ, dɛkalkɛ Kooro Jehoram vɛh Korowii o naawa aa tomɔ la.

2 Webena 28:7

Sikri waa ɛ banyoo dɛ le Efrem dea kpo Kooro Ahas bibaa baa dɛ yerɔ Maaseya, ne koodem nomoa Asrikam dɛ Ɛlkana. Dɛ kooro toole naa Ɛlkanaa lole.

Job Tɔn 34:27

dɛkalkɛ ba laa ba te kpɔ, dɛ vɛh o nɛɛ teŋa, baa sie aa o Mmarare la ta do.

Yela 37:38

Kɛ wechɔɡ-ɛɛra bwa ɛɛ serewoo, ba naanar aa kae ba harɛ nɔ ta.

Aesaya 1:28

Nɛra baa kpaŋe o nɛ, ne wechɔɡ-ɛɛra la, wɛɛ pɛo chɔɡ ba bwa. Asɛ nɛra ba ɡe aa vɛoh la, ó kpoo ba ɡe.

Aesaya 3:25

Kere nee baa ba he bini baala kpoora a wola tɔpere, he kpeɡnɛra baa won yoi bwa ɡe ka laa ta.

Aesaya 7:1

A ɡɛ saŋ, laa chole Juda Kooro Ahas ne koranar banɛ bane baah ta. Koranar la bɛlee Siiria Kooro Resin, bɛl ɡee Israel Kooro Pɛka, o mɛɛ sɔne Remalia. Kooro Ahas ɡe mɛɛ sɔne Jotam, o nabaa ɡee Ussia. Kooro Resin ne Pɛka kpɔ ba laa tena ba Jerusalam dɛ ba yoo ba, kɛ ba ta wone pɔ ba nɛ.

Aesaya 7:9

Israel harɛ ta bwɛjen laa Samaria aa? Kooro Pɛka ɡee bwɛɛ la nyu te. Onee umeo? Dɛ he ta yarada dɔe dɛ che kiŋkiŋ naa, haa won che kɛrɛdɛ kpa.”

Aesaya 9:21

Manasɛ dea nɛra ɛɛ yo Efrem dea nɛraa, ásɛ Efrem dea nɛra ɡe yoo ba, a ɡɛ deene anɛ nɔ ɛɛ pɛo dɛ́ yo Juda dea nɛra. Anɔ nɔ bwa habɔɔ, Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Jeremia 15:6

He berɛ habɔɔ kpo mɛ, he deno na teŋɛ dɛɛ vɛɛh mɛ. Anomanta, mɛɛ kpɔ nɔnee dawɛ he nɛ dɛ́ chɔɡ heya, maa won dɔ tedoma tɛ heyaa kpa. Korowiirii bola.

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Ɛsekeɛl 16:57

mɔɔ he wechɔɡa la bwa le baŋ. He berɔ do kɛ on, hale Edom ne Filisti bihaahna bwa, dɛ nɛra baa soɡa bare bwa, dɛ haeh.

Mmarare 28:15

Dɛ he ta Korowii haa dɛ tomɔ nɔ waa noɛ dɛ teŋɛ o waa ne o Mmarare ta naa, taahna maa bol a waa nɔ bwa ɛɛ ba he nɛɛ dɛ́ ɡure he nyu ta.

Mmarare 28:25

Ásɛ he dɔma berɛ pɔ he nɛ. Hɛɛ kpɔ ŋwɛnɛ beŋkpoŋii ŋɔ he ka yoo ba, kɛ bɛlbwa ɛɛ berɔɔ nyin bɔr kpɔ dɛ́ chwa peɡre jo harɛ nɔ ta bwa.

Mmarare 32:20

dɛ ŋɔ, ‘N laa sie kpɔ ba nɛ, maa ban chaŋe. Mɛɛ nao ɡɛ aa chiɡ heya, lwɛmkpeɡ tena haa wola kasinteŋ bol.

Josua 23:16

Dɛ he koni fɔo he ne Korowii haa dɛ tomɔ la aa fɔwa o do heyaa a ta la, dɛ berɛ kaa tomɛ voɡa dɛɛ ɡuŋa aa, o baah ɛɛ di he nɛɛ kohonaa, ásɛ he serewe le harɛdɛɛɡe waa kpɔa tɛ heyaa nɔ ta.”

Josua 24:20

He bɛ Korowii toma ɡel, dɛ́ kaa tomɛ harɛre ane voɡa. A lole kɛŋɔ o fa ɛ wedɛɛɡa tɛ heya te, o bandia ɛɛ ir he nɛɛ ó tɛr he deŋne ka tel kɛŋɔ waa chɔɡ heyaa kwaraa.”