2 Webena 28:4 - mzwDBL

⁴ Kooro Ahas kpoo kwaa dɛ ɛ saraha, dɛ fuh daawiile a sɔɔh aa soma tɛ voɡare bela voɡtoroma aa dɛ tomɛ, ne deŋɡarere dor, dɛ dajen bɛlbwa mun.

2 Webena 28:4 ပူးပေါင်းရင်းမြစ်များ

2 Koranar 16:4

Kooro Ahas kpoo kwaa dɛ ɛ saraha, dɛ fuh daawiile tɛ voɡare bela voɡtoroma aa dɛ tomɛ, ne deŋɡarere dor, dɛ dajen bɛlbwa mun.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Mumpar 31:54

O ɛ saraha deŋɡarere harɛ baa soɡa la ta, dɛ yerɛ o lolanar la ba ba di kondikwaa la. Baa dia tonɛ la, ba chɔ bela awola jwaana.

2 Webena 28:25

O berɔ ɛ bɔr tɛ voɡtoroma Juda harɛ ta bwɛjena ne bwɛɛre ta, dɛ fuh daawiile dɛɛ tɛ harɛre ane voɡa. Anɔ ɡelɔ Korowii o naawa aa tomɔ la baah di o nɛɛ kɛrɛdɛ.

1 Koranar 14:2

asɛ Kooro Jɛroboam ŋɔ o haah be ŋɔ, “Ir dɛ la Silo Korowii keame Ahija be, o lɔ bela. Ka beɡre he te ásɛ ba bɛ jemɛ kɛŋɔ men Kooro Jɛroboam haahnee hen. Onee ŋɔ n be ŋɔ mɛɛ di kora Israel harɛ nɔ taa.

1 Koranar 14:23

Ba ɡe cheɡ voɡa deŋɡarere ta, dɛ paaɡe bwea, dɛ kpɔ voɡ Asera dajaŋa paaɡe deŋɡare bɛlbwa ta ne dajen bɛlbwa mun.

2 Webena 15:17

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

2 Webena 28:19

Juda Kooro Ahas wechɔɡa waa ba a ne Juda harɛ ta, ne kasinteŋ waa wola dii tɛ Korowii la nomanta, Korowii kpɔ wahala ba ta Juda tena nɛ.

Maeka 1:5

Israel tena baa ɛ Jekɔb naanar wechɔɡa baa ɛ Korowii waa a bwa ba ɡɛ. Bamewaa ɡela Israel tena ɛ deŋnekpeɡ ɔ? Samaria koobwɛɛ nɛra laa aa? Bamewaa dɛ́ di bolchɔɡe voɡa baa dɛ tomɛ Juda harɛ ta waɔ? Jerusalam tenaa.