2 Webena 28:15 - mzwDBL

¹⁵ Asɛ nomonome banaarɛ la lawɛ nɛra la, dɛ ka kpɔ yale aa ja laala laa tena la aa paa la bini ane tɛ banɔ la baa cheɡɛ mumɡbal la, dɛ tɛɛ ba yale ne naŋɡaware ne kondikwa, dɛ noo baa kpɔ do ba ŋwɛra ta. Ba bini banɔ la baa ɡwɛɡra ɡe la, ba kpɔ ba so keeɡore ta. Gɛɛ a ɛ ba kpɔ ba bwa berɛ kaa ba bala be Jeriko baa dɛ yerɔ Bambie Bwɛjen la, dɛ berɛ ba Samaria.

2 Webena 28:15 ပူးပေါင်းရင်းမြစ်များ

2 Koranar 6:22

Elaesa ŋɔ, “Akai, he yo nɛra laa dɛ laɡ ba aa, he dɛ kpoo ba aa? Tɛɛ ba kondikwaa ne nee bá nyɔ, dɛ́ berɛ tɛɛ ba ŋwɛnɛ ba kaa ba dɔɔ be.”

2 Koranar 6:23

Anomanta, kooro ɡelɔ ba ɛ kondikonjena tɛɛ ba ba di, o tɛɛ ba nee ne sen ba nyɔ. Dɛ ta ba ŋwɛnɛ ba kaa ba dɔɔ be. Le bela dɛɛ kaa la, a biɡro Siiria laa tena ta Israel harɛ ta balɛ dɛ ba lɔ tɔ ba nɛɛ kpa.

2 Webena 28:12

Belaa Israel nomonome la bane baa ɛ Jehohanan bibaa Asaria, ne Mɛselɛmɔt bibaa Bɛrekea, ne Salum bibaa Jehiskia, dɛ Hadlai bibaa Amasa ir ka cheme nɛra baa le laa ta dɛɛ ba la.

2 Webena 28:14

Anomanta, laa tena la kpɔ nɛra la ne laala baa paa laa la ta bwa tɛ nomonome baa lɔ bela la bwa, ba siwi ta.

Ɛsra 2:34

Baala baa le Jeriko ɡe lɔ lafraatoro fifraanaarɛ dɛ banue.

Nehemia 5:12

Ate, nomonome la chaŋe ŋɔ, “Yaa berɛ ba kwaa tɛɛ ba, ɡɛ haa bola la, yaa komɛlbwaa lɛ le ba be kpa.” Asɛ n yerɛ sɔfore la cheme, dɛ ɡel sitɔɔla ne nomonome la ŋwɛɛ ntam ba sie kɛŋɔ, baa teŋɛ nyoa baa baɡa la taa.

Aesaya 58:7

Ane ɡee kɛŋɔ, dɛ lɔr dɛ kpo nomɛl aa, tɛo kwaa ó di. Nomɛl nyao, o ta bɔr dɔe dɛ́ chɔ aa, kpɔɔ kaa he dem. Dɛ nomɛl ɡe ta yal dɔe dɛ́ tɔ aa, tɛo bɛl, ásɛ dɛ bɛ sie laa kpɔ he lolanar ɡe nɛ.

Amanesoma Luk Aa Chwera Tɔn 6:27

Yeesu berɔ ŋɔ, “He banɔ la haa dɛ no n waa nɔ, n dɛ ŋɔ he be ŋɔ hɛ́ɛ nyin he dɔma wa, dɛɛ ɛɛ ba wedɛɛɡa.

Amanesoma Luk Aa Chwera Tɔn 8:27

Yeesu aa le ɡbera la bini la, baa bɛl waa ɛ bwɛɛ la te kwa aa dɛ ir o nɛɛ baa chemo. Dɛ kwaa la aa lɔ o nɛɛ biɡro, asɛ o foo o laala ta, dɛ chwa le dem dɛ ka so lala huɡribɔr.

Amanesoma Luk Aa Chwera Tɔn 8:35

Bela tena aa noa la, ba le ba bwɛɛre ta dɛ ba na waa aa chiɡa la. Baa ba Yeesu be la, dɛ baa la kondamanta fa aa lɔ o nɛɛ la, dɛ o kwaa la bwa kaalɔ, o liire ba harɛ, o do laala dɛ so Yeesu sie. Baa na ɡɛ waa nɔ la, ba ɔmɔ.

We-ɛɛla 9:39

Toroma la aa laŋa la, Pita kpɔ o te dɛ puu ba kaa. Waa laŋa la, ba kpɔɔ deeh abrɔsane la. Dɛ luhaahna baa lɔ bela la bwa baa chwa baro dɛɛ wi, dɛ kpɔ batakaani ne yale Tabita aa sɔah ɡɛ saŋ waa wola sewɛ mɔɔ la dɛɛ baɡle Pita.

Tɔn Pɔɔl Aa Chwerɛ Rom Tena 15:1

Ya nɛra ya yarada aa kana la, a chɛ kɛ yaa lawɛ bambile banɔ la ba yarada aa wola kanɛ la nɛɛ dɛɛ cha ba. A ta chɛɛ kɛ yaa ɛ ya ɡbo tetoowa.

Mmarare 34:3

Korowii berɔ baɡlo harɛ la tenten waa chɔa kaa Nɛɡɛv weekaŋle harɛbɔr Jeriko Fɛlembɔjen, dɛ ka le bwɛɛ Soar harɛ ta.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Sitɔɔla 1:16

Mosis helabaa naanar Ken tena le Jeriko, dɛ ba ja Juda dea tena nɛɛ ba ka so pua hɛŋle ɡbo harɛ nɛra bini waa lɔ Nɛɡɛv, dɛ bɛne bwɛɛ Arad.