2 Webena 25:5 - mzwDBL

⁵ Kooro Amasea boa baala bwa baa lɔ Juda ne Bɛnjamen deene, dɛ le ba nomonnyuune ba chɔ laa tena kaɡboŋa ne lafare nyoo ba deene ta. Baala baa di bene fifraanɛ kɛɛ dɛ ɡwaa lɔ nɛra kaɡboŋa lafraatoro. Banee ba le ba kpɔ ba te dɛ jemɛ lampeare ne kwaa baa kpɔa dɛɛ tɔ ba te ɡbemɡbe laa ta ne yoi kɛrɛdɛ.

2 Webena 25:5 ပူးပေါင်းရင်းမြစ်များ

1 Webena 13:1

Kooro Devid ne o laa sitɔɔla baa chɔ laa tena kaɡboŋa ne lafare nyoo chemo dɛ kpɔ liire.

1 Webena 27:1

Kenii Israel tena nomonnyuune ne nomonome baa chɔ laa tena kaɡboŋa ne lafare nyoo, ne ba nomonome baa dɛ tomɛ kooro, dɛɛ nyiŋi laa waa bwa ta benanyobir korobie bɛlbwa ta waa do. Dɛ ba bɔne ba bini, bɛlbwa dɔ laa tena kaɡboŋa fifraanɛ dɛ banaarɛ.

2 Webena 11:1

Kooro Rɛhoboam aa tel Jerusalam la, o boa Juda ne Bɛnjamen deene tena baala baa jemɛ yoi nyoa nɛra kaɡboŋa lafa fifraanuatoro ŋɔ, bá ka yo Israel deene aa lɔ weekaŋle nyunduabɔr, ásɛ o won di kora harɛ la bwa ta.

2 Webena 14:7

Kooro Asa ŋɔ Juda tena be ŋɔ, “Hé ɡel ya ma danjwɛkpeɡa bar bwɛjena nɔ, dɛ́ ma dejaŋa dɛ́ do bune a nyoo, dɛɛ kaɡra bune ne. Harɛ la ɛ ya kon. Yaa ɛ waa Korowii yaa dɛ tomɔ la aa dɛ nyin la waa o ɡel ya dɔ deŋnesɔɔhna la.” Anomanta, ba ɛ ɡɛ asɛ a do wer tɛɛ ba.

2 Webena 14:8

Dɛ Kooro Asa dɔ laa tena kaɡboŋa lafraatoro Juda dea ba kpoŋe kwaa baa kpɔa dɛɛ tɔ ɡbemɡbe laa ta anjena ne lampeare. Dɛ berɛ dɔ laa tena kaɡboŋa lafraanɛ fifraanuatoro baa kpoŋe kwaa baa kpɔa dɛɛ tɔ ɡbemɡbe anjeɡre laa ta, ne tori le Bɛnjamen dea. Dɛ ba bwa ɛ banyoola kɛrɛdɛ!

2 Webena 25:6

O berɔ kpɔ suuɡapoŋa a tɔɡre aa ɛ kilore kaɡboŋa atoro lafraanaarɛ, dɛ ka bɔ Israel laa tena kaɡboŋa lafa paa ŋɔ bá ba yo tɛo.

2 Webena 26:13

Laa tena kaɡboŋa lafraatoro dɛ banuanɛ lafraanue baa dɛ ba wona yo kooro dɔma tɛo kɛrɛdɛ la lɔ ba lɔɡa.

Kaala 18:25

O le Israel baala bini wejerema la ba ɛ nomonome dɛ chɔ ba nyoo. Nɛra kaɡboŋa ne ba nomonome, nɛra lafare ne ba nomonome, nɛra fifraanunue ne ba nomonome, asɛ nɛra fifi ɡe ne ba nomonome.

Nɛra Kura 1:3

Hé ne Árɔn kur ba ɡɛ. Hé kure le baala baa dɔ bene fifraanɛ ne a habɔɔ dɛ́ won la laa.

1 Samoɛl 8:12

Wɛɛ ɡeloo ba bini bane ɛ laa nomonome dɛ́ chɔ laa tena kaɡboŋa nyoa, bane ɡe chɔ laa tena fifraanue nyoa, ásɛ bane ɡe ɛɛ parɛ o koo dɛɛ komɛ o koo kondikwa. Wɛɛ ɡeloo bane ɡe ɛɛ kwaa dɔmkwa baa kpɔ dɛɛ la laa, ne bune baa kpɔ dɛɛ kwaa laa torɔɡore la.