2 Webena 25:20 - mzwDBL

²⁰ Kɛ Kooro Amasea ta a mun noɛ, dɛkalkɛ Korowii dɛ nyin kɛŋɔ ó kpɔ ba do Kooro Jehoas nɔn ta, toma baa dɛ tomɛ Edom harɛ ta voɡa la wa.

2 Webena 25:20 ပူးပေါင်းရင်းမြစ်များ

1 Koranar 12:15

Kooro la ta nɛra la waa la ta noɛ tɛɛ ba. Dɛ Korowiirii ɛa ɡɛ, dɛ ɡel waa waa cheɡɛ Silo te Ahija nɛɛ dɛ bol Nɛbat bibaa Jɛroboam be la ɛ kpela.

2 Webena 10:15

Kooro la ta nɛra la waa la ta noɛ tɛɛ ba. Dɛ Korowiirii ɛa ɡɛ, dɛ́ ɡel waa waa cheɡɛ Silo te Ahija nɛɛ dɛ bol Nɛbat bibaa Jɛroboam be la, ɛ kpela.

2 Webena 22:7

Dɛ Korowiirii ɛa kɛŋɔ Kooro Ahasia ka na Kooro Joram dɛ kpoo. Waa laŋa la, o ne Kooro Joram laŋɔ ka cheme Nimsi bibaa Jehu, Korowii aa leo ŋɔ ó ba kpo Kooro Ahab dem nɛra la.

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

2 Webena 25:19

O berɔ ŋɔ Kooro Amasea be ŋɔ, “He yo Edom tena dɛ pɔ ba nɛ he nyu bini do he som, ɡel a maɡre he ne dɛ́ so he dem. Ɛrɛɛ hɛɛ nyin waa ba dawɛ ya nɛ, dɛ́ chɔɡ he kora ne Juda tena nɔɔ?”

2 Webena 25:21

Anomanta, Israel Kooro Jehoas ne Juda Kooro Amasea kaa cheme dɔŋa Bɛt Sɛmɛs waa lɔ Juda harɛ ta, dɛ yo laa.

1 Pita 2:8

Ba berɔ chwerɛ o waa ŋɔ, “Bwe waa dɛ ba ɡela nɛra lɔ naa dɛ choɡli laanee la.” Ba vɛh Korowii waa la ta teŋa, an ɡela baa lɔ na. Korowiirii cheɡa ɡɛ.