2 Webena 25:19 - mzwDBL

¹⁹ O berɔ ŋɔ Kooro Amasea be ŋɔ, “He yo Edom tena dɛ pɔ ba nɛ he nyu bini do he som, ɡel a maɡre he ne dɛ́ so he dem. Ɛrɛɛ hɛɛ nyin waa ba dawɛ ya nɛ, dɛ́ chɔɡ he kora ne Juda tena nɔɔ?”

2 Webena 25:19 ပူးပေါင်းရင်းမြစ်များ

2 Webena 25:20

Kɛ Kooro Amasea ta a mun noɛ, dɛkalkɛ Korowii dɛ nyin kɛŋɔ ó kpɔ ba do Kooro Jehoas nɔn ta, toma baa dɛ tomɛ Edom harɛ ta voɡa la wa.

2 Webena 26:16

Kɛ Kooro Ussia aa ba dɛ di kpeɡri la, mbarafo nomanta o cholo. O waa ta kasinteŋ dɔe tɛ Korowii waa dɛ tomɔ, dɛ ka jo Korowii Dea ŋɔ o ka fuh daawiile a sɔɔh aa soma kon baa dɛ fuah a ta la ta.

2 Webena 32:25

Kɛ mbarafo nomanta, o siwi ta waa Korowii aa ɛa tɛo la sui, anomanta, Korowii baah di o ne Juda ne Jerusalam tena nɛ.

2 Webena 35:21

Kɛ Kooro Neko kpɔ kala tɛ Juda Kooro Josia ŋɔ, “Juda kooro, n ne he laa dɛɛ yo laa nɔ, n ne n dɔmaa mɛɛ ba dɛ́ ba yoo ba, asɛ Korowii ŋɔ ń ɛ warane, o cheɡɛ n mun ta, anomanta, bɛ men tɔŋle, ásɛ o ba kpoe.”

Sɛɡla 13:10

Waa nee jenu ɛɛ ba, wejeremee dɛɛ bɔɔ waa bini.

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Sɛɡla 18:6

Gɛne wobol dɛ ba naɡra ne, o nyoa wobolee ɡela baa lɔɔro.

Sɛɡla 20:3

Baa bɛlbwa jirimaa kɛŋɔ o laa o te kpɔ naɡra we-ɛɛla ta, ɡɛnee dɛɛ nyin yoi.

Sɛɡla 26:17

Nɛn waa kpɔ o nyoa ɛɛ do nɛra waa aa wola o waa ɛɛ ta la, o do kɛŋɔ waa la fɔɡbaah, dɛ ka lawɛ nyoate deŋne.

Sɛɡla 28:25

Nɛn waa dɛ nyin kɛ o ɡbo ɛɛ dɔ la, dɛ́ ba wahala ne, kɛ nɛn waa kpɔ o te dawɛ Korowii nɛɛ la soɡa bini dɛ do wer.

Jeremia 9:23

Korowii ŋɔ, “Wejerema bɛ mbarafo ɛ ba wejema baa dɔa wa, bokpeɡa tena bɛ ba te dɛɛ maŋkura ba bokpeɡa baa dɔa wa, kɛɛ dɔɔh kpɔ o te dawɛ o kondɔɔh ta.

Daneɛl 11:12

Ijipt kooro la ɛɛ maŋkura o te pɔe waa pɔ ba nɛɛ la waa, ne laa tena waa kpoo ba warɛ la, kɛ waa won teŋɛ dɛɛ pɔ o dɔma nɛɛ ɡɛ.

Habakuk 2:4

Wepila laanee nɔ, Babelɔn tena baa ɛ nyubinikpeɡ tena aa ba nyuu dɔ, kɛ naate o waa aa toɡra dɛɛ su Korowii siwi la, wɛɛ yaradao dɛ́ dɔ o nyu.

Amanesoma Luk Aa Chwera Tɔn 14:31

Dɛ kooro ne o koodɔŋ bɛl dɔ yoi, o dɔ nɛra kaɡboŋa fi o dɔŋ la ɡe dɔ nɛra kaɡboŋa fifraanɛ naa, waa so dɛ́ lii kɛ wɛɛ wonoo kpɔ o nɛra la ka pu o dɔŋ la waa dɔ nɛra ɡwaalo la mɔɔ dɛ́ le ka puu wa aa?

1 Kɔrent 1:29

ásɛ nɛn bɛ won ɡɔɔ o te Korowii sie.

Mmarare 8:14

he bɛ he te maŋkura dɛ́ ba soh Korowii haa dɛ tomɔ o lawɛ heyaa le Ijipt harɛ ta somanjiri dii ta la wa.

Jems 4:6

Kɛ chae Korowii aa na ya sum dɛɛ cha yaa la, on kpeɡa, ɡɛ Korowii Tɔn la aa baɡla ŋɔ, “Korowii dɛ ba nɛra baa dɛ ɛ sɔnnyin la ne harɛ, dɛɛ sune nɛra baa dɛ pwɛr ba te nɛ.”

1 Pita 5:5

He bonɔɔna ɡe la, hɛ́ɛ tɛ he nomonome duure. Hé bwa pwɛr he te dɛɛ tɛ dɔŋa, dɛɛ cha dɔŋa, dɛkalkɛŋɔ Korowii Tɔn bolɔ ŋɔ, “Korowii ne mbarafo tena aa jo, kɛ o dɛ sune nɛra baa dɛ pwɛr ba te nɛɛ dɛɛ cha ba.”