2 Webena 25:16 - mzwDBL

¹⁶ Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

2 Webena 25:16 ပူးပေါင်းရင်းမြစ်များ

2 Webena 10:15

Kooro la ta nɛra la waa la ta noɛ tɛɛ ba. Dɛ Korowiirii ɛa ɡɛ, dɛ́ ɡel waa waa cheɡɛ Silo te Ahija nɛɛ dɛ bol Nɛbat bibaa Jɛroboam be la, ɛ kpela.

2 Webena 16:10

Kooro Asa baah di Korowii keame Hanani nɛɛ kohona, asɛ dɛ lawɔ do dea. Dɛ berɛ le ɡɛ saŋ dɛɛ kaa la, Kooro Asa pa mun dɛɛ ɛ nɛra la bane hɔhɔrɔwa kohona.

2 Webena 18:25

Belaa Israel Kooro Ahab ŋɔ o nomonome la bɛl be ŋɔ, “Lawɛ Korowii keame Mikaya kaa Amɔn waa dɛ nyiŋi bwɛjen nɔ ta, ne n bibaa Joas be,

2 Webena 24:20

Belaa Korowii Doma ba so sɔfo Jehoiada bibaa Sekaria nɛ, asɛ o ka che nɛra la sie dɛ ŋɔ, “Waa Korowii aa dɛ bol he be laanee nɔ, ‘Ɛrɛɛ he vɛh n waa maa do heyaa a ta nɔɔ? He wobɛlbwa aa werii do tɛ heyaa bwa. Haa vɛh mɛ nomanta, n ɡe vɛh heya.’ ”

2 Webena 24:21

Kooro Joas sɛoh o ne ba vɔrɔwe Sekaria vɔrɔwa. Asɛ o ɡel ba foɡro bwea Korowii Dea dembaah dɛ kpoo.

2 Webena 25:15

Anomanta, Korowii baah di Kooro Amasea nɛ, dɛ tomɛ o keame bɛl o be ŋɔ, “Ɛrɛɛ hɛɛ tomɛ harɛre ane voɡa aa wola wone lɛ a nɛra le he nɔn ta nɔɔ?”

2 Webena 25:17

Juda Kooro Amasea ne nɛra baa dɛ jao vɔrɔwe Israel tena vɔrɔwa. Belaa o kpɔ kala tɛ Israel Kooro Jehoas waa ɛ Kooro Jehoahas bibaa, dɛ ɛ Kooro Jehu o fa aa di kora Israel la naa ŋɔ bá cheme dɔŋa dɛ yo laa.

Kaala 10:28

Asɛ o ŋɔ Mosis be ŋɔ, “Le n sie bonɔ kaa! Dɛɛ berɛ n sie bonɔ bala kpa. Awola haa ba n sie bonɔ la, dɛ he sewee.”

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Sɛɡla 1:29

Hé kii wejema, haa nyin kɛ he ɔmɛ Korowii.

Sɛɡla 1:30

Hé ta waa maa dɛ ja heyaa la ta teŋɛ, he vɛh kaeh maa kah heyaa la nɛra bwa siwi ta.

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Jeremia 27:15

Korowii ɡbabir bolɔ ŋɔ o ta bɛlbwa tomɛ, asɛ ba che o sɔn ta dɛɛ teŋe nyosone la. Anomanta, o ŋɔ wɛɛ doŋi he bwaa, ásɛ ba kpoo heya, he ne keamere baa dɛ teŋɛ nyosone la bwa.”

Jeremia 29:26

“Korowii lee sɔfo he ba chiɡ Jehoiada naa ta, dɛɛ nyiŋi o Dea la ta. Henee chɛ kɛ he nyiŋi dɛ́ lawɛ nomɛlbwa waa dɛ we choɡla, dɛɛ ɛ o te kɛ Korowii keamee on la, dɛ́ doo bune jɔɡrɔre ne bune kwaa o baŋa ta.

Jeremia 43:4

Anomanta, Johanan kɛɛ laa nomonome la bɛlbwa, dɛ nɛra la bɛlbwa ta waa Korowii aa do ba ta teŋɛ, dɛ ta so Juda harɛ ta bela.

Ɛsekeɛl 33:4

Dɛ bɛlbwa no bɛla la sii o ta kpɔe ɛ wa, asɛ dɔma la ba kpoo waa, o seo ɡure o ɡbaɡba nyu ta.

Matiu 21:23

Yeesu berɔ la Korowii Dea, dɛ kaa chaɡle nɛra Korowii Wa. Asɛ Sɔfonomonome ne bwɛɛ la nomonome ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.

Tɔn Pɔɔl Aa Chwerɛ Rom Tena 9:22

Gɛɛ a do Korowii be. Nɛwɛnyina ɛ o viine waa maa. Bane chɛ chɔɡa. O ma bane ɡe ásɛ ba ba na som o be. Dɛ o fe dɛ nyin o baɡle o bandia nɛra baa chɛ chɔɡa la nɛɛ dɛ́ ɡel nɛra na o kpeɡri, kɛ o lawɛ bambile,

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

Mmarare 2:30

Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.

2 Timoti 4:3

Tɔpere bɛl ɛɛ bao ásɛ nɛra aa kasinteŋ waa la baɡlaa no, dɛkalkɛ baa an nyin. Baa dɛɛ nyin waa aa dɛ do ba somee dɛ́ no, dɛ́ ka nyin nɛra pirim bá baa chaɡ ba waa ba pɛla aa lɔ a ta la,

Wepila 11:10

Nɛra baa lɔ harɛ nɔ ta ɛɛ koh ba seo la waa ba sie lɛ ba baah sɔɔh ba. Baa chemoo dɛ́ lɛ sie, dɛ́ kɛ dɔŋa kwa, dɛkalkɛŋɔ a ɡɛ Korowii toroma banɛ la fa kpɔ wahala ta ba nɛɛ taeh.

1 Samoɛl 2:25

Nɛn ɛ o dɔŋ wechɔɡa aa, Korowiirii dɛ́ won kwaa ba baah. Kɛ dɛ nɛn ɛ Korowii wechɔɡa aa, nɛn toole dɛ́ cha naate kpa.” Bii la ta ba mɛɛ kaeh waa kah ba la noɛ, dɛ Korowiirii ɛa ɡɛ dɛ́ kpoo ba.