2 Webena 25:15 - mzwDBL

¹⁵ Anomanta, Korowii baah di Kooro Amasea nɛ, dɛ tomɛ o keame bɛl o be ŋɔ, “Ɛrɛɛ hɛɛ tomɛ harɛre ane voɡa aa wola wone lɛ a nɛra le he nɔn ta nɔɔ?”

2 Webena 25:15 ပူးပေါင်းရင်းမြစ်များ

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

2 Webena 20:37

Dodavahu waa le Maresa bibaa Korowii keame Eliesa cheɡɛ Korowii waa ta, dɛ kah Kooro Jehosafat ŋɔ, “He ne Kooro Ahasia aa fɔwɛ nyopɛo fɔo nomanta, Korowii ɛɛ chɔɡ kwaa haa ɛa nɔɔ.” Anomanta, stiimaere la paɡrɔ ba ta wone kpɔa la bonadibɔr.

2 Webena 24:18

Juda harɛ nɛra vɛh Korowii ba naawa fa aa dɛ tomɔ la ka toma o Dea bela, dɛ kaa tomɛ voɡhaah Asera dajaŋa ne voɡa. A ɡɛ wechɔɡa nɔ nomanta, Korowii baah di Juda tena ne Jerusalam tena nɛ.

2 Webena 24:20

Belaa Korowii Doma ba so sɔfo Jehoiada bibaa Sekaria nɛ, asɛ o ka che nɛra la sie dɛ ŋɔ, “Waa Korowii aa dɛ bol he be laanee nɔ, ‘Ɛrɛɛ he vɛh n waa maa do heyaa a ta nɔɔ? He wobɛlbwa aa werii do tɛ heyaa bwa. Haa vɛh mɛ nomanta, n ɡe vɛh heya.’ ”

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

2 Webena 25:7

Anee Korowii keame bɛl la kooro be ka ŋɔ o be ŋɔ, “N naa kooro, bɛ ɡel Israel laa tena teŋɛ he nɛ. Korowii ta Israel tena baa le weekaŋle nyundua harɛ la nɛɛ teŋɛ.

2 Webena 28:9

Dɛ Korowii keame Ɔdɛd lɔ Samaria bela. O iro dɛ la ka cheme laa tena la ɡɛ saŋ baa ba Samaria la. O ŋɔ ba be ŋɔ, “Korowii he naawa aa tomɔ la baah di Juda tena nɛɛ waa o ɡel he yoo ba dɛ pɔ ba nɛɛ la. Kɛ he berɔ kpoo ba warɛ kohona to.

Yela 96:5

Harɛre bwa voɡare ɛ konsale baa kpɔ nɔɔra ɛa, kɛ Korowiirii ta nyundua.

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Jeremia 10:5

Ba ɛa a do kɛŋɔ yakwane baa saɡa koo, dɛ kpɔ dɛɛ doŋi jumbii la ken, ba voɡare la aa won waa bol. Cheɡaa baa chea, dɛkalkɛ aa won valɛ. He bɛ an dɛɛ ɔmɛ, wobɛlbwa toole á won ɛ, kɛɛ dɛ́ won ɛ wedɛɛɡa ane tɛ heya.”

Jeremia 10:7

Harɛre nɛra bwa Kooro, umee dɛ ŋɔ waa duuree kpɔ tɛɛ nɔ? A chɛ kɛ nomɛlbwa duuri. Harɛre bwa nɛra ne wejerema dɛ ba koranar, bɛlbwa ta do kɛ hen.

Jeremia 2:5

Waa Korowii aa dɛ bol laanee nɔ, “Bɔkwa waa n ne he naawa dɔ, asɛ ba vɛɛh mɛ dɛ berɛ habɔɔ kpo mɛ nɔɔ? Ba teŋɛ voɡa aa wola tɔnɔ dɔe nɛɛ dɛ berɛ nɛnsale.

Jeremia 48:13

Sihiih ɛɛ kpo Moab tena ba voɡ Kemɔs waa, kɛŋɔ sihiih aa kpo Israel tena voɡ Bɛtel baa kpɔ ba hwɛɡa dawɛ o nɛɛ la.

1 Kɔrent 10:20

N dɛ baɡle kɛŋɔ nɛra baa wola Juu tena ɛɛ dɛɛ kpoo kwaa la, ba kpoorɔ dɛɛ tɛ Bɔnsam toroma yaa wola an na la. Korowii laa ba ɛ dɛɛ tɛ. Maa nyin kɛŋɔ he ne Bɔnsam toroma pɛ komɛlbwa.

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

Sitɔɔla 18:24

Anee o chaŋ ba ŋɔ, “Haa jemɛ waa haa ɛa aa? He kpɔ n voɡa maa ɛa ne n Kerekpoŋri kaa. Bɔkwaa n dɔ jaɔ?”

Sitɔɔla 2:2

N ŋɔ he ne nɛra baa lɔ harɛ la ta la bɛ fɔo bɛlbwa fɔwɛ, dɛ́ kuuɡi kwaa baa dɛ ɛ saraha a ta dɛɛ tɛ ba voɡa la. Kɛ he ta waa maa do heyaa a ta la noɛ. Ɛrɛɛ he ɛ ɡɛ nɔɔ?