2 Webena 25:14 - mzwDBL

¹⁴ Kooro Amasea aa kaa kpoo Edom tena dɛ ba la, o pa bela voɡa dɛ ba cheɡa, dɛ toma dɛ kpoo kwaa dɛɛ ɛ sarahare a ta.

2 Webena 25:14 ပူးပေါင်းရင်းမြစ်များ

2 Samoɛl 5:21

Filisti tena chwao ɡel ba voɡare bela, asɛ Kooro Devid ne o laa tena paa kaa.

2 Koranar 14:8

Awola bɛl, Kooro Amasea tomɛ toroma Israel Kooro Jehoas be dɛ ŋɔ, “Ba chem mɛ ásɛ ya yo laa.”

2 Webena 25:13

Israel laa tena Kooro Amasea aa ɡela ba berɛ kaa ŋɔ ba bɛ o nɛɛ teŋɛ la laa la ta la, kaa lɔ tɔ Juda bwɛjena ta, le Samaria kaa Bɛt Hɔrɔn, dɛ kpoo nɛra kaɡboŋa batoro, dɛ pa laala aa wara le bela kaa.

2 Webena 25:2

Kooro Amasea ɛ waa aa too Korowii tea, kɛ dɛ o bambile bwa ne laa.

2 Webena 28:23

O kpoo kwaa ɛ sarahare Damaskɔs tena baa yoo dɛ pɔ o nɛɛ voɡare ta, dɛkalkɛ o liiro ŋɔ, “Siiria koranar voɡa aa cha ba nomanta, mɛɛ kpoo kwaa ɛ sarahaa tɛa, ásɛ a cha mɛ.” Kɛ anee ɡela o ne Israel tena lɔ harɛ.

Kaala 23:24

He bɛ ba voɡare dɛɛ tomɛ a ba ɛ kɛŋɔ hɛɛ dɛɛ teŋɛ ba we-ɛɛla taa. Hé paɡre a ne ba bwea baa paaɡa dɛɛ duura la bwa burbur ken.

Aesaya 44:15

O dɛ mar daa nɔ ane, dɛɛ ŋwee, dɛ́ kpɔ dɛɛ daa kondikwa, dɛ́ kpɔ ane ɡe sɛh voɡ dɛɛ tomɔ.

Aesaya 44:19

Ba bini bɛlbwa toole dɛɛ lii wa, bɛlbwa ta wejema dɔe dɛ́ no a mun dɛ́ ŋɔ, “Daa nɔ tentenee n mar, dɛ kpɔ o hɔla dɛɛ daa kondikwa, dɛ wɔɔ ol a ta dɛ chwe. O pera chɛ kɛŋɔ ń kpɔ ɛ kii kon aa? A chɛ kɛŋɔ ń ɡuŋi dakpul aa?”

Emɔs 2:4

Korowii ŋɔ, “Juda tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba vɛh me Mmarare la, ba ta waa maa do ba a ta teŋɛ, dɛ le n waa ta, dɛ kaa tomɛ voɡa ba naawa fa aa toma la.

Mmarare 7:25

Hé fuh ba voɡare, he bɛ ɡel he pɛla lawɛ suuɡapoŋa ne suuɡaswɛm aa lɔ a ta la ásɛ dɛ ba kpɔa, dɛkalkɛŋɔ a do kɛŋɔ bela, dɛ́ won lawɛ heya. Korowii haa dɛ tomɔ nɔ kii.

Mmarare 7:5

Waa aa chɛ kɛŋɔ hé ɛɛ ba laanee kɛŋɔ, hé paɡre bela baa kpoo kwaa dɛ fuah dɛɛ tɛ ba voɡare, dɛ́ kuuɡi bwea baa paaɡa dɛɛ duura la, dɛ́ teŋni voɡhaah Asera dajaŋa la ta, dɛ́ fuh ba voɡare.