2 Webena 24:21 - mzwDBL

²¹ Kooro Joas sɛoh o ne ba vɔrɔwe Sekaria vɔrɔwa. Asɛ o ɡel ba foɡro bwea Korowii Dea dembaah dɛ kpoo.

2 Webena 24:21 ပူးပေါင်းရင်းမြစ်များ

1 Koranar 21:13

Nyosonteŋna banɛ la baa so ba ne o sie chaɡɛ dɔŋa, ba haŋɛ o nyoa nɛra la bwa baah ta kɛŋɔ o taah Korowii ne kooro la. Anomanta, ba lawɔ le bwɛjen la ta dɛ ka foɡro bwea kpo.

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Yela 94:21

Ba pɛ nyoa dɛɛ vɔrɔwe nɛndɛɛɡa vɔrɔwa, dɛ ɡel ba pa nɛra baa di boldɛɛɡe la bolchɔɡe ŋɔ, bá ka kpo ba.

Jeremia 11:19

Dɛ n do kɛŋɔ pebie waa pwɛra ba lawɔ dɛɛ kaa kpobɔr ken. N ta jemɛ kɛŋɔ ba dɛ vɔrɔwe n bwara wechɔɡa ŋɔ, “Hé ɡel ya kpo Jeremia ɡɛ ba yon chɔɡ daa ne o nɔna bwa la, dɛ́ kpoo le harɛ nɔ ta, ásɛ o sɔn den he kwaraa.”

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Jeremia 20:2

o ɡelɔ ba lɔɔ mɛ, dɛ do mɛ jɔɡrɔre. Bela bɛne Bɛnjamen Doonyoa nyunduabɔr, Korowii Dea bela.

Jeremia 26:2

“Ir ka che n Dea dembaah, dɛ́ bol waa bwa maa doe ŋɔ he bol baɡle nɛra baa le Juda bwɛɛre ta dɛ baa tom mɛ bela la. Bɛ webeŋkpoŋ kwaraa ta, bol a bwa.

Jeremia 26:21

Kooro Jehoiakim ne o laa tena dɛ o nomonome bwa aa no waa Uria aa bola la, dɛ o dɛ nyinu dɛ́ kpo. Kɛ Uria noɔ kɛ kooro dɛ nyinu dɛ́ kpo, asɛ dɛ kpɔ ɔmee chwa kaa Ijipt harɛ ta.

Emɔs 5:10

Hé hah nomɛlbwa waa wola nyosone teŋe, dɛɛ bol kasinteŋ kɔɔto dea.

Matiu 21:35

Anee nɛra la lawɛ bonɔɔna la, dɛ lɔɔ bɛl, dɛ kpo bɛl, asɛ dɛ foɡre bɛl ɡe bwea.

Amanesoma Luk Aa Chwera Tɔn 11:51

Dɛ le Ebel kpoe ta ka tel Sekaria baa kpoo bela baa dɛ fuh kwaa dɛɛ tɛ Korowii ne Korowii Dea la tenten baah ta la. Kasinteŋ, n dɛ ŋɔ he be, Korowii ɛɛ pɛɛ fini nɔ nɛra ba bwa waa.

Hibru 11:37

Ba foɡre bane bwea dɛ kpoo ba, dɛ kpɔ seradaa teŋni bane bini anɛnɛ, dɛ kpoo bane ɡe tokobie ne. Dɛ booh tɔne ne pee tɔnee bane kpɔ berɛ laala dɛɛ do. Dɛ ba nyao kɛrɛdɛ, asɛ nɛra che ba nɛ, asɛ bane ɡe ɛɛ ba hɔhɔrɔwa aa wola were.