2 Webena 24:20 - mzwDBL

²⁰ Belaa Korowii Doma ba so sɔfo Jehoiada bibaa Sekaria nɛ, asɛ o ka che nɛra la sie dɛ ŋɔ, “Waa Korowii aa dɛ bol he be laanee nɔ, ‘Ɛrɛɛ he vɛh n waa maa do heyaa a ta nɔɔ? He wobɛlbwa aa werii do tɛ heyaa bwa. Haa vɛh mɛ nomanta, n ɡe vɛh heya.’ ”

2 Webena 24:20 ပူးပေါင်းရင်းမြစ်များ

1 Webena 12:18

Korowii Doma baa so Amasae waa baa ɛ banyoola fifraatoro sitɔɔ la nɛ, asɛ o ŋɔ, “N naa Kooro Devid, henee dɔ yaa! He ne nɛra baa dɛ chae bwa dɔ hɛɛra. Korowii ɛɛ ja he nɛɛ.” Anomanta, Kooro Devid lɛɛ ba dɛ ɡel ba ɛ o laa sitɔɔla.

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

2 Webena 12:5

Ate, Korowii keame Sɛmaya ba Kooro Rɛhoboam ne Juda nomonome baa kaa cheme Jerusalam la be, Kooro Sisak ɔma wa. Asɛ Korowii keame Sɛmaya ka ŋɔ ba be ŋɔ, “Waa Korowii aa dɛ bol laanee nɔ, ‘He vɛɛh mɛ, anomanta, taraken n ɡe vɛh heyaa tɛ Kooro Sisak.’ ”

2 Webena 20:14

Belaa Korowii Doma ba so Sekaria bie Jahaseɛl nɛɛ nɛnlaa la baah. Sekaria mɛɛ sɔne Bɛnaya, Bɛnaya lolɛ Jeyɛl, Jeyɛl lolɛ Matania. Jahaseɛl ɛ Lewi dea te dɛ le Asaf dea.

2 Webena 23:11

Name sɔfo Jehoiada ka lawɛ Joas le buse dɛ fuɡe noo do o nyu ta, dɛ cheɡo kora ta. Ba kpɔ kooɡbɛrɛ piu, dɛ kpɔ fɔo baa fɔwa dɛ che o ta dɛɛ di kora harɛ la ta do o nɔn ta. Asɛ ba lɔ kpaŋa dɛ moo ŋɔ, “Kórowii tɛ kooro mkpajaŋ!”

2 Webena 24:24

Dɛ Siiria laa tena aa kanɛ, kɛ Korowii ɡelɔ ba yo, dɛ pɔ Juda laa tena baa wara kohona nɛ, dɛkalkɛ ba vɛh Korowii ba naawa aa dɛ tomɔ la. Gɛɛ a do Kooro Joas dɔ o deŋnetɛra.

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

2 Webena 29:8

Korowii koh a wa, asɛ o baah di Juda ne Jerusalam tena nɛ, asɛ o tɛr ba deŋne nomɛlbwa bwara yɔr dɛɛ ɔmɛ. Hé ɡbabir jemɔ kɛrɛdɛ.

Jeremia 2:19

Hé ɡbabir nyubinikpeɡii dɛ́ ɡel he dɔ deŋnetɛra. Vɛɛh haa vɛɛh mɛ la ɡe ɡel he di bolchɔɡe. He ɡbabir nyiŋi dɛ́ na ɡɛ haa ɛ wechɔɡa he tea bini chɔɡ, ɡɛ saŋ haa vɛh men Korowii haa dɛ tom mɛ, haa wola men ɔmɛ la wa. Men Korowii, Koranar Bwa Kooroo bola.

Jeremia 26:2

“Ir ka che n Dea dembaah, dɛ́ bol waa bwa maa doe ŋɔ he bol baɡle nɛra baa le Juda bwɛɛre ta dɛ baa tom mɛ bela la. Bɛ webeŋkpoŋ kwaraa ta, bol a bwa.

Jeremia 4:18

Juda tena, he we-ɛɛla ne he liiree ɡela anɔ bwa ba he nɛ. Deŋnetɛra aa chɛ heyaa laanee. A dɛ we kɛrɛdɛ. Na ɡɛ aa jo he bini.”

Jeremia 5:19

Ba bɔɔ ɡɛ aa bala n ɛ anɔ bwa naa, Jeremia, ŋɔ ba be ŋɔ, ‘Gɛ haa dena berɛ habɔɔ kpo mɛ dɛ kaa tomɛ harɛfala voɡare la, ɡɛɛ hɛɛ ba nɛŋhɔɔhra toma ba harɛ ta.’ ”

Jeremia 5:25

Anomanta, ɡɛ waa aa wera nɔ paŋɛ heya, he wechɔɡa haa ɛa la wa.

Emɔs 5:10

Hé hah nomɛlbwa waa wola nyosone teŋe, dɛɛ bol kasinteŋ kɔɔto dea.

Nɛra Kura 14:41

Belaa Mosis ŋɔ ba be ŋɔ, “Ɛrɛɛ hɛɛ ɛ lwɛmkpeɡ dɛɛ vɛh Korowii waa ta teŋa nɔɔ? Ken te aa maɡre.

Matiu 23:35

Anomanta, nɛndɛɛɡa baa nya ba nɛɛ dɛ kpoo ba la, dɛ́ le kpoe baa kpo Ebel waa wola wechɔɡa bɛlbwa ɛɛ la, ka tel kpoe baa kpo Bɛrekea bie Sekaria Korowii Dea la, ne bela baa kpoo kwaa dɛɛ tɛo la baah ta bela la, ba bwa waa ɛɛ ɡure he nɛɛ.

Amanesoma Luk Aa Chwera Tɔn 11:51

Dɛ le Ebel kpoe ta ka tel Sekaria baa kpoo bela baa dɛ fuh kwaa dɛɛ tɛ Korowii ne Korowii Dea la tenten baah ta la. Kasinteŋ, n dɛ ŋɔ he be, Korowii ɛɛ pɛɛ fini nɔ nɛra ba bwa waa.

Mmarare 31:17

A ba ɡɛ naa, n baah ɛɛ di ba nɛɛ, ásɛ n laa sie kpɔ ba nɛ ba chɔɡ. Wechɔɡa ne wahala ɛɛ ba ba nɛɛ taeh, ásɛ ba sɛh ŋɔ, ‘Waa nɔ aa pu yaa nɔ, Korowii ya fa aa dɛ tomɔ la laa nɔn kpɔ ya nɛ.’

Sitɔɔla 6:34

Korowii Doma baa so Gedeɔn nɛ, asɛ o hoh bɛla dɛɛ yerɛ Abeɛsa tena bá ba teŋɛ o nɛ.