2 Webena 23:15 - mzwDBL

¹⁵ Ate, ba tɛɡro le, dɛ kpoo Jaɡre Doonyoa bela jaɡre aa cheɡa dɛɛ jo koodem la ta.

2 Webena 23:15 ပူးပေါင်းရင်းမြစ်များ

1 Koranar 18:40

Elaeja do nɛra la ŋɔ, “Hé lawɛ Baal voɡ tena la, he bɛ ɡel bɛlbwa dɔ bɔr chwa!” Ba lawɛ ba bwa asɛ Elaeja ɡel ba kpɔ ba kaa Kesɔn Fɛlembɔjen bini ka kpoo ba.

2 Webena 22:10

Kooro Ahasia nya Atalia aa naa kɛ o bibaa Kooro Ahasia sewɔ la, o ŋɔ ba kpoo koobii baa ba di kora Juda harɛ ta bwa.

2 Webena 23:14

Dɛ sɔfo Jehoiada aa nyin kɛ bá kpo Atalia Korowii Dea bɔr bela, anomanta, o do laa sitɔɔla la ŋɔ, “Hé lawɔ le laa tena nɔ baah ta, dɛ́ kpo nomɛlbwa waa dɛ nyin kɛ ó ba lɛo.”

Nehemia 3:28

Sɔfore bane pɛo, dɛ kwaa ma choŋi Jaɡre Doonyoa, weekaŋle nyunduabɔr. Bɛlbwa mao chɔŋɛ o dem sie.

Yela 5:6

He dɛ chɔɡ nɛra baa dɛ teŋe nyosone, he hah nɛra baa dɛ kpoo nɛra, ne nɛra baa dɛ neɡre nɛra.

Yela 55:23

Kɛ hen Korowii, hɛɛ taɡɛ nɛra baa dɛ kpoo nɛra, ne nyosonteŋna laanee do ba lalbɔɔne bini, bá serewe mɔɔ ba saŋ tel. Kɛ n te, n kpɔ n te dawɛ hen Korowii nɛ.

Jeremia 31:40

Fɛlembɔjen la bwa, bela baa dɛ huɡe nɛra, dɛ berɛ dɛɛ ta chaa o bini, dɛ harɛre aa chɔ Kedrɔn nenabɔɔ ta, dɛ́ kpoŋe ka le Jaɡre Doonyoa wee leebɔr bwa, ɛɛ do ɡoroŋee tɛ mɛ. Nomɛlbwa aa bwɛjen laanee kuuɡi kɛɛ dɛ chɔɡo kpa. Men Korowiirii bola.”

Nɛra Kura 35:33

Bobɛlbwa haa lole, he bɛ ɡɛ ɛ dɛ́ chɔɡ harɛ la. Nɛŋkpoa dɛ chɔɡ harɛ haa soɡe o ta la. Haa won kpɔ komɛlbwa kwaa harɛ la, nemenɛ naate waa kpo nɛn la ɡbaɡba chal.

Matiu 7:2

dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

Jems 2:13

dɛkalkɛŋɔ Korowii aa naate waa wola o dɔŋ sum na la sumii na awola waa dɛɛ bol ya waa la. Naate waa dɛ na o dɔŋ sum la aa o waa bola ɔmɛ.

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.