2 Webena 23:13 - mzwDBL

¹³ O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle, dɛɛ lɔ kwaa bwa soo siwi baa kpɔa dɛɛ hɛlɛ, asɛ yelɡoola ɡo yela tɔ ba sie. Belaa haŋkooro Atalia laa o batakaare kɛɛ, a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

2 Webena 23:13 ပူးပေါင်းရင်းမြစ်များ

2 Koranar 11:14

O baa na kɛŋɔ kooro la cheɡɛ Korowii Dea la sie pila bɛl jwɛh ɡɛ ba nawee wa aa doa. Asɛ laa sitɔɔla ne bɛlhoohla che kooro jwɛh. Asɛ harɛ la ta nomɛlbwa sie lɛ, baa hoh bɛle. Belaa haŋkooro Atalia laa o batakaare kɛɛ a baɡle kɛ o baah diu kohona, dɛ ŋɔ, “He bwa lee mɛ tɛ! He ɛɛ mɛ dɔm!”

2 Koranar 23:3

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne, ɡɛ tɔn la bini fɔo waa la aa dɛ baɡle la. Asɛ nɛra la bwa baɡɛ nyoa kɛŋɔ baa dɛɛ teŋɛ fɔo la taa.

2 Koranar 9:13

Buɡ la ta, ba ir ɛ warane, dɛ wur ba batakaani, dɛ kpɔ pa kwaa baa cheɡɛ a ta teeh dɛ jo dea la, asɛ Jehu valɛ a ta. Dɛ hoh bɛle dɛ moo ŋɔ, “Jehu di kora.”

2 Koranar 9:23

Kooro Joram laa o jaaɡɔ sie berɛ, dɛ ŋɔ Ahasia be ŋɔ, “Gel yá le bonɔ warane, o dɛ neɡre yaa.”

1 Webena 12:40

Deene ane kɛŋɔ Isaaka ne Sebulon, dɛ Naftale deene tena ɡe le bojaŋa, dɛ kpɔ nyoɡmare ne keeɡore ne nabala aa cheɡɛ kondikwa ne men aa kpera kɛrɛdɛ, ne fiɡ daa nɔna aa hola nɔn del, ne daa nɔna ane ɡe aa hola nɔn del, ne sen dɛ ɔleve no. Ba kpɔ nae ne peera aa wara ba ba kpo di, dɛkalkɛ silɛɛ tentenee ba Israel harɛ ta bwa.

1 Webena 15:24

Sebania ne Josafat ne Nɛtanɛl, ne Amasae ne Sekaria ne Bɛnaya, dɛ Eliesa baa ɛ sɔfore laanee, dɛ́ tɔ Korowii Ne Nɛwɛnyina Fɔo Daka la sie dɛɛ hoh bɛle. Ɔbɛd Edom ne Jehia ɡe ja dɛɛ daah Daka la.

1 Webena 15:27

Dɛ Kooro Devid do batakaarejaŋ baa kpɔ yapondɛɛɡe nyarɔ, ɡɛɛ Lewi dea tena baa cheɡɛ Daka la ne yelɡoola la, ne Kenania waa chɔ yelɡoola nyoa la ɡe do ane. Dɛ Kooro Devid berɔ do sɔfo batakaarebora efɔd baa kpɔ yapondɛɛɡe nyarɔ.

2 Webena 23:12

Haŋkooro Atalia aa no moola nɛra baa dɛ daah ne nɛra baa lɔ bela aa dɛ moo la, o ɛ warane la ba be Korowii Dea bela.

2 Webena 23:14

Dɛ sɔfo Jehoiada aa nyin kɛ bá kpo Atalia Korowii Dea bɔr bela, anomanta, o do laa sitɔɔla la ŋɔ, “Hé lawɔ le laa tena nɔ baah ta, dɛ́ kpo nomɛlbwa waa dɛ nyin kɛ ó ba lɛo.”

2 Webena 34:31

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne.

Yela 14:5

Baa ɔmɔɔ ba bwara ɛɛ sa, jae Korowii aa ja nɛra ba wa aa toɡra la nɛɛ wa.

Sɛɡla 11:10

Nɛn o wa aa toɡra dɔ kɛrɛdɛ naa, bwɛɛ la tena bwa sie dɛ lɛ, kɛ dɛ nɛnchɔɡe baa sewaa, bɛlbwa dɛ mamɛ.

Sɛɡla 29:2

Nɛndɛɛɡa baa di kora aa, nomɛlbwa sie dɛ lɛ, dɛ nɛnchɔɡa ɡe baa di aa, nomɛlbwa dɛ hime.

Wejereme 9:12

Ane a bwa, nomɛlbwa aa o tɔpere jemɛ, ɡɛ ba yon kpɔ asau lawɛ pɛŋe, kɛɛ dɛ́ kpɔ bel lawɛ jumbie la, ɡɛɛ ba yon harɛ nɛra bela dɛ́ piɡri laɡ ba tɔpechɔɡe wee.

Ɛsekeɛl 46:2

Kooro la chɛ kɛ ó che habɔɔ dembaah bela jo, dɛ kpɔ ŋwɛnɛ baa kpɔ o ta dɛɛ jo, dɛ́ ba che doonyoa ɡbera la jwɛh. Ásɛ sɔfore la kpɔ o saraha kwaa baa fuah, ne deŋnesɔɔhna saraha kwaa ba ɛ saraha tɛ mɛ. Ó tomɛ men Korowii doonyoa bela, dɛ́ berɛ le kaa. A ta chɛ kɛ ba tɔ ɡbera la nemenɛ jɔmɔra.

Sitɔɔla 7:8

Gedeɔn ɡelɔ nɛra lafraatoro la so, asɛ o lɛ banɔ la baa kaa la kondikwaare ne ba bɛle, dɛ́ ɡel ba kaa ba tɛnte deene bini, dɛ́ kpɔ ba kondikwaare ne bɛle la tɛ baala lafraatoro la. Dɛ Midian tena lɔ fɛlembɔjen la bini, asɛ Gedeɔn ne o laa tena ɡe do o diŋɡoŋ ta.