2 Webena 22:11 - mzwDBL

¹¹ Dɛ Kooro Ahasia mɛɛ bihaah bɛl sɔne Jehoseba, dɛ yalɛ sɔfo Jehoiada. O sɔɔh dɛ lɛ Kooro Ahasia bibaa Joas le koobii baa dɛ ba ba kpoora la bini, dɛ kpɔɔ ka sɔh o be dea, dɛ ɡel haah bɛl ɛɛ nyiŋi o nɛɛ Korowii Dea. O ɛ ɡɛ dɛ lɛo le haŋkooro Atalia kpoe o fe aa dɛ nyin o kpoe la nɔn ta.

2 Webena 22:11 ပူးပေါင်းရင်းမြစ်များ

2 Samoɛl 7:13

Onee dɛ́ do n Dea tɛ mɛ n sɔn ta, ásɛ n ɡel o kora che kiŋkiŋ saŋ bɛlbwa dɛɛ la.

1 Koranar 15:4

Kɛ Korowii waa dɛ tomɔ koh Kooro Devid wa ɡɛ waa tomɔ nomanta, dɛ tɛo bibaa waa chiɡ o naa ta di kora Jerusalam, ásɛ Jerusalam won che.

2 Koranar 11:2

Kɛ Jehoseba waa ɛ Kooro Jehoram bihaah, dɛ berɛ ɛ Ahasia nimambie, lawɛ Ahasia bibaa Joas la le koodem bela. Dɛ ba fe dɛ nyin bá kpo o ne o bala. Anomanta, o nyaana la lawɛ o ne naate waa dɛ nyiŋi o nɛɛ la ka sɔh Korowii Dea, bobɛl baa dɛ chɔ o bini le Atalia nɔn ta, asɛ ba ta on kpoe.

2 Webena 21:7

Dɛ Korowii aa nyin kɛŋɔ o chɔɡ Kooro Devid dem kora, dɛkalkɛ o ne Devid fɔwɛ fɔo o baɡɔ nyoa ŋɔ o naanar ɛɛ di kora saŋ bɛlbwaa dɛɛ la.

2 Webena 22:10

Kooro Ahasia nya Atalia aa naa kɛ o bibaa Kooro Ahasia sewɔ la, o ŋɔ ba kpoo koobii baa ba di kora Juda harɛ ta bwa.

2 Webena 22:12

Jehoseba kpɔ Joas sɔh Korowii Dea bela bene anumɛl, ɡɛ saŋ haŋkooro Atalia aa dɛ nyiŋi harɛ la ta la.

2 Webena 23:1

Bene anuanɛ ta la, sɔfo Jehoiada baɡle o kpeɡri. O ne laa sitɔɔla baa chɔ laa tena lafare nyoo, ne Jɛroham bibaa Asaria, ne Jehohanan bibaa Ismael, ne Ɔbɛd bibaa Asaria, ne Adaya bibaa Maaseya, dɛ Sikri bibaa Elisafat fɔwɛ fɔo.

Yela 33:10

Korowii chɔɡ harɛre nɛra vɔrɔwa baa vɔrɔwa, o lɔ waa baa dɛ vɔrɔwe bwa ta.

Yela 76:10

Kasinteŋ, he baah di nɛra nɛ aa, a ɡelɔ baa kpɛɛre. Banɔ la baa le he bandia nyoa la, ba dɛ nyiŋi ba te kɛrɛdɛ.

Kaala 8:3

Aa su Nael Moo bwaa dɛ́ ba le koodem ne o dea ne o chɔɔbɔr bwa. O nomonome ne o nɛra bwa deremi, ne bela baa dɛ ɛ kondikwaare, ne bela baa dɛ wɔɔ paanoo, dɛ kwaa baa dɛ charame paanoo a bini bwa taa aa ba sui.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Aesaya 65:8

Korowii berɔ ŋɔ, “Gɛ nee aa lɔ ɡrepo nɔna sao ta ba yon ŋɔ, ‘He bɛ an chɔɡ, ba ta ɛɛ daa a ne senee’ la, ɡɛɛ maa wola n nɛra bwaa chɔɡ, mɛɛ lɛ banɔ la baa dɛ tom mɛɛ.

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.